മനം നിറക്കാൻ മധുമന്ത്രങ്ങൾ:mantras to fill the mind-55

ജീവിതത്തിലെ പല സാഹചര്യത്തിലും ഉറച്ച നിലപാട് നമ്മളിൽ പലർക്കും കൈകൊള്ളേണ്ടി വരും.

വ്യക്തമായ ലക്ഷ്യം കൈവരിക്കാൻ ഉറച്ച നിലപാട് ആവശ്യമാണ്. ഓരോ ഉറച്ച നിലപാടുകൾക്ക് പിന്നിലും അതിന്റെതായ ബുദ്ധിമുട്ട് ഒരുപക്ഷെ ഉണ്ടായെന്നു വന്നേക്കാം.

ഉറച്ച നിലപാടിൽ തുടരാൻ അതിന്റെതായ കഷ്ടപ്പാടുകൾ നേരിടേണ്ടതായിട്ടുണ്ട്.

നമ്മളുടെ ഉറച്ച നിലപാട് നമ്മൾക്ക് മുന്നോട്ടു വിജയം നേടിത്തരാൻ സഹായിക്കുന്നതാകണം.

ജീവിതത്തിൽ നേരിടേണ്ടി വരുന്ന പ്രയാസങ്ങളുടെ, ദുഃഖദുരിതങ്ങളുടെ ഫലമായിട്ടാകാം നമ്മളിൽ പലർക്കും പല കാര്യത്തിലും ഉറച്ച നിലപാട് സ്വീകരിക്കേണ്ടി വരുന്നത്.

ഉറച്ച നിലപാടിൽ ചിലപ്പോൾ മാറ്റങ്ങൾ വേണ്ടിവന്നേക്കാം. കാലത്തിന്റെ മാറ്റങ്ങൾ ഉൾകൊള്ളാൻ കഴിയാതെ പോയാൽ ഉറച്ച നിലപാട് ഒരുപക്ഷെ എല്ലായ്പോഴും വിജയം നേടാൻ സഹായിക്കണമെന്നില്ല.

ഏതു കാര്യത്തിൽ ആണെങ്കിൽ പോലും നിലപാട് ഉണ്ടാവണമെങ്കിൽ ആ കാര്യത്തെക്കുറിച്ച് വ്യക്തമായ ധാരണ ഉണ്ടാവേണ്ടതുണ്ട്.വ്യക്തമായ ധാരണയില്ലാതെ നിലപാട് സ്വീകരിക്കുന്നതുകൊണ്ട് യാതൊരുവിധ പ്രയോജനവും ഒരുപക്ഷെ ലഭിക്കണമെന്നില്ല.

ഇനിയുള്ള കാലത്ത് നമ്മുടെ ഉയർച്ചക്കായി വേണ്ട നല്ല നിലപാട് വ്യക്തമായ ബോധ്യത്തോടെ സ്വീകരിക്കാൻ നമ്മൾ ഓരോരുത്തർക്കും കഴിയട്ടെ.