motivation-230

നമ്മുടെ ചുറ്റിലുമുള്ള പല കാഴ്ചകളും, മോശപ്പെട്ട അനുഭവങ്ങളും നമ്മൾക്ക് ഒത്തിരിയേറെ മാനസികമായും, ശാരീരികമായും ഒരുപക്ഷെ ബുദ്ധിമുട്ട് സൃഷ്ടിക്കുന്നുണ്ടാവാം.

നമ്മുടെ മുന്നിലൂടെ പല തരത്തിലുള്ള പ്രശ്നങ്ങൾ, ദുരിതങ്ങൾ, നഷ്ടങ്ങൾ, പ്രതിസന്ധികൾ, രോഗങ്ങൾ എല്ലാം തന്നെ കടന്നുപോയേക്കാം, അപ്പോഴെല്ലാം മനസ്സ് തളരാതെ നോക്കേണ്ടത് നമ്മുടെ കടമയാണ്.

ഏതൊരു മനുഷ്യനും അവരവരുടേതായ ബുദ്ധിമുട്ടുകൾ സാഹചര്യത്തിനനുസരിച്ചു നേരിടേണ്ടതായിട്ടുണ്ട്.

നമ്മൾ ഓരോരുത്തരും ആഗ്രഹിക്കുന്നതുപോലെ മുന്നോട്ടു പോകുവാൻ എല്ലായ്പോഴും സാധിക്കണമെന്നില്ലല്ലോ.

പല മോശപ്പെട്ട അവസ്ഥകളും നമ്മുടെയൊക്കെ ജീവിതത്തിൽ ഒത്തിരിയേറെ വേദനകൾക്ക് കാരണമായേക്കാം.

നമ്മൾക്കുണ്ടാകുന്ന ദുഃഖദുരിതങ്ങളെയൊക്കെ അതിജീവിക്കുവാൻ നമ്മുടെ മനസ്സ് തളരാതെ നോക്കേണ്ടതുണ്ട്.

പ്രതികൂല സാഹചര്യങ്ങളെ നേരിടാൻ മാനസികമായും ശാരീരികമായും നമ്മൾ ഓരോരുത്തരും കരുത്താർജിക്കേണ്ടതുണ്ട്.

സമ്പത്തും, ആരോഗ്യവും, സുഖസൗകര്യങ്ങളും ഉണ്ടെങ്കിൽ പോലും പല സാഹചര്യത്തിലും നമ്മളിൽ പലരുടെയും മനസ്സ് തളർന്നേക്കാം.

നമ്മുടെ മനസ്സിനെ ഒരു കാരണവശാലും തളരാൻ അനുവദിക്കാതിരിക്കുക. മോശപ്പെട്ട കാര്യങ്ങളിൽ നിന്നും, മോശപ്പെട്ട ചിന്തകളിൽ നിന്നും മനസ്സിനെ മോചിപ്പിക്കുക.

മോശപ്പെട്ട സാഹചര്യങ്ങളിൽ നിന്നും പരമാവധി അകന്നു നിൽക്കുക.

നമ്മൾ മനസ്സ് തളരാതെ മുന്നേറിയാൽ മാത്രമാണ് ഒരുപക്ഷെ വിജയം സ്വന്തമാക്കാൻ കഴിയുകയുള്ളു.

അലസത വേണ്ടതുപോലെ ഒഴിവാക്കിയാൽ മാത്രമേ പരിശ്രമിക്കാനും, വിജയം കണ്ടെത്താനും പലപ്പോഴും സാധിക്കുകയുള്ളു.

മനസ്സ് തളരാതെ നോക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.