മനം നിറക്കാൻ മധുമന്ത്രങ്ങൾ:mantras to fill the mind-348

ഓരോരുത്തരും ജീവിക്കുന്ന സാഹചര്യം വളരെയേറെ വ്യത്യസ്തമാണ്. നമ്മൾക്ക് ചുറ്റിലും നല്ല സാഹചര്യത്തിൽ ജീവിക്കുന്നവരും, മോശം സാഹചര്യത്തിൽ ജീവിക്കുന്നവരുമുണ്ട്. കാലത്തിന്റെ കടന്നുപോകലിൽ നല്ല സാഹചര്യത്തിൽ നിന്നും മോശം സാഹചര്യത്തിലേക്ക് കടന്നു പോയവരും, മോശം സാഹചര്യത്തിൽ നിന്നും നല്ല സാഹചര്യത്തിലേക്ക് കടന്നുപോയവരുമുണ്ട്.

നല്ല സാഹചര്യം നേടിയെടുക്കാൻ നമ്മളുടെ ഭാഗത്തുനിന്നുള്ള നിരന്തര പരിശ്രമം ആവശ്യമാണ്. നല്ലതുപോലെ പരിശ്രമിച്ചാൽ മാത്രമാണ് മോശം സാഹചര്യങ്ങളിൽ നിന്നും മോചനം നേടാൻ കഴിയുകയുള്ളു.

ഒരാളെ കുറ്റപ്പെടുത്തുന്നതിനു മുൻപ് അയാളുടെ സാഹചര്യം ശരിയായ രീതിയിൽ വിലയിരുത്തൽ നടത്തേണ്ടതുണ്ട്. ഒരുപക്ഷെ ആ വ്യക്തിയിൽ ഏതെങ്കിലും തരത്തിലുള്ള ശാരീരിക മാനസിക ആരോഗ്യത്തെ ബാധിച്ചിട്ടുള്ള, അല്ലെങ്കിൽ മറ്റേതെങ്കിലും പ്രശ്‌നങ്ങൾ ഉണ്ടായിട്ടുണ്ടാവാം, അതെല്ലാം കൃത്യമായി മനസ്സിലാക്കി മാത്രം മറ്റുള്ളവരോട് വേണ്ട രീതിയിൽ ഇടപെടൽ നടത്തുക.

നമ്മളുടെ മോശം സാഹചര്യത്തെ കുറ്റപ്പെടുത്തികൊണ്ടിരുന്നാൽ നമ്മൾക്ക് മുന്നേറാൻ കഴിയില്ല. നമ്മളുടെ നിരന്തരമായ പരിശ്രമം വഴി മാത്രമേ നമ്മൾക്ക് നമ്മുടെ മോശം സാഹചര്യത്തെ അതിജീവിക്കാൻ കഴിയുകയുള്ളു.

നമ്മുടെ ചുറ്റിലും വിജയം നേടിയവരിൽ ഒട്ടുമിക്കവരും തന്നെ ഇന്നലെകളിൽ മോശം സാഹചര്യത്തിലൂടെ കടന്നുപോയവരാണ്, അവരൊക്കെ മോശം സാഹചര്യത്തിൽ തളർന്നിരിക്കാതെ നല്ലതുപോലെ കഷ്ടപ്പെട്ടതിന്റെ ഫലമാണ് ഇന്നിപ്പോൾ അവരിൽ പലർക്കും നല്ല സാഹചര്യത്തിൽ ജീവിക്കാൻ കഴിയുന്നത്.

മുന്നോട്ടു വിജയം നേടാൻ എല്ലാവർക്കും സാഹചര്യം മനസ്സിലാക്കി പ്രവർത്തിക്കാനും മറ്റുള്ളവരോട് മാന്യമായി മാത്രം പെരുമാറാനും സാധിക്കട്ടെ.