മനം നിറക്കാൻ മധുമന്ത്രങ്ങൾ:mantras to fill the mind-217

ഓരോ ദിവസവും പുതിയ കാര്യങ്ങൾ നമ്മൾ ഓരോരുത്തർക്കും പഠിക്കേണ്ടതുണ്ട്. നമ്മുടെ അറിവുകൾ എത്രത്തോളം വളർത്താൻ കഴിയുമോ അത്രത്തോളം വളർത്താൻ ശ്രമിക്കുക എങ്കിൽ മാത്രമേ നമ്മൾക്ക് ഉയരങ്ങളിൽ എത്തിച്ചേരാൻ കഴിയുകയുള്ളു. നമ്മൾക്ക് ചുറ്റിലും നിരവധി മാറ്റങ്ങൾ ഓരോ ദിവസവും ഉണ്ടാവുന്നുണ്ടെന്നത് തിരിച്ചറിയുക.

നല്ല മാറ്റങ്ങളും മോശം മാറ്റങ്ങളും നമ്മൾക്കു ചുറ്റിലും ഉണ്ടായേക്കാം, നല്ല മാറ്റങ്ങൾ ഉണ്ടാവാനും മോശം മാറ്റങ്ങൾ ഉണ്ടാവാതിരിക്കാനും നമ്മുടെ ഭാഗത്തുനിന്നും നല്ലതുപോലെ പരിശ്രമം ആവശ്യമാണ്.

മോശമായ മാറ്റങ്ങൾക്കുപിന്നിൽ നിരവധി കാരണങ്ങൾ ഉണ്ടായേക്കാം, അതെല്ലാം വേണ്ടതുപോലെ പരിഹരിക്കാനുള്ള ശ്രമം നമ്മുടെ ഭാഗത്തുനിന്നും ഉണ്ടാവേണ്ടതുണ്ട്, അതിനു ശരിയായ അറിവുകൾ കണ്ടെത്തേണ്ടത് വളരെയേറെ ആവശ്യമാണ്.

ഇന്നലെകളിൽ നിന്നും നമ്മൾ ഒത്തിരിയേറെ പുരോഗതി നേടിയിട്ടുണ്ടെങ്കിൽ അതിന്റെ പിന്നിൽ നമ്മളെ കാര്യമായി സഹായിച്ചിട്ടുള്ളത് നമ്മുടെ ഭാഗത്തുനിന്നുള്ള പരിശ്രമവും പഠനവുമാണ്.

പഠനത്തിന്റെ പ്രാധാന്യം നമ്മളിൽ പലർക്കും ശരിയായ വിധത്തിൽ തിരിച്ചറിയാൻ സാധിക്കാത്തത് വളരെയേറെ സങ്കടത്തിനു, പരാജയത്തിന് പലപ്പോഴും വഴിവെക്കുന്നുണ്ട്.

ഒരിക്കലും നല്ല കാര്യത്തിലുള്ള പഠനത്തെ ഉപേക്ഷിക്കാതിരിക്കുക. പഠനം ശരിയായ വിധത്തിലാണെങ്കിൽ നമ്മൾക്ക് നല്ല രീതിയിൽ വളർച്ച നേടിയെടുക്കാൻ ഒരുപക്ഷേ സാധിച്ചേക്കും.

പുതിയകാര്യങ്ങൾ ഓരോ ദിവസവും പഠിച്ചുകൊണ്ട് ജീവിതനിലവാരം ഉയർത്താൻ നിരന്തരം പരിശ്രമിക്കുവാൻ നമ്മൾ എല്ലാവർക്കും സാധിക്കട്ടെ.