motivation-109

ഓരോരോ സാഹചര്യങ്ങളിൽ നമ്മൾക്കൊക്കെ നമ്മുടെ ചുറ്റിലുമുള്ളവരോട് ദേഷ്യപ്പെടേണ്ടി വന്നേക്കാം.

പലപ്പോഴും നമ്മൾ ദേഷ്യപ്പെടുന്നത്, നമ്മൾ പറയുന്നത് മറ്റുള്ളവർ അനുസരിക്കാതിരിക്കുമ്പോഴാണ്, നമ്മുടെ ഇഷ്ടങ്ങൾക്ക് വിരുദ്ധമായി പ്രവർത്തിക്കുമ്പോഴാണ്.

സാഹചര്യം മനസ്സിലാക്കി പ്രവർത്തിക്കാൻ ഒരുപക്ഷെ നമ്മളിൽ പലർക്കും ദേഷ്യം വരുമ്പോൾ സാധിക്കാറില്ല.അനാവശ്യ ദേഷ്യപ്പെടലിന്റെ ഫലമായി ഒത്തിരിയേറെ നഷ്ടങ്ങൾ സംഭവിക്കുന്നുണ്ട്.

നമ്മളിലെ അനാവശ്യ ദേഷ്യം ഉളവാക്കുന്ന നഷ്ടങ്ങൾ ഒന്നും തന്നെ മുൻകൂട്ടി പറയാൻ കഴിഞ്ഞെന്നു വരില്ല. ആരോടും അനാവശ്യമായി ദേഷ്യപ്പെടാതിരിക്കാൻ ശ്രദ്ധിക്കുക.

ഒരു നിമിഷം കൊണ്ടുണ്ടാകുന്ന ദേഷ്യമാകാം, നാളുകൾകൊണ്ടുണ്ടാകുന്ന ദേഷ്യമാകാം നമ്മളിൽ പലർക്കും പിന്നീട് ഒത്തിരി വിഷമങ്ങൾക്ക് കാരണമായിട്ടുണ്ടാവുക.

നമ്മൾ ആരോടാണോ ദേഷ്യപ്പെടുന്നത് അവരുടെ സാഹചര്യം നമ്മൾ പലപ്പോഴും മറന്നുപോകുന്നു.ദേഷ്യപ്പെട്ടതിന്റെ പേരിൽ വിഷമങ്ങൾ അനുഭവിക്കുന്നവർ ഒത്തിരിയാണ് നമ്മുടെ ചുറ്റിലും.കൂടെ കൂടെയുള്ള അനാവശ്യ ദേഷ്യപ്പെടലുകൾ അനുഭവിക്കേണ്ടി വരുന്നത് മനസ്സിന് വല്ലാത്ത വിഷമത്തിനു കാരണമായേക്കാം.

ദേഷ്യപ്പെട്ടാൽ മാത്രമാണ് അനുസരിക്കുകയുള്ളു എന്നതുകൊണ്ടായിരിക്കും നമ്മളിൽ പലരും മറ്റുള്ളവരോട് ദേഷ്യപ്പെടാൻ കാരണമാകുന്നത്.

ചില വ്യക്തികളോടുള്ള ദേഷ്യം ഒരുപക്ഷെ നമ്മളിൽ പലരും തീർക്കുക മറ്റു പല വ്യക്തികളോട് ആയിരിക്കും.

ഒരു പരിധി വിട്ടുള്ള ദേഷ്യം നമ്മൾക്ക് ഒത്തിരിയേറെ അസ്വസ്ഥതകൾ ഭാവിയിൽ സൃഷ്ടിച്ചേക്കാം.

ആരോടും അനാവശ്യമായി ദേഷ്യപ്പെടാതിരിക്കുക. നമ്മൾക്ക് അനാവശ്യമായി ദേഷ്യം ഉണ്ടാകുന്നുണ്ടെങ്കിൽ തീർച്ചയായും മാനസിക ആരോഗ്യവിദഗ്ധരുടെ സഹായം തേടേണ്ടി വന്നേക്കാം.

മുന്നോട്ടു വളർച്ച നേടാൻ നമ്മുടെ അനാവശ്യ ദേഷ്യത്തെ ചെറുത്തു തോൽപ്പിച്ചേ മതിയാകുള്ളൂ. ഉള്ളിൽ ആരോടും ദേഷ്യം കൊണ്ടുനടക്കാതിരിക്കാൻ നമ്മൾ ഏവർക്കും സാധിക്കട്ടെ.