മനം നിറക്കാൻ മധുമന്ത്രങ്ങൾ:mantras to fill the mind-307

വെറുപ്പ് നമ്മൾക്കു പലരോടും പല സാഹചര്യത്തിലും തോന്നിയേക്കാം.

വെറുപ്പ് ഉണ്ടെങ്കിൽ നമ്മുടെ സന്തോഷങ്ങൾ ഒരുപരിധിവരെയെങ്കിലും ഒരുപക്ഷെ നഷ്ടമായേക്കാം.

നമ്മൾക്ക് ആരോടെങ്കിലും വെറുപ്പ് ഉണ്ടെങ്കിൽ അതു ഏതുവിധേനയും ശരിയായ മാർഗത്തിലൂടെ ഒഴിവാക്കാൻ ശ്രമിക്കേണ്ടതുണ്ട്.വെറുപ്പ് നമ്മുടെ മനസ്സിലുണ്ടെങ്കിൽ നല്ല ചിന്തകൾ നമ്മൾക്ക് മനസ്സിലേക്ക് കടത്തിവിടുന്നതിനു ബുദ്ധിമുട്ട് ഉണ്ടായെന്നു വന്നേക്കാം.

മറ്റുള്ളവരോടുള്ള വെറുപ്പ് ഒത്തിരി നാൾ കൊണ്ടുനടന്നാൽ നമ്മൾക്ക് പല വിധത്തിലുള്ള രോഗങ്ങൾക്ക് ഒരുപക്ഷെ കാരണമായേക്കാം.

വെറുപ്പ് ഉണ്ടെങ്കിൽ നമ്മുടെ മനസ്സിൽ ദുഷ്ചിന്തകളായിരിക്കും കൂടുതലായി ഒരുപക്ഷെ ഉണ്ടാവുക. ദുഷ്ചിന്തകൾ നാശത്തിലേക്ക് മാത്രമാണ് നയിക്കുകയുള്ളു.

ഓരോ വെറുപ്പിന്റെ പിന്നിലും എന്തെങ്കിലുമൊക്കെ കാരണങ്ങൾ കണ്ടേക്കാം.കാരണങ്ങൾ കണ്ടെത്തി പരിഹരിക്കാൻ നമ്മൾക്ക് സാധിക്കട്ടെ.

വെറുപ്പിനെ വേണ്ടതുപോലെ ഉപേക്ഷിച്ചില്ലെങ്കിൽ നമ്മൾക്ക് ഒത്തിരി പ്രയാസങ്ങളെ അഭിമുഖികരിക്കേണ്ടി വന്നേക്കാം.

മറ്റുള്ളവർ നമ്മളെ ദ്രോഹിച്ചതാകാം, ഒറ്റപ്പെടുത്തിയതാകാം, കളിയാക്കിയതാകാം, അപമാനിച്ചതാകാം അങ്ങനെ നിരവധി കാരണങ്ങൾ കൊണ്ട് നമ്മളിൽ വെറുപ്പ് ഉണ്ടായേക്കാം.

നമ്മളിലുണ്ടാക്കിയ ഭയങ്ങൾ, അസ്വസ്ഥതകളൊക്കെകൊണ്ട് നമ്മളിൽ വെറുപ്പ് ഉണ്ടായേക്കാം.

ഭക്ഷണത്തോട്, ആളുകളോട്, മറ്റു പലതിനോടും നമ്മളിൽ പലർക്കും സാഹചര്യം അനുസരിച്ചു വെറുപ്പ് ഉണ്ടായേക്കാം.

മുന്നോട്ട് ഉയർച്ചകൾ നേടാൻ നമ്മളിലുള്ള വെറുപ്പിനെ ശരിയായ വിധത്തിൽ ഇല്ലായ്മ ചെയ്യാൻ നമ്മൾ എല്ലാവർക്കും വെറുപ്പിനെ വേണ്ട വിധത്തിൽ അകറ്റി നിർത്താൻ സാധിക്കട്ടെ.