മനം നിറക്കാൻ മധുമന്ത്രങ്ങൾ:mantras to fill the mind-337

സമയം നമ്മുടെയൊക്കെ ജീവിതത്തിൽ വളരെയേറെ പ്രാധാന്യം അർഹിക്കുന്ന ഒന്നാണ്. സമയം നഷ്ടപ്പെടുത്തിയിട്ട് അതിനെക്കുറിച്ചു ആലോചിച്ചു സങ്കടപ്പെട്ടിരുന്നാൽ ഒന്നും തന്നെ നേടാൻ കഴിയില്ല.

സമയം ഒരിക്കൽ നഷ്ടപ്പെടുത്തിയാൽ, ആ സമയത്തെ ഒരിക്കലും തിരിച്ചെടുക്കാൻ കഴിയില്ല.

നമ്മൾക്ക് ഇപ്പോൾ കിട്ടിയ സമയത്തെ വേണ്ടതുപോലെ പ്രയോജനപ്പെടുത്താൻ നമ്മളുടെ ഭാഗത്തുനിന്നും പരിശ്രമം ആവശ്യമാണ്.

നമ്മൾ പരിശ്രമിക്കാതിരുന്നാൽ നമ്മൾക്ക് തന്നെയാണ് നഷ്ടമെന്നത് തിരിച്ചറിയുക.

സമയം വെറുതെ പാഴാക്കാതിരിക്കാൻ വേണ്ട ശ്രദ്ധ നൽകുക.

ഒരുപാട് കാര്യങ്ങൾ ചെയ്തു തീർക്കാൻ കഴിയുമായിരുന്നിട്ടും നമ്മളിൽ പലർക്കും അതിനു സാധിക്കാത്തത് നമ്മൾക്ക് ലഭിച്ച സമയത്തെ വേണ്ട വിധത്തിൽ ഉപയോഗപ്പെടുത്താൻ കഴിയാതെ പോയതുകൊണ്ടാണ്.

സമയങ്ങൾ നമ്മളുടെ മുന്നിലൂടെ വളരെ പെട്ടെന്ന് തന്നെ കടന്നുപോയികൊണ്ടിരിക്കും. സമയത്തെ തടഞ്ഞുനിർത്താൻ കഴിയില്ല. സമയത്തിന്റെയൊപ്പം സഞ്ചരിക്കാൻ നമ്മൾക്ക് കഴിയണം.

നമ്മൾ ചെയ്തുതീർക്കേണ്ട ഒത്തിരി കാര്യങ്ങളുണ്ട്, അവയെല്ലാം സമയം പോലെ ചെയ്തുതീർക്കാൻ നമ്മൾ എല്ലാവർക്കും സാധിക്കട്ടെ.

സമയം നമ്മൾക്ക് വേണ്ടി ഒരിക്കലും കാത്തിരിക്കില്ല എന്ന തിരിച്ചറിവിൽ ഇനിയുള്ള സമയങ്ങൾ നഷ്ടപ്പെടുത്താതെ പ്രയോജനകരമായ കാര്യങ്ങൾ ചെയ്യുവാൻ സാധിക്കട്ടെ.