motivation

ജീവിതത്തിൽ നമ്മൾക്ക് സന്തോഷം നഷ്ടപ്പെടാനുള്ള കാരണം നെഗറ്റീവ് ചിന്തകളെ വേണ്ട രീതിയിൽ ഒഴിവാക്കാൻ കഴിയാത്തതുകൊണ്ടാണ്. നെഗറ്റീവ് ചിന്തകൾ നമ്മുടെയൊക്കെ ശരീരത്തെയും മനസ്സിനെയും ഒത്തിരി ക്ഷയിപ്പിക്കുന്നു.

നമ്മൾ എന്തുകാര്യവും മുന്നോട്ടു ചെയ്യുന്നതിന് മുൻപും മറ്റുള്ളവർ എന്തുവിചാരിക്കും എന്നുള്ള ചിന്ത നമ്മളിലേക്ക് കടന്നുവരാറുണ്ട്.

ഇന്നലെകൾ നമ്മൾക്ക് നഷ്ടമായി, ഇനിയും ആ നാളുകൾ നമ്മളിലേക്ക് കടന്നുവരില്ല, അതോർത്തു ദുഃഖിച്ചിട്ടും ഒരു മാറ്റവും സംഭവിക്കില്ല. പ്രകൃതി നിയമം നമ്മൾക്ക് അനുസരിക്കാൻ മാത്രമല്ലെ കഴിയു. നമ്മുടെ സമയം കഴിയുമ്പോൾ ഈ ലോകത്തിൽ നിന്നും കടന്നുപോകേണ്ടവരാണ് നമ്മൾ. നമ്മുടെ ആയുസ്സ് നമ്മൾക്ക് നീട്ടാൻ കഴിയില്ലല്ലോ, മരണം എന്നത് സത്യമായ കാര്യമാണ്, അവിടെ സമ്പന്നനും പാവപ്പെട്ടവനും എന്നുള്ള വേർതിരിവ് ഇല്ല.

നമ്മുടെ ചുറ്റിലുമുള്ള ഏതൊരു വ്യക്തിയും നിരവധി കഷ്ടപ്പാടിലൂടെയാണ് വിജയം നേടിയിട്ടുള്ളത്.

കഷ്ടപ്പെടാൻ നമ്മൾ ഒരുങ്ങുക, ഈ ലോകം നമ്മുടേത് കൂടെയാണ്. മറ്റുള്ളവരുടെ കഴിവ് അല്ല നമ്മൾക്ക് ഉള്ളത്. നമ്മുടെ കഴിവുകൾ പുറത്തെടുക്കേണ്ടത് നമ്മുടെ മാത്രം കടമയാണ്.

നമ്മൾ മനുഷ്യരാണ് പല കാര്യത്തിലും തെറ്റുകൾ പറ്റിയേക്കാം, അതൊക്കെ തിരുത്തി മുന്നേറാൻ ശ്രമിക്കുക. ഇന്നലെകളിൽ ഉണ്ടായ വിഴ്ചകൾ നമ്മൾക്ക് ഇന്ന് ഒരു അനുഭവം തന്നു, അതൊക്കെ തിരിച്ചറിവ് ആയിട്ടു ഇനിയുള്ള കാലത്തിൽ തെറ്റുകൾ വരുത്താതെ മുന്നോട്ടു പോകാൻ കഴിയേണ്ടതുണ്ട്.

നെഗറ്റീവ് ചിന്തകൾ ഉണ്ടാവുന്ന സന്ദർഭവും നെഗറ്റീവ് സംസാരങ്ങളും ഒഴിവാക്കുക.

നമ്മുടെ ചുറ്റിലും ഒത്തിരി നെഗറ്റീവ് കാര്യങ്ങൾ സംഭവിക്കുന്നുണ്ട്, അതിൽ കൂടുതൽ ശ്രദ്ധ നൽകാതെ നമ്മുടെയും നമ്മുടെ ചുറ്റുമുള്ളവരുടെയും ജീവിതത്തിൽ പോസിറ്റീവ് ഊർജം നൽകാൻ ഉപകരിക്കുന്ന കാര്യങ്ങൾ ചെയ്യാൻ ശ്രമിക്കുക.

ഞാൻ പാവപ്പെട്ടവനാണ്, കഴിവില്ലാത്തവനാണ് എന്നൊക്കെ വിചാരിച്ചു സ്വയം എല്ലാത്തിൽ നിന്നും ഉൾവലിഞ്ഞാൽ നമ്മൾക്ക് തന്നെയാണ് നഷ്ടം.

നഷ്ടങ്ങളും വേദനകളും പരാജയങ്ങളും ആരുടെയും ജീവിതത്തിൽ എപ്പോൾ വേണമെങ്കിലും സംഭവിക്കാം, നമ്മൾ ചെയ്യേണ്ടത് ഓരോ നിമിഷവും ഫലപ്രദമായ രീതിയിൽ ഉപയോഗപ്പെടുത്തുക എന്നതാണ്.

എന്തു പ്രശ്നത്തിനും എവിടെയെങ്കിലും പരിഹാരം ഉണ്ടാകും അതിനുവേണ്ടി ക്ഷമയോടെ കാത്തിരിക്കാനും പ്രവർത്തിക്കാനും കഴിയണം.

ഇനിയുള്ള നാളുകളിൽ നെഗറ്റീവ് ചിന്ത ഒഴിവാക്കി, സ്വയം പോസിറ്റീവ് ചിന്ത നിറക്കാൻ ശ്രമിക്കുക. നെഗറ്റീവ് ചിന്ത എളുപ്പം ഒഴിവാക്കാൻ സാധിക്കില്ല എങ്കിൽ പോലും നമ്മുടെ ഭാഗത്തുനിന്നും അതിനുള്ള പരിശ്രമം ഉണ്ടായേ തിരുള്ളൂ.

നമ്മൾക്ക് വിജയം നേടാൻ, സന്തോഷം കണ്ടെത്താൻ നെഗറ്റീവ് ചിന്തകൾ ഒഴിവാക്കി മുന്നേറാൻ കഴിയട്ടെ.

നമ്മൾക്ക് പകരമാകാൻ ഈ ലോകത്തിൽ മറ്റാർക്കും കഴിയില്ല. നമ്മളുടെ കഴിവിന്റെ പരമാവധി ഓരോ നിമിഷവും നല്ല കാര്യങ്ങൾക്കായി മാറ്റിവെക്കുക. നമ്മുടെ മനസ്സ് സന്തോഷത്താൽ നിറയട്ടെ.