motivation-127

ഏതൊരു മേഖലയിലും പുരോഗതി കൈവരിക്കാൻ പഠനം ആവശ്യമാണ്. നമ്മുടെ ചുറ്റുപാടിലുള്ള പലതിനെക്കുറിച്ചുമുള്ള പഠനം പലരും നടത്തിയതിന്റെ ഭാഗമായിട്ടാണ് ഓരോ പുതിയ കണ്ടെത്തലുകൾ നമ്മൾക്ക് ഇന്നിപ്പോൾ ലഭിച്ചിരിക്കുന്നത്.

ശാസ്ത്രം ഓരോ നാൾ കഴിയുന്തോറും പുരോഗതി കൈവരിക്കുന്നത് നിരവധി ആളുകൾ അവരുടെ സമയം ശാസ്ത്രത്തിന്റെ പുരോഗതിക്കായി മാറ്റിവെക്കുന്നതുകൊണ്ടാണ്.

ഇന്നലെകളിൽ പല കാര്യങ്ങൾക്കും നമ്മൾക്കുണ്ടായിരുന്ന കഷ്ടപ്പാടുകൾ ഇന്നിപ്പോൾ ഇല്ലാതായി തീർന്നിട്ടുണ്ടെങ്കിൽ അതിന്റെ പിന്നിൽ നിരവധി പഠനം നടത്തികൊണ്ട് പുതിയ കണ്ടെത്തൽ ഉണ്ടായതുകൊണ്ടാണ്.

വർഷങ്ങൾക്കുമുൻപ് ഉണ്ടായിരുന്ന യാത്ര മാർഗങ്ങൾ കൂടാതെ ഇന്നിപ്പോൾ ഒത്തിരിയേറെ യാത്ര മാർഗങ്ങൾ നമ്മൾക്ക് ചുറ്റിലും വന്നുകഴിഞ്ഞു.മണിക്കൂറിൽ സഞ്ചരിക്കുന്ന വേഗത കൂടി ഇന്നിപ്പോൾ വളരെ വേഗത്തിൽ തന്നെ കിലോമീറ്ററുകൾ സഞ്ചരിക്കാൻ മനുഷ്യർക്ക് കഴിയുന്നു.

പഠനമാണ് ഏതൊരു വികസനത്തിന്റെയും അടിസ്ഥാനം. നമ്മൾക്കു എന്തുകാര്യത്തിലും പുരോഗതി ഉണ്ടാവണമെങ്കിൽ ചെയ്യുന്ന കാര്യത്തെപ്പറ്റി വ്യക്തമായി തന്നെ പഠിക്കാൻ തയ്യാറാവേണ്ടതുണ്ട്.

പഠനത്തിലൂടെയാണ് ഒത്തിരി പുതിയ കാര്യങ്ങൾ മനസ്സിലാക്കാൻ നമ്മളിൽ പലർക്കും ഇന്നിപ്പോൾ കഴിയുന്നത്, നാളുകളായി വരുത്തിവെച്ച തെറ്റുകൾ ബോധ്യപ്പെടുന്നത്.

തെറ്റുകൾ തിരുത്താതിരുന്നാൽ നമ്മൾ ആർക്കും തന്നെ നല്ല മാറ്റങ്ങൾ കൊണ്ട് വരാൻ ഒരുപക്ഷെ കഴിയുകയില്ല.

ഏതൊരു പഠനവും നമ്മൾക്ക് ഉയർച്ചക്ക് സഹായിക്കുന്നവ ആയിരിക്കണം. തെറ്റായ കാര്യങ്ങൾ പഠിക്കുന്നതുകൊണ്ട് നമ്മൾക്ക് ദോഷങ്ങൾ അല്ലാതെ ഗുണങ്ങൾ ഒന്നും തന്നെ ലഭിക്കുകയില്ല.

പഠനത്തെ ഇഷ്ടപ്പെടാൻ കഴിയേണ്ടതുണ്ട്. നമ്മുടെ ചുറ്റിലുമുള്ള നിരവധി ആളുകൾ അവർക്കു ഇഷ്ടമുള്ള ജോലി കണ്ടെത്തിയത് നല്ലതുപോലെ പഠിക്കാനും, ജോലിക്കായുള്ള പരീക്ഷയിൽ യോഗ്യത നേടാൻ അവർക്കൊക്കെ സാധിച്ചതുകൊണ്ടാണ്.

എല്ലാവർക്കും പഠനം ഒരുപോലെ എളുപ്പം ആവണമെന്നില്ല. ഓരോരുത്തരുടെയും ബുദ്ധിയുടെ അളവ് വ്യത്യസം ഉണ്ടാകുമല്ലോ. പഠനരീതികൾ ഓരോരുത്തർക്കും ഉചിതമായതു തിരഞ്ഞെടുക്കുന്നത് കൂറേകൂടി പഠനത്തെ എളുപ്പമാക്കിയേക്കും.

ഇഷ്ടം ഇല്ലാത്ത വിഷയങ്ങൾ പഠിക്കാൻ ഒത്തിരിയേറെ ബുദ്ധിമുട്ട് നേരിടേണ്ടി വന്നേക്കാം, നമ്മൾക്ക് ഉണ്ടാകുന്ന ബുദ്ധിമുട്ട് മനസ്സിലാക്കി വേണ്ടതുപോലെ പരിഹാരം കണ്ടെത്താൻ നമ്മുടെ ഭാഗത്തുനിന്നും ആത്മാർത്ഥമായ പരിശ്രമം ആവശ്യമാണ്.

പലർക്കും ചില വിഷയങ്ങളിലുള്ള പഠനം ഇഷ്ടപ്പെടാതെ പോകുന്നതിനു പിന്നിൽ ഒരുപക്ഷെ ആ വിഷയം പഠിപ്പിക്കുന്നവരോടുള്ള അകൽച്ച ആയിരുന്നിരിക്കാം.

പുരോഗതി നമ്മളുടെ ജീവിതത്തിൽ കൊണ്ടുവരേണ്ടത് മറ്റാരേക്കാളും നമ്മുടെ മാത്രം ആവശ്യമാണ്. നമ്മൾ നല്ലതുപോലെ കഷ്ടപ്പെട്ടാൽ മാത്രമാണ് ആവശ്യമായ പുരോഗതി കൈവരിക്കാൻ സാധിക്കുകയുള്ളു.

നിരന്തരം ശരിയായ മാർഗത്തിലൂടെ പഠനം നടത്തികൊണ്ടിരിക്കുക. ഭാവിയിൽ ഉയരങ്ങളിൽ എത്തിച്ചേരാൻ നമ്മുടെ ഓരോരുത്തരുടെയും പഠനം കൊണ്ടു കഴിയട്ടെ.