motivation-273

നമ്മൾക്ക് പലവിധത്തിലുള്ള ബുദ്ധിമുട്ടുകൾ ഉണ്ടാവുമ്പോൾ നമ്മളെ ആശ്വാസിപ്പിക്കാൻ പലരും നമ്മളോട് സാരമില്ല എല്ലാം ശരിയാവുമെന്ന് ചിലപ്പോഴൊക്കെ പറയാറുണ്ട്.

നമ്മളൊക്കെ എത്ര പരിശ്രമിച്ചാലും ചിലതെല്ലാം പൂർണ്ണമായി വിജയിക്കണമെന്നില്ല. നമ്മൾക്ക് എന്തുകാര്യത്തിലായാലും മുന്നേറാൻ കഴിയണമെങ്കിൽ നമ്മൾക്ക് നമ്മളിൽ തന്നെ വിശ്വാസം ഉണ്ടാവേണ്ടതുണ്ട്.

നമ്മുടെ ജീവിതത്തിലെ മോശം സാഹചര്യങ്ങളിൽ നിന്നും മോചനം നേടണമെങ്കിൽ നമ്മൾ സ്വയം കരുത്താർജിക്കേണ്ടതുണ്ട്.

നമ്മളുടെ ജീവിതത്തിൽ ഉണ്ടാകുന്ന ഓരോ ബുദ്ധിമുട്ടുകൾക്ക് പിന്നിലും എന്തെങ്കിലുമൊക്കെ കാരണങ്ങൾ ഉണ്ടായേക്കാം.കാരണങ്ങളെ ശരിയായ വിധത്തിൽ കണ്ടെത്തി പരിഹരിക്കാൻ നമ്മൾ ഓരോരുത്തരും ഇനിയുള്ള നാളുകളിൽ ആത്മാർത്ഥമായി പരിശ്രമിക്കേണ്ടിയിരിക്കുന്നു.

സാരമില്ല എല്ലാം ശരിയാവുമെന്ന് നമ്മൾ വെറുതെ സ്വയം നമ്മളോടുതന്നെ പറഞ്ഞതുകൊണ്ട് മാത്രം കാര്യമില്ല, നേട്ടങ്ങൾക്കായി മടികൂടാതെ പരിശ്രമിക്കേണ്ടിയിരിക്കുന്നു.

സാരമില്ല എല്ലാം ശരിയാവുമെന്ന് കേൾക്കുമ്പോൾ വളരെയേറെ ആശ്വാസം നമ്മളിൽ പലർക്കും തോന്നിയേക്കാം, പക്ഷെ എങ്കിൽ നമ്മുടെ ഭാഗത്തു നിന്നും വേണ്ട വിധത്തിലുള്ള പരിശ്രമം ഇല്ലെങ്കിൽ എല്ലാം വെറുതെയായേക്കാം.

നമ്മൾ ചെയ്യേണ്ട കാര്യങ്ങൾ നമ്മൾ ചെയ്തേ പറ്റുകയുള്ളു. നമ്മൾ അനുഭവിക്കേണ്ട നഷ്ടങ്ങളും, പരാജയങ്ങളും, വേദനകളും നമ്മൾക്ക് പകരമായി മറ്റൊരാൾക്കും അനുഭവിക്കാൻ കഴിയണമെന്നില്ലല്ലോ.

മറ്റുള്ളവരുടെ സങ്കടങ്ങളിൽ സാരമില്ല എല്ലാം ശരിയാവുമെന്ന് വെറും വാക്ക് നൽകാതെ മുന്നോട്ടു നമ്മളെ കൊണ്ട് പറ്റാവുന്നതരത്തിൽ മറ്റുള്ളവർക്ക് വേണ്ട സഹായം ചെയ്തു നൽകാൻ കഴിയട്ടെ.

നമ്മൾക്കുമുന്നിലുള്ള തടസ്സങ്ങളെ അതിജീവിക്കാൻ നമ്മൾ ഓരോരുത്തർക്കും സാധിക്കേണ്ടതുണ്ട്. നമ്മൾക്കുണ്ടാകുന്ന ഓരോ വിഴ്ചകളിലും തളരാതെ, നിരാശപ്പെട്ടിരിക്കാതെ സാരമില്ല എല്ലാം ശരിയാവുമെന്ന് ഉറച്ചു വിശ്വസിക്കാനും, നേട്ടങ്ങൾക്കായി ആത്മാർത്ഥമായി പരിശ്രമിക്കാനും സാധിക്കട്ടെ.