മനം നിറക്കാൻ മധുമന്ത്രങ്ങൾ:mantras to fill the mind-197

ജീവിതത്തിൽ പലപ്പോഴും പരാജയങ്ങൾ നേരിട്ടവർ ആയിരിക്കും നമ്മളിൽ പലരും. ഓരോ പരാജയവും നമ്മൾക്ക് ഒത്തിരിയേറെ സങ്കടം നൽകുന്നുണ്ട്.

പരാജയങ്ങളിൽ തളർന്നിരിക്കാതെ മുന്നോട്ടു നല്ലതുപോലെ പരിശ്രമിക്കാൻ കഴിയേണ്ടതുണ്ട്.

പരാജയപ്പെട്ടിടത്തുനിന്നും നമ്മൾ പുരോഗതി നേടിയെടുക്കാൻ ശ്രമിച്ചെങ്കിൽ മാത്രമേ വിജയം നേടിയെടുക്കാൻ കഴിയുകയുള്ളു.

നിരവധി പരാജയം നേരിടേണ്ടി വന്നിട്ടുപോലും അതിലൊന്നും തളരാതെ വീണ്ടും വീണ്ടും ശ്രമിച്ചവരാണ് വൻവിജയങ്ങൾ കരസ്ഥമാക്കിയിട്ടുള്ളത്.

നമ്മൾക്കുണ്ടാകുന്ന ഓരോ പരാജയത്തെയും വേണ്ട രീതിയിൽ അഭിമുഖികരിക്കാൻ പഠിക്കേണ്ടതുണ്ട്.

നമ്മുടെ പരിശ്രമങ്ങൾ ശരിയായ രീതിയിലല്ല എന്നതിന്റെ തെളിവാണ് നമ്മൾക്കുണ്ടാകുന്ന ഓരോ പരാജയവും.

മറ്റുള്ളവർക്കുണ്ടാകുന്ന പരാജയങ്ങളിൽ സന്തോഷിക്കരുത്, കളിയാക്കരുത്.

പരാജയം ആർക്കും എപ്പോൾ വേണമെങ്കിലും സംഭവിക്കാം. വേണ്ട രീതിയിൽ പ്രോത്സാഹനം നൽകിയിരുന്നെങ്കിൽ നമ്മളിൽ പലരും ഒരുപക്ഷെ വളരെ നേരത്തെ തന്നെ പരാജയങ്ങളെ അതിജീവിച്ചുകൊണ്ട് വിജയം കൈവരിച്ചേനെ.

പരാജയങ്ങൾ നമ്മൾക്ക് മാനസികമായും ശാരീരികമായും നിരവധി ബുദ്ധിമുട്ടുകളും വെല്ലുവിളികളും സൃഷ്ടിച്ചേക്കാം.

നമ്മുടെ ജീവിതത്തിലെ പരാജയങ്ങളെ അതിജീവിക്കേണ്ടത് മറ്റാരേക്കാളും നമ്മളുടെ മാത്രം ആവശ്യമാണ്.

നമ്മൾ പരാജയപ്പെട്ടാൽ അതിന്റെതായ നഷ്ടം നമ്മൾക്ക് തന്നെയാണ് എന്നത് തിരിച്ചറിയുക.

നമ്മൾക്കുണ്ടായ ഓരോ പരാജയത്തിന്റെ പിന്നിലെ കാരണങ്ങളെ ശരിയായ വിധത്തിൽ കണ്ടെത്താൻ ശ്രമിക്കുക, ശരിയായ വിധത്തിൽ പരിഹരിച്ചുകൊണ്ട് മുന്നേറുക.

വിജയത്തിനായിട്ടുള്ള പരിശ്രമങ്ങൾക്കിടയിൽ പല വിധത്തിലുള്ള പരാജയങ്ങളെയും നേരിടേണ്ടി വന്നേക്കാം അതെല്ലാം ധിരതയോടെ നേരിടാൻ നമ്മൾ എല്ലാവർക്കും സാധിക്കട്ടെ.