motivation-282

ഒത്തിരിയേറെ നഷ്ടങ്ങൾ പല സാഹചര്യത്തിലുമായിട്ട് നേരിട്ടവരാണ് നമ്മളിൽ പലരും.നഷ്ടങ്ങൾ ഉണ്ടാവാൻ ഒത്തിരിയേറെ കാരണങ്ങൾ പിന്നിലുണ്ട്. നഷ്ടങ്ങൾക്കുള്ള കാരണങ്ങളെ ശരിയായ വിധത്തിൽ കണ്ടെത്തി പരിഹരിക്കാൻ നമ്മുടെ ഭാഗത്തുനിന്നും ശ്രമങ്ങൾ ഉണ്ടാവേണ്ടതുണ്ട്.

നമ്മൾക്കുണ്ടായ നഷ്ടങ്ങൾ നൽകുന്ന വേദനകൾ നമ്മൾക്ക് അല്ലാതെ മറ്റൊരാൾക്കും അറിയാൻ കഴിയില്ല.

വേദനകൾ എത്ര വലുതായാലും, ചെറുതായാലും നമ്മൾക്ക് പകരം മറ്റൊരാൾക്കും ആ വേദനകൾ ഏറ്റെടുക്കാൻ കഴിയില്ല.

ഓരോ ദിവസവും ആ ദിവസത്തിന്റെതായ മാനസിക, ശാരീരിക ബുദ്ധിമുട്ടുകളിലൂടെയാണ് നമ്മളൊക്കെ കടന്നുപോകുന്നത്. ആരോടും തുറന്നു പറയാൻ കഴിയാതെ വിഷമങ്ങളെ ഉള്ളിലൊതുക്കി കഴിഞ്ഞുപോകുന്നവർ നിരവധി പേരാണ് നമ്മുടെ ചുറ്റിലും.

നികത്താൻ കഴിയാത്ത നഷ്ടങ്ങൾ നമ്മൾക്ക് പലപ്പോഴും നേരിടേണ്ടി വന്നേക്കാം, ആ നഷ്ടങ്ങളിൽ തളരാതെ മുന്നേറാൻ നമ്മൾ ഓരോരുത്തരും പരിശ്രമിക്കേണ്ടിയിരിക്കുന്നു.

സങ്കടങ്ങൾക്കും നഷ്ടങ്ങൾക്കും വേദനകൾക്കും അപ്പുറം സന്തോഷങ്ങൾക്കും, ലാഭത്തിനും, സുഖങ്ങൾക്കുമുള്ള അവസരങ്ങൾ നമ്മളിൽ പലർക്കും ഒരുപക്ഷെ നാളെകളിൽ കിട്ടിയേക്കാം.

ഓരോ നിമിഷവും മാറ്റങ്ങൾക്ക് വിധേയമാണ്. സമയത്തെ നഷ്ടപ്പെടുത്താതെ ഉപയോഗപ്പെടുത്തികൊണ്ട് മുന്നേറാനും, നികത്താൻ കഴിയാത്ത നഷ്ടങ്ങൾ നമ്മുടെയൊക്കെ ചുറ്റിലുമുണ്ടെന്നുള്ള യാഥാർഥ്യം ഉൾകൊള്ളാനും നമ്മൾ എല്ലാവർക്കും സാധിക്കട്ടെ.