മനം നിറക്കാൻ മധുമന്ത്രങ്ങൾ:mantras to fill the mind-57

എന്താണ് നല്ലത് എന്ന് തോന്നിയിട്ടുണ്ടോ എപ്പോഴെങ്കിലും?നമ്മൾ പലപ്പോഴും നമ്മൾക്ക് നല്ലത് എന്ന് തോന്നുന്നതാണ് തിരഞ്ഞെടുക്കാറുള്ളത്.

നമ്മളോട് ഒരാൾ ദേഷ്യത്തോടെ സംസാരിച്ചാൽ,അല്ലെങ്കിൽ നമ്മൾക്ക് എന്തെങ്കിലും ശിക്ഷകൾ തന്നാൽ നമ്മൾ എപ്പോഴെങ്കിലും കരുതാറുണ്ടോ നമ്മളുടെ നല്ലതിനുവേണ്ടിയാണെന്ന്.

ജീവിതത്തിൽ നേട്ടങ്ങൾ ഉണ്ടാവണമെങ്കിൽ അതിനു പിന്നിൽ ഒത്തിരി കഷ്ടപ്പെടണം എന്ന് എപ്പോഴെങ്കിലും ഓർക്കാറുണ്ടോ ,നേട്ടങ്ങൾക്ക് വേണ്ടി തയ്യാറെടുക്കുന്നത് നല്ലതാണെന്ന് പറയാൻ കഴിയാറുണ്ടോ.

ജീവിതത്തിൽ എന്തെല്ലാം സംഭവിച്ചു എന്നതിൽ അല്ല കാര്യം എന്തെല്ലാം നല്ല കാര്യങ്ങൾ നമ്മളെ കൊണ്ട് ചെയ്യാൻ കഴിഞ്ഞു എന്നതിലാണ്.

ലോകം നല്ലതായി നമ്മുടെ മനസ്സിൽ ഉണ്ടെങ്കിലേ നാളെ നല്ലൊരു ലോകം സാധ്യമാകു,ഇതുവരെ നമ്മളുടെ ഓരോരുത്തരുടെയും മനസ്സിൽ ലോകത്തിൽ നടക്കുന്ന ഒത്തിരി  കാര്യങ്ങൾ നിരാശ പ്പെടുത്തിയിട്ടുണ്ടാകും,അതെല്ലാം ഒരു പരിധി വരെയെങ്കിലും മറക്കാൻ നമ്മൾക്ക് കൂറേ നാളുകൾ കഴിയുമ്പോൾ സാധിക്കും,എത്ര വലിയ നിരാശയും  ഒരു നാൾ അവസാനിക്കും.

നാളെകളെകുറിച്ചുള്ള പ്രതീക്ഷകൾ ഒരിക്കലും അവസാനിക്കുന്നില്ല,എല്ലാവർക്കും നല്ലൊരു നാളെ പ്രതീക്ഷിക്കാം അതിനു എല്ലാവർക്കും കഴിയട്ടെ,നല്ലതു മാത്രം ചിന്തിക്കാൻ കഴിയട്ടെ.