motivation-304

നമ്മൾക്ക് നാളിതുവരെയായി ഒത്തിരിയേറെ സഹായങ്ങൾ പലരിൽ നിന്നായി ലഭിച്ചിട്ടുണ്ട്. നമ്മളുടെ ജീവിതം മെച്ചപ്പെടാനുള്ള പ്രധാന കാരണം നമ്മുടെ ചുറ്റിലുമുള്ളവർ നമ്മളെ വേണ്ടതുപോലെ വേണ്ട സമയങ്ങളിൽ സഹായിച്ചതുകൊണ്ടാണ്.

നമ്മൾക്ക് കിട്ടിയ സഹായങ്ങൾക്ക് എല്ലാം തന്നെ, നമ്മളെ കൊണ്ട് കഴിയാവുന്ന വിധത്തിൽ തിരികെ സഹായം നമ്മൾ ചെയ്യേണ്ടതായിട്ടുണ്ട്. നമ്മൾക്ക് മറ്റുള്ളവരെ സഹായിക്കാൻ പറ്റുന്ന കാലത്തോളം സഹായിച്ചുകൊണ്ടിരിക്കുക.

ഈ ലോകം മുന്നോട്ട് പോകുന്നത് തന്നെ പരസ്പരമുള്ള സഹായങ്ങൾ കൊണ്ടാണ്. സഹായം ചെയ്യേണ്ടത് എപ്പോഴും അർഹതപ്പെട്ടവർക്കാണ്.

നമ്മൾക്ക് കിട്ടിയ ചെറുതും, വലുതുമായ സഹായങ്ങൾക്ക് നന്ദിയുള്ളവരാകുക, മറ്റുള്ളവരെ വേണ്ട സാഹചര്യത്തിൽ സഹായിക്കാൻ മറക്കാതിരിക്കുക. നമ്മൾക്ക് കിട്ടിയ സഹായങ്ങൾ ഒരിക്കലും മറക്കാതിരിക്കുക. പല സാഹചര്യത്തിലും നമ്മൾക്ക് മുന്നോട്ടു പോകുവാൻ കഴിയുന്നത് പരസ്പരമുള്ള സഹായംകൊണ്ടുമാത്രമാണ്.

ഇന്ന് സമ്പന്നതയിൽ ജീവിക്കുന്നവർക്കെല്ലാം നാളെകളിൽ അങ്ങനെ തന്നെ കഴിയാൻ സാധിക്കുമെന്ന് യാതൊരുവിധ ഉറപ്പില്ലല്ലോ.

ഇന്ന് ദാരിദ്ര്യത്തിൽ കഴിയുന്നവർക്കെല്ലാം വേണ്ട വിധത്തിൽ സഹായം ലഭിച്ചാൽ സമ്പന്നതയിൽ എത്തിച്ചേരാൻ സാധിച്ചേക്കും.

മറ്റുള്ളവരിൽ നിന്നും നാളുകളായി കിട്ടിയ സഹായങ്ങൾക്ക് പ്രത്യുപകാരം ചെയ്യാൻ ഇനിയുള്ള നാളുകളിൽ നമ്മൾ ഓരോരുത്തർക്കും സാധിക്കട്ടെ.