motivation-82

ഏതൊരു മനുഷ്യനും വിശ്രമം ആവശ്യമാണ്. വിശ്രമം ശരിയല്ലെങ്കിൽ ഊർജസ്വലതയോടെ മുന്നോട്ടു പോകുവാൻ പലപ്പോഴും സാധിച്ചെന്നു വരില്ല.

ശരിരത്തിന് ആവശ്യത്തിന് വിശ്രമം കൊടുത്തില്ലെങ്കിൽ നമ്മളുടെ ഭാവിയിൽ ഒരുപക്ഷെ ഗുരുതരമായ ആരോഗ്യപ്രശ്നങ്ങൾക്ക് ഒരുപക്ഷെ കാരണമായേക്കാം.

പരിധിയിൽ കൂടുതൽ വിശ്രമിക്കുന്നതും നല്ലതല്ല. ഇന്ന് നമ്മൾ ചെയ്തു തീർക്കേണ്ട കാര്യങ്ങൾ ഇന്ന് തന്നെ കഴിവിന്റെ പരമാവധിയിൽ ചെയ്തു തിർക്കാൻ ശ്രമിക്കേണ്ടതുണ്ട്. അലസതയോടെ സമയം പാഴാക്കിയാൽ സമയത്തുതന്നെ ചെയ്തു തീർക്കേണ്ട പല കാര്യങ്ങളും ചെയ്തു തീർക്കാൻ സാധിക്കാതെ പോയേക്കാം.

എത്ര തിരക്കുണ്ടെങ്കിലും വിശ്രമിക്കാൻ സമയം കണ്ടെത്തേണ്ടതുണ്ട്, ആവശ്യത്തിന് വിശ്രമിക്കാൻ സമയം മാറ്റിവെക്കേണ്ടതുണ്ട്.

വാഹനത്തിന്റെ ഡ്രൈവർ വേണ്ടതുപോലെ വിശ്രമിക്കാതെ യാത്ര തുടർന്നാൽ പല വിധത്തിലുള്ള അപകടത്തിനും, ജീവൻ നഷ്ടപ്പെടുന്നതിനു വരെ കാരണമായേക്കാം.

നമ്മുടെ ആരോഗ്യം വിലപ്പെട്ടതാണെന്ന ചിന്ത നമ്മളിൽ ഉണ്ടെങ്കിൽ മാത്രമേ നമ്മൾ, നമ്മുടെ ആരോഗ്യത്തിന്, വിശ്രമത്തിന് വേണ്ട പ്രാധാന്യം നൽകുകയുള്ളു.

ഒരു പ്രായം കഴിഞ്ഞാൽ നമ്മളുടെ ആരോഗ്യം നഷ്ടപ്പെടാൻ തുടങ്ങും, ഇന്നലെകളിൽ ചെയ്തിരുന്ന പല കാര്യങ്ങളും ചെയ്യാൻ സാധിക്കാതെ വരും. ഇന്ന് വേണ്ടതുപോലെ സമയത്തെ പ്രയോജനപ്പെടുത്തിയാൽ മാത്രമാണ് നാളെക്കായി കരുതൽ ഉണ്ടാവുകയുള്ളൂ.

ഇന്നിന്റെ സുഖങ്ങൾക്കായി ആരോഗ്യം നശിപ്പിക്കുന്ന കാര്യങ്ങളിൽ ഏർപ്പെട്ടാൽ ഒരുപക്ഷെ നാളെകളിൽ നമ്മളിൽ പലർക്കും ദുഃഖിക്കേണ്ട സാഹചര്യം അതിലുടെ ഉണ്ടായെന്നുവരാം.

വിശ്രമത്തിന് വേണ്ട പ്രാധാന്യം കൊടുക്കാൻ, അധ്വാനത്തിനിടയിൽ വിശ്രമിക്കാനുള്ള അവസരം കണ്ടെത്താനുമെല്ലാം എല്ലാവർക്കും ഇനിയുള്ള നാളുകളിൽ സാധിക്കട്ടെ.