മനം നിറക്കാൻ മധുമന്ത്രങ്ങൾ:mantras to fill the mind-117

ആവശ്യത്തിന് തമാശ ഇല്ലെങ്കിൽ നമ്മുടെയൊക്കെ ജീവിതം എന്തൊക്കെ വീർപ്പുമുട്ടൽ ആകുമായിരുന്നു.

നമ്മുടെയൊക്കെ ജീവിതത്തിൽ രസകരമായ എന്തെങ്കിലുമോക്കെ വേണമെങ്കിൽ അൽപ്പമൊക്കെ സന്തോഷം കിട്ടുന്ന തമാശകൾ വേണം, നമ്മുടെ തമാശകൾ മറ്റുള്ളവരെ മുറിപ്പെടുത്തുന്നതാവരുത്.

ആരോഗ്യത്തിന് ഭക്ഷണം എന്നത് പോലെ മനസ്സിന് ആരോഗ്യം നിലനിർത്തുവാൻ ചിരിയും തമാശയും ആവശ്യമാണ്. തമാശ കേൾക്കാൻ ആരാണ് ആഗ്രഹിക്കാത്തത്.

നമ്മുടെ ചുറ്റിലുമുള്ള മനുഷ്യർക്ക് പലപ്പോഴും തിരക്കാണ്, നമ്മളിൽ ചിലർക്കെങ്കിലും നമ്മുടെ വേണ്ടപ്പെട്ടവരോട് നേരിട്ട് സംസാരിക്കാൻ പോലും തിരക്കുകൾ കാരണം ഒരുപക്ഷെ സമയം കിട്ടുന്നുണ്ടാവില്ല. ഈ പ്രപഞ്ചം എല്ലാ മനുഷ്യർക്കും തുല്യമായി നൽകിയിട്ടുള്ളത് സമയമാണ്.

നാം എങ്ങനെ നമ്മുടെ സമയത്തെ പ്രയോജനപ്പെടുത്തുന്നു എന്നതിലാണ് നമ്മുടെയൊക്കെ മുന്നോട്ടുള്ള ജീവിതം.

നമ്മൾക്ക് വേണ്ടത് മുന്നോട്ടുള്ള സന്തോഷകരമായ ജീവിതമാണ് അതിനു വേണ്ടിയുള്ള കഷ്ടപ്പാടിലാണ് നമ്മളൊക്കെ.

ജീവിതത്തിൽ സന്തോഷം കിട്ടുന്ന ഓർമ്മകൾ കാത്തുസൂക്ഷിക്കുക, കാരണം കാലം കുറെ കഴിയുമ്പോൾ കഴിഞ്ഞ ഓർമ്മകൾ മാത്രമാണ് ഓർക്കാൻ ബാക്കി ഉണ്ടാകു.

ജീവിതത്തിൽ നല്ല തമാശകൾ നിറയട്ടെ മനസ്സിൽ പുഞ്ചിരി വിടരട്ടെ, പ്രവർത്തികളിൽ ഉയർച്ച ഉണ്ടാകട്ടെ.