മനം നിറക്കാൻ മധുമന്ത്രങ്ങൾ:mantras to fill the mind-353

സ്നേഹം ആഗ്രഹിക്കാത്ത മനുഷ്യരില്ല.

ഏതൊരു മനുഷ്യനും സന്തോഷം ലഭിക്കുന്നത് സ്നേഹിക്കാൻ ചുറ്റിലും ആരെങ്കിലുമൊക്കെ ഉണ്ടെന്നറിയുമ്പോഴാണ്.

നാളുകൾ ആയിട്ടു സ്നേഹത്തിൽ ആയിരുന്നവർ പെട്ടെന്ന് അകലുമ്പോൾ പലർക്കും ക്ഷമയോടെ സഹിക്കാൻ കഴിയണമെന്നില്ല.

സ്നേഹം നഷ്ടപ്പെടുന്ന അവസ്ഥകളെ അഭിമുഖികരിക്കുക എന്നത് ഏതൊരാൾക്കും വളരെയേറെ പ്രയാസകരമാണ്.

തിരിച്ചു കിട്ടുമെന്നുള്ള പ്രതീക്ഷയിലാണ് നമ്മളിൽ പലരും മറ്റുള്ളവരെ ഒരുപക്ഷെ ഒരുപരിധിയിൽ കൂടുതലായി സ്നേഹിക്കുന്നത്.

സ്നേഹം ആരിൽ നിന്നും പിടിച്ചു വാങ്ങിക്കാൻ കഴിയില്ലല്ലോ. സ്നേഹം എപ്പോഴും ആത്മാർത്ഥതയോടെ ആയിരിക്കണം.

നമ്മുടെയൊക്കെ സ്നേഹം സത്യവും എന്നുമെന്നും നിലനിൽക്കുന്നതുമാകട്ടെ.

കപടമായ സ്നേഹം അഭിനയിച്ചുകൊണ്ട് ആരെയും വഞ്ചിക്കാതിരിക്കുക.

സ്നേഹം നഷ്ടപ്പെട്ട അവസ്ഥകളിലൂടെ നമ്മളിൽ പലർക്കും പലപ്പോഴും ഒരുപക്ഷെ കടന്നുപോകേണ്ടി വന്നിട്ടുണ്ടാകാം.

പണ്ടുണ്ടായ സ്നേഹമൊന്നും ഒരുപക്ഷെ പിന്നിടുള്ള കാലം നമ്മളിൽ ഉണ്ടായിക്കൊള്ളണം എന്നില്ല, അതിന്റെ പിന്നിൽ ഒത്തിരി കാരണങ്ങൾ ഉണ്ടായേക്കാം.

മറ്റൊരാളെ വേണ്ടതുപോലെ സഹായിക്കാൻ മനസ്സിൽ സ്നേഹം, മനുഷ്യത്വം ഉണ്ടാവണം.

മറ്റൊരാളിൽ നിന്നും നമ്മൾ സ്നേഹം ആഗ്രഹിക്കുന്നുണ്ടെങ്കിൽ നമ്മൾ അവരോടു സ്നേഹത്തോടുകൂടി പെരുമാറാൻ പഠിക്കേണ്ടതുണ്ട്.

സ്നേഹിക്കാൻ ആരുമില്ലാത്ത അവസ്ഥ ഒരുപക്ഷെ നമ്മളെ ഏകാന്തതയിലേക്ക് നയിച്ചേക്കാം.

നമ്മളെ ആരും സ്നേഹിക്കാൻ ഇല്ലെങ്കിൽ പോലും നമ്മളെ തന്നെ സ്നേഹിക്കാനും, പ്രകൃതിയെ സ്നേഹിക്കാനും പഠിക്കേണ്ടതുണ്ട്.

ഓരോ മനുഷ്യരിലും അവരുടേതായ കുറവുകൾ ഉണ്ടായേക്കാം അതു മനസ്സിലാക്കാൻ നമ്മൾക്ക് കഴിയേണ്ടതുണ്ട്. നമ്മൾ ആഗ്രഹിച്ചതുപോലെ നമ്മളെ സ്നേഹിക്കാൻ ഈ ലോകത്തിലെ ആർക്കും തന്നെ പൂർണ്ണമായ തോതിൽ കഴിയണമെന്നില്ല.

സമ്പാദ്യം കണ്ടു സ്നേഹിക്കുന്നവർ ഉണ്ടായേക്കാം. നമ്മളുടെ കുറവുകൾ കണ്ടു നമ്മളെ സ്നേഹിക്കാൻ കഴിയുമ്പോഴാണ് ആ സ്നേഹത്തിനു കൂടുതൽ അർത്ഥം കിട്ടുക.

വെറുപ്പിനെ അകറ്റികൊണ്ട് സ്നേഹിക്കാൻ സാധിക്കട്ടെ.

സ്നേഹത്തിന്റെ നഷ്ടപ്പെടലുകൾ നമ്മളുടെ മാനസിക ശാരീരിക ആരോഗ്യത്തെ ഒരുപക്ഷെ കാര്യമായി സ്വാധിനിച്ചേക്കാം.

ആരെയും സങ്കടപ്പെടുത്താതെ നമുക്ക് വേണ്ടപ്പെട്ടവരെ അവരുടെ കുറവുകൾ ഉൾകൊണ്ട് ആത്മാർഥമായി സ്നേഹിക്കാൻ ഇനിയുള്ള കാലം കഴിയട്ടെ.