നമ്മൾ ഓരോരുത്തർക്കും ഓരോരോ കഴിവുകളുണ്ട്. ഓരോ മനുഷ്യർക്കും ഉള്ള കഴിവുകൾ വ്യത്യസ്തമാണ്. നമ്മുടെ കഴിവുകൾ നമ്മുടെ മാത്രം സ്വന്തമാണ്. മറ്റൊരാളുടെ കഴിവുകൾ അവരുടെ മാത്രമാണ്, നമ്മൾക്ക് അതൊന്നും ഒരു പരിധിവിട്ട് അനുകരിക്കാൻ കഴിയണമെന്നില്ല.
Read More
മുന്നോട്ടു ഉയർച്ചകൾ നേടാൻ നമ്മുടെ നല്ല കഴിവുകൾ വളരെയേറെ സഹായിക്കും.
നമ്മുടെ നല്ല കഴിവുകൾ കണ്ടെത്തികൊണ്ട് വേണ്ട വിധത്തിൽ വളർത്തിയെടുക്കാൻ നമ്മുടെ ഭാഗത്തുനിന്നും പരിശ്രമവും, ക്ഷമയും ആവശ്യമാണ്.
നമ്മൾ വിചാരിക്കാതെ, പരിശ്രമിക്കാതെ നമ്മുടെ കഴിവുകൾ മികച്ചതാക്കാൻ കഴിഞ്ഞെന്ന് വരില്ല.
നമ്മൾക്ക്, നമ്മളിൽ തന്നെ വിശ്വാസം ഉണ്ടെങ്കിലാണ് നമ്മുടെ കഴിവുകളെ വേണ്ടതുപോലെ പ്രയോജനപ്പെടുത്താൻ സാധിക്കുകയുള്ളു.
നമ്മളിലെ പരിമിതികളെ കണ്ടെത്തി വേണ്ടതുപോലെ പരിഹരിക്കാൻ ശ്രമിക്കേണ്ടതുണ്ട്.
കഴിവുകളെ ഇല്ലാതാക്കുന്ന കാര്യങ്ങളിൽ നിന്നും വിട്ടു നിൽക്കുക.
ഓരോ ദിവസം കഴിയുന്തോറും നമ്മുടെ കഴിവുകളെ വേണ്ട വിധത്തിൽ ഉപയോഗപ്പെടുത്താനും,മികച്ചതാക്കാനും സാധിക്കേണ്ടതുണ്ട്.
നമ്മൾക്കില്ലാത്ത കഴിവുകളെ കുറിച്ച് ചിന്തിച്ചു വിഷമിക്കാതെ, നമ്മൾക്ക് കിട്ടിയ കഴിവുകൾ എങ്ങനെ പ്രയോജനപ്പെടുത്താമെന്ന് നമ്മൾക്ക് മുന്നോട്ടു ആലോചിക്കാൻ കഴിയണം.
നമ്മുടെ കഴിവുകൾ ഒരുപക്ഷെ നമ്മൾ തിരിച്ചറിയാൻ വൈകിയെന്ന് വരാം, എങ്കിൽ പോലും തിരിച്ചറിയുന്ന നിമിഷം തൊട്ട് സമയത്തെ വേണ്ടതുപോലെ ഉപയോഗപ്പെടുത്താൻ ശ്രമിക്കേണ്ടതുണ്ട്.
നമ്മൾക്ക് കിട്ടിയ കഴിവുകളെ മറ്റുള്ളവരുടേതുമായി ഒരിക്കലും താരതമ്യം ചെയ്യാതിരിക്കുക.
നമ്മളുടെ കഴിവുകളെ വേണ്ട വിധത്തിൽ പ്രയോജനപ്പെടുത്താൻ കിട്ടുന്ന അവസരങ്ങൾ ഒരിക്കലും പാഴാക്കാതിരിക്കുക.
നമ്മുടെ നല്ല കഴിവുകൾക്ക് മറ്റുള്ളവർ വേണ്ടതുപോലെ പ്രോത്സാഹനം നൽകിയില്ലായെന്ന് വരാം, ഒരുപക്ഷെ നിരുത്സാഹപ്പെടുത്തിയെന്ന് വരാം, കളിയാക്കി, വിമർശിച്ചെന്നൊക്കെ വരാം, അതിലൊന്നും തളരാതെ മുന്നോട്ടു പോകുവാൻ നമ്മൾക്ക് കഴിയേണ്ടതുണ്ട്.
ഏതൊരു കാര്യത്തിന് മുന്നിട്ടിറങ്ങുമ്പോഴും സ്വന്തം കഴിവിൽ വിശ്വസിക്കേണ്ടതുണ്ട്. നാളേകളിൽ നമ്മൾക്ക് ഉയരങ്ങളിൽ എത്തിച്ചേരാൻ ഇന്നിന്റെ കഴിവുകളെ വേണ്ടതുപോലെ ഉപയോഗപ്പെടുത്താൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.
