മനം നിറക്കാൻ മധുമന്ത്രങ്ങൾ:mantras to fill the mind-79

നമ്മളിൽ പലരും ഓരോ സാഹചര്യങ്ങളിൽ അപ്രതീക്ഷിതമായി ചെന്ന് പ്പെടുമ്പോൾ അല്ലെങ്കിൽ ആവശ്യത്തിന് തയ്യാറെടുപ്പു നടത്താതെ വരുമ്പോൾ  നമ്മൾ പറയുന്നതാണ് ഒഴിവുകഴിവുകൾ.

ഓരോ മനുഷ്യരും ജനിക്കുമ്പോഴേ എല്ലാം തികഞ്ഞല്ല വരുന്നത് സാഹചര്യങ്ങൾ അവരെ ഒത്തിരി കാര്യങ്ങൾ പഠിപ്പിച്ചെടുക്കും.പലരും ഒഴിവുകഴിവു പറയുന്നത് അവർക്കു ചേരാത്തത് കൊണ്ടാണ്.

നേട്ടങ്ങൾ സ്വന്തമാക്കാൻ ആഗ്രഹിക്കുന്നവർ ഒരുപക്ഷെ ഒഴിവുകഴിവു പറയുകയില്ല.

നമ്മിൽ പലരും ഒരു അവസരം കിട്ടിയാൽ വേണ്ടവിധം പ്രയോജനപ്പെടുത്താറില്ല മറ്റുള്ളവർ എന്ത് വിചാരിക്കും എങ്ങാനും തെറ്റിപ്പോയാലോ മറ്റുള്ളവർ കളിയാക്കിയാലോ അങ്ങനെ നെഗറ്റീവ് ആയി കൂടുതൽ ആലോചിച്ചു ആലോചിച്ചു ഒടുവിൽ ഒരു അവസരവും നമ്മൾക്ക് വന്നു ചേരാതെ പോകും.

ഒഴിവു കഴിവുകൾ പറയാൻ എളുപ്പമാണ് പക്ഷെ പിന്നീട് ഒരിക്കലും നമ്മളുടെ മുന്നിലേക്ക് കിട്ടിയ അവസരം വിണ്ടും വരണമെന്നില്ല.

കിട്ടുന്ന അവസരങ്ങൾ നല്ലതാണെങ്കിൽ, ഭാവിയിൽ പ്രയോജനപ്പെടുമെങ്കിൽ കഴിവതും ഒഴിവുകഴിവുകൾ പറയാതെ ഇരിക്കുക.

നാളെ നല്ലൊരു ഭാവിക്കായി സ്വപ്‍നം കാണുന്നതോടൊപ്പം മറ്റുള്ളവരുടെ പ്രതീക്ഷകൾക്കൊത്തു ഉയരാൻ നമ്മളുടെ കഴിവുകളെ വളർത്തി എടുക്കുക.

കഴിവുകൾ ഇല്ലാത്ത മനുഷ്യരില്ല എല്ലാവർക്കും ഒരുപോലെ കഴിവുകൾ ഉണ്ടാകില്ല.കഴിവുകൾ ഉള്ളവർ ഒഴിവുകൾ പറയാതെ മുന്നോട്ടു വരിക നാളെ മറ്റുള്ളവരും ഒരുപക്ഷെ നമ്മളുടെ കഴിവുകൾ കണ്ടു മുന്നോട്ടു വന്നേക്കാം.

എല്ലാവർക്കും അവരവരുടെ ഉള്ളിൽ ഉറങ്ങി കിടക്കുന്ന കഴിവുകൾ കണ്ടുപിടിക്കാൻ സാധിക്കട്ടെ.

വിജയിക്കാൻ ആഗ്രഹിക്കുന്നവർ പലപ്പോഴും ഒഴിവുകഴിവുകൾ പറയാറില്ല വിജയം വരെ പരിശ്രമിക്കുന്നവരായിരിക്കും.നമ്മൾക്കും പരിശ്രമിക്കാം നല്ലൊരു വിജയം നേടാനായി.