മനം നിറക്കാൻ മധുമന്ത്രങ്ങൾ:mantras to fill the mind-333

ഇനിയുള്ള കാലം കഴിഞ്ഞ കാര്യങ്ങളെക്കുറിച്ച് ആലോചിച്ചു സങ്കടപ്പെട്ടിരുന്നിട്ട് കാര്യമില്ല.

ഇനിയുള്ള കാലം എങ്ങനെ സങ്കടം ഒഴിവാക്കി മുന്നോട്ട് പോകാൻ സാധിക്കുമെന്നാണ് അറിയേണ്ടത്.

നമ്മളുടെ ജീവിതത്തിൽ ചെറുതും വലുതുമായ ഒത്തിരി കാര്യങ്ങൾ സങ്കടപ്പെടുത്തുന്നതിന് കാരണമായിട്ട് ഉണ്ടായിട്ടുണ്ടാകാം.

സങ്കടങ്ങൾ മാറാനായി നമ്മുടെ ഭാഗത്തുനിന്നും ആത്മാർത്ഥമായ പരിശ്രമം ആവശ്യമാണ്. സങ്കടങ്ങൾ തനിയെ വിട്ടുപോകില്ല, അതിനു നമ്മൾ വേണ്ട രീതിയിൽ കൈകാര്യം ചെയ്യേണ്ടതുണ്ട്.

മറ്റുള്ളവരുടെ വളർച്ച കാണുമ്പോൾ, നമ്മൾക്കു അവരെപോലെ വളരാൻ കഴിഞ്ഞില്ലല്ലോ എന്ന സങ്കടം, മറ്റുള്ളവരുടെ കഴിവുകൾ കാണുമ്പോൾ നമ്മൾക്ക് അത്തരം കഴിവുകൾ കിട്ടിയില്ല എന്ന സങ്കടം, മറ്റുള്ളവർ ആർഭാടത്തിൽ ജീവിക്കുമ്പോൾ നമ്മൾക്ക് അതുപോലെ ജീവിക്കാൻ പറ്റുന്നില്ല എന്ന സങ്കടം, അങ്ങനെ ഒത്തിരിയേറെ കാരണങ്ങൾ നമ്മൾ തന്നെ സ്വയം കണ്ടെത്തികൊണ്ട് ആവശ്യമില്ലാത്ത കാര്യങ്ങളിൽ വരെ വെറുതെ സങ്കടപ്പെടാറുണ്ട്.

നമ്മളിലെ സങ്കടങ്ങൾക്ക് പ്രധാനപ്പെട്ട കാരണം നമ്മുടെ തെറ്റായ രീതിയിലുള്ള ചിന്തകളാണ്. നമ്മുടെ മനസ്സിലേക്ക് എപ്പോഴും നല്ല ചിന്തകളെ കടത്തിവിടുക.

സങ്കടം മാറാൻ നല്ലതുപോലെ പ്രവർത്തിക്കുക എന്നതാണ്. നമ്മൾ ഉണർന്നു പ്രവർത്തിച്ചാൽ മാത്രമാണ് ചുറ്റുമുള്ളവരുടെ സങ്കടങ്ങൾക്ക് പരിഹാരമാകുകയുള്ളു.

നമ്മുടെ നിരന്തരമായ പരിശ്രമം വഴി നമ്മളിലെ സങ്കടങ്ങളെ ഒരു പരിധിവരെയെങ്കിലും അകറ്റാൻ സാധിക്കട്ടെ.

സങ്കടപ്പെട്ടിരുന്നാൽ നമ്മുടെയൊക്കെ വിലപ്പെട്ട സമയം പാഴാക്കി കളയാം എന്നല്ലാതെ സങ്കടപ്പെട്ടിരുന്നിട്ട് യാതൊരു പ്രയോജനവുമില്ലായെന്ന് ഇനിയെങ്കിലും തിരിച്ചറിവ് നേടാനും,സങ്കടങ്ങളെ ഒഴിവാക്കാൻ ഉത്സാഹത്തോടെ പ്രവർത്തിക്കാനും മറ്റുള്ളവരുടെ സങ്കടങ്ങൾക്ക് കഴിവനുസരിച്ചു നല്ല രീതിയിൽ സഹായിക്കാനും സാധിക്കട്ടെ.