സ്നേഹസ്പർശനമായി കൺമുൻപിൽ:A spark of love to open your eyes-311

 311.വിഷമങ്ങൾ മനസ്സിലാക്കിയെടുക്കുക.

ഏതൊരു മനുഷ്യനും അവരുടെ ജീവിതത്തിൽ എന്തെങ്കിലും കാര്യത്തിൽ വിഷമങ്ങൾ ഉണ്ടാവാതിരിക്കില്ലല്ലോ.മറ്റുള്ളവരുടെ വിഷമം നമ്മൾ പലപ്പോഴും മനസ്സിലാക്കാറില്ല. ഒത്തിരി വിഷമങ്ങൾ ഉള്ളിലൊതുക്കിയാണ് ഓരോ മനുഷ്യരും പലപ്പോഴും ഒരുപക്ഷെ മുന്നോട്ട് പോകുന്നത്.എന്തുകാര്യത്തിലും വിഷമം മാത്രം വിചാരിച്ചാൽ മുന്നോട്ട് പോകുവാൻ സാധിക്കില്ലല്ലോ.

വിഷമങ്ങളെ ശരിയായ വിധത്തിൽ അതിജീവിക്കാൻ കഴിയണം.വിഷമങ്ങൾ എപ്പോൾ വേണമെങ്കിലും കടന്നുവരാം.

വിഷമം ഇല്ലാത്ത അവസ്ഥകളിലേക്ക് നമ്മുടെ മനസ്സിനെ കൊണ്ടുപോകാൻ നമ്മുടെ പരിശ്രമം കൂടിയേ തീരു.ഓരോ വിഷമത്തിന്റെ പിന്നിലും ഓരോ കാരണങ്ങൾ ഉണ്ടാവും.വിഷമം മാറാനായി കഠിന പരിശ്രമം തന്നെ നടത്തേണ്ടതുണ്ട്.നമ്മളാണ് തീരുമാനിക്കേണ്ടത് എന്തെങ്കിലും കാര്യത്തെക്കുറിച്ച് ആലോചിച്ചുകൊണ്ട് വിഷമി ക്കണോ വേണ്ടയോ എന്ന്.വിഷമങ്ങൾ മറികടക്കാൻ ഇന്നിപ്പോൾ ഒത്തിരി നേരായ മാർഗ്ഗങ്ങളുണ്ട്.വിഷമങ്ങളെ വേണ്ടവിധ ത്തിൽ നേരിട്ടാൽ മാത്രമേ പലപ്പോഴും നമ്മൾക്കൊക്കെ മുന്നോട്ട് പോകുവാൻ സാധിക്കുള്ളു.

വിഷമങ്ങൾ ഓരോന്നും നമ്മൾക്ക് ഒരുപാട് തിരിച്ചറിവുകൾ നൽകുന്നുണ്ട്.എല്ലാവർക്കും അവരവരുടെ ജീവിതത്തിൽ നേടണം എന്ന് ആഗ്രഹിച്ചതെല്ലാം എപ്പോഴും സാധിച്ചു കിട്ടണം എന്നില്ലല്ലോ.വിഷമം നമ്മളെ വിട്ടുപോകണം എങ്കിൽ നമ്മൾ തന്നെ വിചാരിക്കണം.വിഷമം വരുമ്പോൾ എന്തുചെയ്യാൻ സാധിക്കുമെന്ന് ആലോചിക്കുക, നേരായ മാർഗം കണ്ടെത്തുക.

വിഷമം സാധാരണ മാറാൻ അതിന്റെതായ സമയം ആവശ്യമാണ്.ഇന്ന് നമ്മൾ അനുഭവിക്കുന്ന വിഷമങ്ങൾ ഒരുപക്ഷെ നാളെകളിൽ ഒന്നും അല്ലാതെ ആയേക്കാം.ഓരോ കാലഘട്ടത്തിലും ഓരോരു ത്തർക്കും എന്തെങ്കിലും വിഷമങ്ങൾ ഒരുപക്ഷെ ഉണ്ടാകുമല്ലോ. വിഷമങ്ങളെ അതിജീവിക്കുവാൻ നമ്മൾ ഓരോരുത്തരും നിരന്തരം സാഹചര്യങ്ങളോട് പൊരുതേണ്ടതുണ്ട്.ഇന്നിന്റെ വിഷമങ്ങൾ നമ്മുടെ ഭാഗത്തുനിന്നുള്ള നിരന്തരപരിശ്രമം കൊണ്ടു എല്ലാവരുടേയും ജീവിതത്തിൽ നിന്ന് ഉടനെതന്നെ ഇല്ലാതെയാകട്ടെ.