നമ്മൾ ഓരോരുത്തരും ഓരോരോ ജോലികൾ ചെയ്യുന്നത് പണം സമ്പാദിക്കാൻ വേണ്ടിയല്ലേ. പണം നമ്മുടെ പക്കൽ വന്നാൽ നമ്മൾക്ക് ഒത്തിരിയേറെ കാര്യങ്ങൾ മുന്നോട്ടു സുഖകരമായി ചെയ്തു തീർക്കാൻ കഴിഞ്ഞേക്കും.
എല്ലാവർക്കും എപ്പോഴും പണം സമ്പാദിക്കാൻ കഴിയണമെന്നില്ല. നാളെകൾക്ക് വേണ്ടി കുറച്ചു തുകയെങ്കിലും മാറ്റിവെക്കാൻ കഴിയേണ്ടതുണ്ട്.
ജീവിതത്തിൽ നമ്മൾക്ക് ഓരോരോ ചിലവുകളുണ്ട്. നമ്മൾക്ക് എത്രയോക്കെ ആഗ്രഹങ്ങൾ ഉണ്ടെങ്കിൽ പോലും അതൊന്നും സഫലമാക്കാൻ എല്ലായ്പോഴും കഴിയണമെന്നില്ല.പണം കൊണ്ട് നേടിയെടുക്കുന്നതിനു പരിമിതികൾ ധാരാളം ഉണ്ടാകുമല്ലോ.
നമ്മുടെ ആഗ്രഹങ്ങൾ ഒരുവിധമെങ്കിലും സാധിക്കണമെങ്കിൽ നമ്മൾക്ക് ആവശ്യത്തിന് പണം വേണം.
പണം ഇല്ലാത്തതിന്റെ പേരിൽ ദുഃഖം അനുഭവിക്കുന്ന നിരവധി മനുഷ്യരുണ്ട് നമ്മുടെ ചുറ്റിലും. നമ്മൾക്ക് മുന്നോട്ടു പണം സമ്പാദിക്കാൻ നേരായിട്ടുള്ള നിരവധി അവസരങ്ങളുണ്ട്, അവ കണ്ടെത്താൻ നമ്മൾ ഓരോരുത്തരും ശ്രമിക്കേണ്ടതുണ്ട്.
പരാജയങ്ങളിലും, പ്രതിസന്ധികളിലും, നഷ്ടങ്ങളിലും തളരാതെ, അലസരായിരിക്കാതെ മുന്നോട്ട് പോകുവാൻ നമ്മൾ ഓരോരുത്തർക്കും കഴിയേണ്ടതുണ്ട്.
പണം സമ്പാദിക്കുന്നതിനുള്ള ശ്രമങ്ങൾക്കിടയിൽ പല വിധത്തിലുള്ള വിഴ്ചകളും, തോൽവികളും, അപമാനങ്ങളും, തിരസ്കരണങ്ങളും, കുറ്റപ്പെടുത്തലുകളും, പരിഹാസങ്ങളുമെല്ലാം ഒരുപക്ഷെ നേരിടേണ്ടി വന്നേക്കാം.
ഓരോ കാലഘട്ടത്തിലും ഓരോരോ സാധനസാമഗ്രികൾക്കും അതിന്റെതായ വിലവർദ്ധനവും, വിലക്കുറവുകളും ഉണ്ടായേക്കാം. നമ്മൾ, നമ്മുടെ പണത്തെ എങ്ങനെ കൈകാര്യം ചെയ്യുന്നുവെന്നത് വളരെയേറെ പ്രധാനപ്പെട്ടതാണ്.
പണം അനാവശ്യകാര്യങ്ങൾക്കായി ചിലവഴിച്ചു കഴിഞ്ഞാൽ നമ്മൾക്ക് തന്നെയാണ് അതിന്റെതായ നഷ്ടം സംഭവിക്കുക. അനാവശ്യമായി പണം പാഴാക്കിയാൽ നാളെകളിൽ ഒരുപക്ഷെ ദുഃഖിക്കേണ്ടി വന്നേക്കാം.
പണം വിനിമയത്തിനുള്ള ഏറ്റവും കുറഞ്ഞ തുക ആണെങ്കിലും അതിന് അതിന്റേതായ വിലയുണ്ട്. നമ്മുടെ അധ്വാനത്തിനും,കഴിവുകൾക്കും, സമയത്തിനുമെല്ലാം വില നൽകാൻ പഠിക്കേണ്ടതുണ്ട്.
നമ്മൾ നല്ലതുപോലെ കഷ്ടപ്പെട്ടെങ്കിൽ മാത്രമേ നാളെകളിൽ നമ്മളെ തേടി നേട്ടങ്ങളും, സമ്പാദ്യങ്ങളും, അവസരങ്ങളും കടന്നുവരികയുള്ളു.
പണത്തിനു വേണ്ടി നേരായ വഴിയിലൂടെ കഷ്ടപ്പെട്ടാൽ പണം നമ്മളിലേക്ക് വരും, നമ്മളിൽ നിന്നും ആവശ്യങ്ങൾ നിറവേറ്റാനായി പണം നമ്മളിൽ നിന്നും അകന്നുപോകും.
കഴിവും ആരോഗ്യവും ഉള്ളിടത്തോളം കാലം നമ്മൾ എല്ലാവർക്കും പണം സമ്പാദിക്കാനായിട്ട് സമയം കണ്ടെത്തണം, നല്ല അവസരങ്ങൾ തേടണം.
പണം ആരുടെയും പക്കലേക്ക് വെറുതെ കടന്നുവരില്ലല്ലോ. പണം സഞ്ചരിക്കണമെങ്കിൽ അതിന്റെതായ വഴികൾ തുറന്നു കിട്ടേണ്ടതുണ്ട്.
പണത്തെ ശരിയായ വിധത്തിൽ ഇനിയുള്ള കാലം കൈകാര്യം ചെയ്യാൻ പഠിക്കേണ്ടതുണ്ട്.
പണത്തിന്റെ മൂല്യം മനസ്സിലാക്കികൊണ്ട് മുന്നേറാൻ നമ്മൾ ഓരോരുത്തർക്കും കഴിയട്ടെ.
