motivation-299

നമ്മൾ ഓരോരുത്തർക്കും ഓരോരോ കഴിവുകളുണ്ടാകാം,അതിലുടെ പല തരത്തിലുള്ള നേട്ടങ്ങളും സ്വന്തമാക്കാൻ കഴിഞ്ഞിട്ടുണ്ടാകാം.

നമ്മുടെ നേട്ടങ്ങൾ നമ്മളെ ഒരുപക്ഷെ അഹങ്കാരികൾ ആക്കിയേക്കാം. നമ്മളുടെ നേട്ടങ്ങൾ നമ്മളിൽ ഞാനെന്ന ഭാവം ഉളവാക്കിയേക്കാം.

ഞാനെന്ന ഭാവം നമ്മൾക്ക് ഒഴിവാക്കാൻ സാധിക്കേണ്ടതുണ്ട്. മനുഷ്യർക്ക് പല കാര്യത്തിലും ഒത്തിരിയേറെ കുറവുകളുണ്ട്. ആ കുറവുകളെ അംഗീകരിക്കാൻ നമ്മൾക്ക് കഴിയേണ്ടതുണ്ട്.

ഞാനെന്ന ഭാവം നമ്മളിൽ ഉണ്ടെങ്കിൽ മറ്റുള്ളവരോടുള്ള നമ്മുടെ പെരുമാറ്റം എപ്പോഴും ശരിയായ വിധത്തിൽ ആവണമെന്നില്ല.

നമ്മൾ എന്തൊക്കെ ഈ ലോകത്തിൽ നിന്ന് നേടിയാൽ പോലും അതെല്ലാം നമ്മുടെ മരണത്തിലൂടെ ഈ ലോകത്തിൽ തന്നെ ഉപേക്ഷിച്ചു പോകേണ്ടതായിട്ടുണ്ട്.

മറ്റുള്ളവരെ വേണ്ട വിധത്തിൽ സഹായിക്കാനും, സ്നേഹിക്കാനും ഞാനെന്ന ഭാവം ഉപേക്ഷിക്കേണ്ടതായിട്ടുണ്ട്.

നമ്മളിലുള്ള ഞാനെന്ന ഭാവം എത്ര നേരത്തെ ഒഴിവാക്കാൻ കഴിയുമോ അത്ര നേരത്തെ ഒഴിവാക്കാൻ ശ്രമിക്കുക.

നമ്മൾ ഇന്നിവിടെ വരെ എത്തിയത് നമ്മുടെ മാത്രം കഴിവുകൊണ്ടൊന്നുമല്ലല്ലോ, ചുറ്റിലുമുള്ള നല്ലവരായ മനുഷ്യരുടെ സഹായങ്ങൾ കൊണ്ടുകൂടിയാണ്.

നമ്മളിൽ ഉണ്ടായിട്ടുള്ള ഞാനെന്ന ഭാവം എല്ലാവർക്കും എത്രയും പെട്ടെന്ന് തന്നെ ഒഴിവാക്കാൻ സാധിക്കട്ടെ.