വാടാത്ത ലില്ലിപ്പൂക്കൾ -9

അങ്ങനെയാണ് ഞാൻ എന്റെ സ്വപ്നത്തിലെ നായികയെ കണ്ടുമുട്ടുന്നത്. വളരെ യാദൃശ്ചികമായി ഞാൻ അവളെ കണ്ടു. ഞാൻ ബസിൽ നിന്നും ഇറങ്ങി കുറച്ചു നേരം നടന്നിട്ട് അവളെ തന്നെ നോക്കി നിന്നു, അവളാണെങ്കിൽ ബസിൽ നിന്നും ഇറങ്ങിയിട്ട് മുന്നോട്ട് ഒരു സ്റ്റെപ്പ് വെക്കാതെ പ്രതിമയെപ്പോലെ നിൽക്കുന്നു.

ഞാൻ കുറച്ചു നേരം കഴിഞ്ഞ് അവൾ എന്നേ കണ്ട ഭാവം നടിക്കാത്തത് കൊണ്ട് അടുത്ത ബസിൽ കയറാൻ വേണ്ടി മുന്നോട്ട് നടന്നു. ഞാൻ തല താഴോട്ടാക്കി നടക്കുമ്പോൾ അവൾ പിന്നാലെ ഓടിവന്നു എന്നോടൊപ്പം നടക്കുന്നു. എനിക്ക് അവളോട് ഒന്നും തന്നെ സംസാരിക്കാൻ തോന്നിയില്ല. ഉടനെ അവൾ വേഗം റോഡ് മുറിച്ചുകടന്നു, ഞാൻ നടന്നു വരുന്നത് നോക്കി നിന്നു, ഞാൻ അവളെയും നോക്കി മുന്നോട്ട് നടന്നു നീങ്ങി, എന്റെ തൊട്ട് പിന്നാലെ അവളുടെ കൂട്ടുകാരി വരുന്നുണ്ടായിരുന്നു.....

ഇനിയിപ്പോൾ അവൾ നോക്കിയത് എന്നെയാണോ, അതോ അവളുടെ കൂട്ടുകാരിയെ ആണോ എന്ന് എനിക്ക് അറിഞ്ഞുകൂടാ.... ഞാൻ പിന്നെ അവളോട് സംസാരിക്കാൻ ഒന്നും പോയില്ല, എന്റെ വീട്ടിലേക്ക് പോകാനുള്ള ബസിൽ കയറി സീറ്റിൽ ഇരുന്നു.... പിറ്റേന്ന് അവളെ വീണ്ടും ഞാൻ കണ്ടുമുട്ടി, അവളെ കണ്ടതും എന്റെ കണ്ണുകൾ താമരപ്പൂവ് വിടർന്നത് പോലെ വികസിച്ചു വന്നു....

ഞാൻ അവളെ തന്നെ നോക്കി, ഇടയ്ക്കു എനിക്ക് ബസിലാണെന്ന ചിന്ത വന്നപ്പോൾ അവളുടെ മുഖത്തേക്കുള്ള നോട്ടം അവസാനിപ്പിച്ചു ഞാൻ റോഡിലേ കാഴ്ചകൾ നോക്കിക്കൊണ്ടിരുന്നു..... അങ്ങനെ യാത്രക്കിടയിൽ ഇടയ്ക്ക് ഇടയ്ക്ക് അവളെ ഞാൻ ശ്രദ്ധിച്ചുകൊണ്ടിരുന്നു...... ഇടയ്ക്കിടെ ബസിൽ വെച്ചുകാണുമ്പോൾ ഞാൻ ഇരുന്ന സീറ്റിന്റെ തൊട്ട് മുൻപിലുമായി അവൾ വന്നിരുന്നപ്പോഴൊന്നും എനിക്ക് അവളോട് സംസാരിക്കാൻ സാധിച്ചില്ല, എനിക്ക് നാണമായിരുന്നു അവളോട് സംസാരിക്കാനായിട്ട്....

ഒരിക്കൽ അവളുടെ കൂട്ടുകാരൻ എന്റെ തൊട്ടടുത്ത സീറ്റിൽ വന്നിരുന്നപ്പോഴും അവളുടെ പേര് എന്താണെന്നൊന്നും ഞാൻ അവനോട് ചോദിച്ചറിഞ്ഞില്ല... എനിക്ക് തന്നെ അവളുടെ പേര് നേരിട്ട് ചോദിച്ചറിയണം എന്നാണ് ഞാൻ ആഗ്രഹിച്ചത്..... അവളെ ആദ്യമായി കണ്ടതിൽപിന്നെ എന്നും അവളെ കുറിച്ചു രാത്രികളിൽ ഞാൻ സ്വപ്നം കാണാൻ തുടങ്ങി... എന്റെ എഴുത്തുകളിൽ ശ്രദ്ധ കുറഞ്ഞു ഞാൻ ഒരുപാട് മാസങ്ങളായി എഴുതാതെ ആയി.....

അങ്ങനെയിരിക്കെ പെട്ടെന്ന് മഹാമാരി വന്നു നീണ്ട നാളുകൾ ബസ് സർവീസ് ഇല്ലാതെ ആയപ്പോൾ ഞാൻ വളരെ അധികം നിരാശയിലായി.... ഇനി കാണാൻ കഴിയില്ലല്ലോ എന്നോർത്ത് വളരെയേറെ മനസ്സ് വേദനിച്ചു.....

ലോക്‌ഡൗൺ പിൻവലിച്ചു ബസ് സർവീസ് പുനർ ആരംഭിച്ചപ്പോൾ ഞാൻ വീണ്ടും അവളെ കാണാൻ തുടങ്ങി... ഇപ്പോൾ അവൾക്ക് എന്നേ കാണുമ്പോൾ പഴയത് പോലെ ഇഷ്ടം ഇല്ല എന്ന് എനിക്ക് തോന്നിത്തുടങ്ങി..അവളോട് ഇത്രയും നാളായിട്ടും ഇഷ്ടം തുറന്നു പറയാൻ കഴിയാത്തതിൽ ഞാൻ തീർത്തും ദുഖിതനായി.... സംസാരിക്കാൻ അവസരം കിട്ടിയിട്ടും അതൊന്നും പ്രയോജനപ്പെടുത്താതിരുന്നതിൽ ഞാൻ വല്ലാത്ത സങ്കടത്തിലായി....