മനം നിറക്കാൻ മധുമന്ത്രങ്ങൾ:mantras to fill the mind-327

നമ്മൾക്ക് ചുറ്റിലുമുള്ള പല കാര്യങ്ങളും നമ്മളെയൊക്കെ വളരെയേറെ ദുഃഖത്തിലാക്കാറുണ്ട്.

ഓരോ മനുഷ്യർക്കും ദുഃഖത്തിനു ഓരോരോ കാരണങ്ങളുണ്ടാവാം.

നമ്മൾക്കുണ്ടാകുന്ന സങ്കടങ്ങൾ എല്ലാം തന്നെ എളുപ്പം നമ്മളെ വിട്ടു അകലണമെന്നില്ല.

ഓരോ സങ്കടവും നമ്മളെ വിട്ടകലാൻ അതിന്റെതായ സമയം ആവശ്യമാണ്.

നമ്മൾക്കുണ്ടാകുന്ന ഓരോ സങ്കടത്തിന്റെയും കാരണങ്ങൾ കണ്ടെത്തി പരിഹരിക്കാൻ ശ്രമിക്കേണ്ടതുണ്ട്.

ചിലപ്പോഴൊക്കെ മറ്റുള്ളവരുടെ സങ്കടങ്ങൾ, നമ്മുടെ സങ്കടങ്ങളായി മാറാറുണ്ട്.

നമ്മൾ ആഗ്രഹിച്ചത് ലഭിക്കാതെ പോകുമ്പോൾ നമ്മൾക്ക് സങ്കടങ്ങൾ ഉണ്ടായേക്കാം. ആഗ്രഹിച്ചത് എല്ലാവർക്കും എല്ലായ്പോഴും ലഭിക്കണമെന്നില്ലായെന്ന യാഥാർഥ്യം ഉൾകൊള്ളാൻ നമ്മൾക്ക് ഇനിയെങ്കിലും കഴിയേണ്ടതുണ്ട്.

സങ്കടം ആർക്കൊക്കെ എപ്പോഴൊക്കെയാണ് ഉണ്ടാവുകയെന്ന് മുൻകൂട്ടി പറയാൻ സാധിക്കില്ല.

നമ്മൾ സങ്കടപ്പെട്ടിരുന്നാൽ നഷ്ടം നമ്മൾക്ക് തന്നെയാണ്. സങ്കടപ്പെട്ടിരിക്കുന്ന ഓരോ നിമിഷവും നമ്മൾക്ക് നഷ്ടപ്പെട്ടുകൊണ്ടിരിക്കുകയാണ്.

നമ്മളുടെ നിരന്തര പരിശ്രമത്തിന്റെ ഫലമായി ഇന്ന് അല്ലെങ്കിൽ നാളെകളിൽ നമ്മുടെ സങ്കടങ്ങൾ ഒരുപരിധിവരെ ഇല്ലാതായേക്കാം.

നമ്മൾ നല്ലതുപോലെ കഷ്ടപ്പെട്ടാൽ മാത്രമാണ് നമ്മുടെ സങ്കടങ്ങൾ എന്തു തന്നെ ആയാലും നമ്മളെ വിട്ടകലുകയുള്ളു.

എല്ലാവർക്കും അവരവരുടെ ജീവിതത്തിൽ ഉണ്ടാകുന്ന സങ്കടങ്ങളെ ശരിയായ വിധത്തിൽ അകറ്റാൻ സാധിക്കട്ടെ.