motivation-170

നമ്മൾ ഓരോരുത്തർക്കും ചെറുതും വലുതുമായ ഒത്തിരിയേറെ ആഗ്രഹങ്ങളുണ്ടാകും. നമ്മൾ ആഗ്രഹിച്ചതെല്ലാം നമ്മൾക്ക് നേടാൻ എല്ലായ്പോഴും കഴിയണമെന്നില്ല.

നമ്മുടെ ആഗ്രഹങ്ങൾ എപ്പോഴും നല്ലതുമാത്രമായിരിക്കണം.തെറ്റായ ആഗ്രഹങ്ങൾ എത്രയും നേരത്തെ തന്നെ ഉപേക്ഷിക്കാൻ തയ്യാറാകണം. തെറ്റായ ആഗ്രഹങ്ങൾക്ക് പുറകിൽ പോയാൽ ഒരുപക്ഷെ നമ്മുടെയൊക്കെ മാനസിക ശാരീരിക ആരോഗ്യത്തെ തന്നെ സാരമായി ബാധിച്ചേക്കാം.

ഓരോ കാര്യവും സംഭവിക്കണമെങ്കിൽ അതിന്റെതായ സമയം വളരെയേറെ ആവശ്യമാണ്. നമ്മൾ എത്ര പരിശ്രമിച്ചാലും ചിലതെല്ലാം നമ്മൾക്ക് നേടിയെടുക്കാൻ കഴിഞ്ഞെന്ന് വരില്ല.

ആഗ്രഹങ്ങളാണ് നമ്മളെ മുന്നോട്ട് സഞ്ചരിക്കാൻ പ്രേരിപ്പിക്കുന്നത്. പലപ്പോഴും ആഗ്രഹിച്ചതുപോലെ നേട്ടങ്ങൾ സ്വന്തമാക്കാൻ കഴിയാതെ വരുമ്പോൾ നിരാശകൾ കടന്നുവന്നേക്കാം.

നേട്ടങ്ങൾ സ്വന്തമാക്കാനായി നല്ല ആഗ്രഹങ്ങളെ മാത്രം കൂടെ കൂട്ടുക, മോശം ആഗ്രഹങ്ങളെ എത്രയും പെട്ടെന്ന് തന്നെ ഉപേക്ഷിക്കുക.

നമ്മുടെ ജീവിതത്തിൽ സംഭവിക്കുന്ന പല കാര്യങ്ങളും നമ്മൾ ആഗ്രഹിക്കാത്തതാണ്. നമ്മുടെ ജീവിതത്തിൽ നാളെകളിൽ എന്തു സംഭവിക്കുമെന്ന് കൃത്യമായി പറയാൻ നമ്മളിൽ ആർക്കും തന്നെ സാധിക്കില്ലല്ലോ.

പണത്തിന്റെ അഭാവമാണ് നമ്മളിലെ പല ആഗ്രഹങ്ങൾക്കും വിലങ്ങുതടിയായി പലപ്പോഴും മാറിയിട്ടുള്ളത്.

പണത്തിനു പകരം പണം അല്ലാതെ മറ്റൊന്നും ഈ ലോകത്തിൽ ഇല്ലല്ലോ. ഈ ലോകത്തിൽ നിന്നും കടന്നുപോയ എല്ലാവർക്കും തന്നെ ഭാവിയിൽ നേടേണ്ട ആഗ്രഹങ്ങൾ ഒത്തിരി ഉണ്ടായിരുന്നേക്കാം, അവർ ആഗ്രഹിച്ചതുപോലെ ഒന്നും നടക്കാതായപ്പോൾ വളരെയേറെ ദുഃഖം അവരിൽ ഒരുപക്ഷെ ഉണ്ടാവുകയും, നിരാശയിൽ ആകുകയും ചെയ്തിട്ടുണ്ടാകാം.

നമ്മൾക്കുള്ള ആഗ്രഹം നടക്കാതെ പോയതിൽ സങ്കടപ്പെട്ടിരിക്കാതെ നമ്മുടെ കഴിവും സമയവും എങ്ങനെയൊക്കെ നല്ല രീതിയിൽ ചിലവഴിക്കാമെന്ന് നമ്മൾ ഓരോരുത്തരും പരിശോധിച്ചു നോക്കേണ്ടതുണ്ട്.

എല്ലാ കാര്യവും നമ്മൾ ആഗ്രഹിച്ചതുപോലെ നടക്കണമെന്നില്ലായെന്നുള്ള യാഥാർഥ്യം ഇനിയും തിരിച്ചറിയാൻ വൈകികൂടാ.നടക്കാതെ പോയ ആഗ്രഹങ്ങൾ മൂലമുണ്ടായ നിരാശകൾ ഒഴിവാക്കികൊണ്ട് മറ്റുള്ള നല്ല ആഗ്രഹങ്ങളുമായി മുന്നോട്ടു പോകുവാൻ നമ്മൾ എല്ലാവർക്കും സാധിക്കട്ടെ.