motivation-353

നമ്മൾക്ക് ചുറ്റിലുമുള്ള ഒത്തിരിയേറെ ആളുകൾ അവരുടെ കഴിവിൽ നിന്നുകൊണ്ട് പല വിധത്തിലുള്ള സഹായങ്ങൾ മറ്റുള്ളവർക്കായി ചെയ്യുന്നത് നമ്മളിൽ പലർക്കും അറിയാവുന്ന കാര്യമാണ്.

നമ്മൾക്ക് നമ്മുടെ ചുറ്റിലുമുള്ളവരുടെ വളർച്ചക്കായി നല്ല കാര്യങ്ങൾ ചെയ്യാനുള്ള ഉത്തരവാദിത്തമുണ്ട്.

നമ്മൾക്ക് ചെയ്യാൻ സാധിക്കുന്ന ഉപകാരങ്ങൾ അതു അർഹതപ്പെട്ടവർക്ക് നൽകുക. ഈ ലോകം മുന്നോട്ടു പോകുന്നത് പലരും അവരുടെ കഴിവും, സമയവും മറ്റുള്ളവർക്കുവേണ്ടി നല്ല രീതിയിൽ ഉപയോഗിക്കുന്നതുകൊണ്ടാണ്.

മറ്റുള്ളവർക്ക് ഉപകാരം ചെയ്തില്ലെങ്കിലും ഉപദ്രവം ചെയ്യാതിരിക്കുക.

നമ്മൾക്ക് വളരാൻ കഴിയുന്നത് നമ്മുടെ സമൂഹം വളരുന്നതുകൊണ്ടാണ്.നമ്മൾ ഓരോരുത്തരും കഴിവിന്റെ പരമാവധി പരിശ്രമിച്ചെങ്കിൽ മാത്രമേ നേട്ടങ്ങൾ കൈവരിക്കാൻ കഴിയുകയുള്ളു.

നമ്മൾക്ക് എന്തെങ്കിലും തരത്തിൽ നേടാൻ കഴിഞ്ഞെങ്കിലെ മറ്റുള്ളവരെ ഒരു പരിധിവരെയെങ്കിലും സഹായിക്കാൻ കഴിയുകയുള്ളു. നല്ല മാറ്റങ്ങൾക്കായി നമ്മൾ നല്ലതുപോലെ പരിശ്രമിക്കേണ്ടതുണ്ട്.

മറ്റുള്ളവരെ സഹായിക്കാനുള്ള നല്ല മനസ്സ് നമ്മൾക്ക് ഉണ്ടാവേണ്ടതുണ്ട്. നാളെകളിൽ നമ്മൾക്ക് ഒരാവശ്യം വന്നാൽ നമ്മളെ സഹായിക്കുക നമ്മൾക്ക് മുൻപരിചയം ഇല്ലാത്തവർ ആയിരിക്കാം.

നമ്മൾക്ക് ഉപകാരം ചെയ്യാൻ പറ്റുന്നിടത്തോളം കാലം മറ്റുള്ളവരെ നല്ല കാര്യങ്ങൾക്കുവേണ്ടി സഹായിക്കുക.

നമ്മൾ ഉപകാരം ചെയ്തുകൊടുത്തവരൊക്കെ ഒരുപക്ഷെ നാളുകൾ കഴിയുമ്പോൾ അതെല്ലാം മറന്നെന്നു വരാം, നമ്മൾക്ക് ഒരാവശ്യം വരുമ്പോൾ കഴിവുണ്ടായിട്ടുപോലും തിരിച്ചു നമ്മളെ സഹായിക്കാതെ വന്നെന്നും വരാം.

മറ്റുള്ളവരിൽ നിന്നും ഒന്നും തന്നെ തിരികെ പ്രതീക്ഷിച്ചു കൊണ്ടാകരുത് നമ്മൾ സഹായിക്കേണ്ടത്.

പലരുടെയും ജീവിതത്തിൽ വേദനകളും, സങ്കടങ്ങളും, ദുരിതങ്ങളുമെല്ലാം ഉണ്ടാകുമ്പോൾ ഒരു ആശ്വാസം ആകുന്നത് ആരെങ്കിലുമൊക്കെ കഴിവിനനുസരിച്ചു അവരെയൊക്കെ സഹായിക്കുമ്പോഴാണ്.

നാളെകളിൽ നമ്മളുടെ അവസ്ഥ എങ്ങനെ ആയിരിക്കുമെന്ന് ആർക്കും മുൻകൂട്ടി പറയാൻ കഴിയില്ല. ഇന്ന് നമ്മൾക്ക് ചെയ്യാൻ പറ്റുന്ന സഹായങ്ങൾ മറ്റുള്ളവർക്കായി നൽകുക.

ഇനിയുള്ള കാലം നല്ല കാര്യങ്ങൾക്കായി മറ്റുള്ളവർക്ക് നമ്മുടെ ഓരോരുത്തരുടെയും കഴിവിനനുസരിച്ചു ഉപകാരം ചെയ്തു നൽകാൻ സാധിക്കട്ടെ.