motivation-292

ഓരോരുത്തർക്കും വിഷമം ഉണ്ടാവാൻ ഓരോരോ കാരണങ്ങൾ ഉണ്ടാവാം. നമ്മളെ ചെറുപ്പം തൊട്ട് ഒത്തിരി ആളുകൾ ഒരുപക്ഷെ പല കാരണത്താൽ വിഷമിപ്പിച്ചിട്ടുണ്ടാകാം.

നമ്മുടെ ഭാഗത്തെ തെറ്റുകൾ കൊണ്ടോ, മറ്റുള്ളവരുടെ ഭാഗത്തെ തെറ്റുകൾ കൊണ്ടൊക്കെ ഒരുപക്ഷെ നമ്മളിൽ പലർക്കും വിഷമങ്ങൾ ഉണ്ടായേക്കാം.

നമ്മൾ ആഗ്രഹിച്ചത് നേടാൻ സാധിക്കാതെ വരുമ്പോൾ നമ്മൾക്ക് വിഷമം അനുഭവിക്കേണ്ടി വന്നേക്കാം.

ക്ഷമയോടെ പരിശ്രമിച്ചെങ്കിൽ മാത്രമേ പല കാര്യങ്ങളും നേടിയെടുക്കാൻ കഴിയുകയുള്ളു.

ഓരോ വിഷമവും നമ്മളിൽ നിന്നും അകന്നുപോകുവാൻ അതിന്റെതായ സമയം ആവശ്യമാണ്.

സാമ്പത്തിക പ്രതിസന്ധി, ദുരിതങ്ങൾ,

 രോഗങ്ങൾ, വേണ്ടപ്പെട്ട വ്യക്തികളുടെ വേർപാട്, പരാജയങ്ങൾ, നഷ്ടങ്ങൾ, അവഗണനകൾ, അപമാനങ്ങൾ അങ്ങനെ തുടങ്ങി ഒത്തിരിയേറെ കാര്യങ്ങൾ നമ്മൾക്ക് വിഷമത്തിനു കാരണമായേക്കാം. 

നമ്മൾക്കുണ്ടാകുന്ന പല വിഷമങ്ങളും നമ്മൾക്ക് സ്വയം പരിഹരിക്കാൻ എല്ലായ്‌പോഴും സാധിച്ചെന്നുവരില്ല.വേണ്ടപ്പെട്ടവരുടെ സഹായം നമ്മൾക്ക് വിഷമങ്ങൾ പരിഹരിക്കാൻ ആവശ്യമാണ്.

വിഷമം ആർക്കും എപ്പോൾ വേണമെങ്കിലും ഉണ്ടാവാം. പണം ഉണ്ടെങ്കിലും, ഇല്ലെങ്കിലും വിഷമം ആരിലേക്ക് വേണമെങ്കിലും കടന്നുവന്നേക്കാം.

നമ്മളിൽ പലരും ഇന്നിപ്പോൾ ഇവിടെ വരെ എത്തിച്ചേർന്നതിന് പിന്നിൽ നിരവധി ആളുകൾ നമ്മുടെയൊക്കെ വിഷമഘട്ടത്തിൽ നമ്മളെ അവരുടെയൊക്കെ കഴിവിനനുസരിച്ചു സഹായിച്ചതുകൊണ്ടാണ്.

നമ്മൾക്കുണ്ടാകുന്ന വിഷമഘട്ടങ്ങളെ തരണം ചെയ്യാൻ എല്ലായ്‌പോഴും അത്ര എളുപ്പമാവണമെന്നില്ല.

വിഷമഘട്ടങ്ങളിൽ വേണ്ടപ്പെട്ടവരുടെ സഹായം തേടാൻ മടി വിചാരിക്കാതിരിക്കാൻ നമ്മൾക്ക് ഇനിയെങ്കിലും കഴിയട്ടെ.