മനം നിറക്കാൻ മധുമന്ത്രങ്ങൾ:mantras to fill the mind-74

അംഗീകാരം നമ്മളിൽ പലരും പലപ്പോഴും ആഗ്രഹിക്കാറുണ്ട്. ഏതൊരു കാര്യത്തിനും അംഗീകാരം കിട്ടാൻ നല്ലതുപോലെ നമ്മുടെ ഭാഗത്തുനിന്നും പരിശ്രമം ആവശ്യമാണ്.

നമ്മുടെ കഴിവിനെ, നേട്ടങ്ങളെ ഒരുപക്ഷെ ആരും തന്നെ വളരെ പെട്ടെന്നൊന്നും തന്നെ അംഗീകരിച്ചില്ലായെന്ന് വരും, അതിൽ പ്രയാസപ്പെടാതെ മുന്നോട്ടു സഞ്ചരിക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കേണ്ടതുണ്ട്.

അർഹതയുള്ള അംഗീകാരം എത്ര നാൾ വൈകിയാലും നമ്മളിലേക്ക് എത്തിച്ചേരുക തന്നെ ചെയ്യുമെന്ന് ഉറച്ചു വിശ്വസിക്കുക.

നമ്മുടെ കഴിവിന് കിട്ടുന്ന അംഗീകാരങ്ങൾ ഒന്നും തന്നെ നമ്മളാരും തന്നെ വിലകൊടുത്തു വാങ്ങേണ്ടവയല്ല,നമ്മുടെ കഴിവ് മനസ്സിലാക്കി നൽകേണ്ടവയാണ്.

ഒത്തിരിയേറെ നാളുകൾ നല്ലതുപോലെ കഷ്ടപ്പെട്ടാൽ മാത്രമാണ് നമ്മൾക്കുള്ള കഴിവിൽ മികവ് പുലർത്താൻ സാധിക്കുകയുള്ളൂ.

നിരന്തരമായിട്ടുള്ള പരിശീലനം നമ്മളുടേതായ മേഖലകളിൽ മികവ് പുലർത്താൻ വളരെയേറെ ആവശ്യമാണ്.

സ്ഥിരോത്സാഹത്തോടെ നേട്ടങ്ങൾക്കായി പരിശ്രമിക്കാൻ, നേരായ വഴിക്ക് അംഗീകാരം നേടിയെടുക്കാൻ നമ്മൾ ഓരോരുത്തർക്കും കഴിയട്ടെ.

മറ്റുള്ളവരുടെ നല്ല കഴിവുകളെ അംഗീകരിക്കാനും, നമ്മുടെ കഴിവനുസരിച്ചു മറ്റുള്ളവർക്ക് ആവശ്യമായ പ്രോത്സാഹനം നൽകാനും നമ്മൾക്ക് കഴിയട്ടെ.

ഏതൊരു അംഗികാരത്തിനും അതിന്റെതായ സമയം ആവശ്യമാണെന്നത് ശരിയായ വിധത്തിൽ മനസ്സിലാക്കാൻ നമ്മൾ എല്ലാവർക്കും ഇനിയുള്ള കാലം സാധിക്കട്ടെ.