മനം നിറക്കാൻ മധുമന്ത്രങ്ങൾ:mantras to fill the mind-230

ജീവിതത്തിൽ എവിടെ തിരഞ്ഞാലും പ്രശ്‌നം ഇല്ലാത്ത മനുഷ്യരെ കാണാൻ കഴിയില്ല. 

വളരെ അധികം പ്രശ്‍നങ്ങൾ ലോകത്തിൽ ഉണ്ടാകുന്നതു നിസ്സാര കാര്യങ്ങളുടെ പേരിലാണ്.എല്ലാ പ്രശ്‍നങ്ങൾക്കും പരിഹാരമുണ്ട്, അന്വേഷിച്ചാൽ ശരിയായ മാർഗ്ഗങ്ങൾ കണ്ടെത്താൻ സാധിക്കും.

ഒരു പ്രശ്‍നങ്ങൾ മാറുമ്പോൾ അടുത്ത പ്രശ്‍നങ്ങൾ വരും ജീവിതകാലം മുഴുവൻ പ്രശ്‍നങ്ങളുടെ വരവും പോക്കുമുണ്ടാകും.നമ്മൾ അറിവ് നേടണം, തിരിച്ചറിവ് നേടണം എല്ലാ പ്രശ്‍നങ്ങളെയും തരണം ചെയ്യുവാൻ.

ഒത്തിരി സങ്കടങ്ങളും സന്തോഷങ്ങളും ജീവിതത്തിൽ വന്നുകൊണ്ടിരിക്കും.നമ്മൾ എന്ത് തിരഞ്ഞെടുക്കുന്നു എന്നതാണ് നമ്മുടെ ജീവിതങ്ങളെ ഉയർച്ചയിലേക്കും അതുപോലെ നാശത്തിലേക്കും കൊണ്ടുവിടുന്നത്.എത്രയോ ആളുകൾ നമ്മളുടെ ചുറ്റിലും വിഷമങ്ങളും പ്രയാസങ്ങളും അനുഭവിക്കുന്നു എല്ലാവരെയും ഒരു പോലെ സഹായിക്കാനോ സന്തോഷിപ്പിക്കുവാനോ നമുക്ക് സാധിച്ചെന്നു വരില്ല.നമ്മുടെ ജീവിതങ്ങൾക്ക് ഒരു ലക്‌ഷ്യം വേണം നമ്മൾ നേരിട്ട പ്രതിസന്ധികൾ ,തകർച്ചകൾ ,നിരാശകൾ എല്ലാം വിട്ടുപോകുവാൻ നമ്മൾ പരിശ്രമിക്കണം.മനസ്സിന്റെ ശക്തി വർദ്ധിപ്പിക്കാൻ വേണ്ട പരിശീലനം ചെയ്യുന്നത് നല്ലതായിരിക്കും.

ഒരു രാത്രിക്കു പകൽ എന്നത് പോലെ നമ്മളിൽ നന്മയും അതുപോലെ തിന്മയും ഉണ്ടായേക്കാം.നമ്മളിലെ നന്മയെ കണ്ടെത്തുവാനും തിന്മയെ ഒഴിവാക്കാനും സാധിക്കണം.എല്ലാവരെയും ഒരു പോലെ തൃപ്തി പെടുത്തി ജീവിക്കാൻ നമുക്ക് ആകില്ല.

ഇന്നലെകളിലേക്കു തിരിഞ്ഞു നോക്കി സങ്കടപ്പെട്ടിട്ടു ഒരു കാര്യവും ഇല്ല.ജീവിതം മുന്നോട്ടു പോകാനുള്ളതാണ്.ആർക്കും തെറ്റുപറ്റാം,തെറ്റുകൾ തിരുത്തി മുന്നേറുക.ഭാവിയിൽ തെറ്റുകൾ സംഭവിക്കാതെ നോക്കുക.

തെറ്റുകൾ നമ്മളുടെ ജീവിതത്തിൽ പ്രശ്‍നങ്ങൾ സൃഷ്ടിക്കും.നമ്മുടെ പ്രവർത്തികളെ സൂക്ഷിക്കുക നാളെ നമ്മളുടെ ജീവിതത്തിൽ നന്മകൾ മാത്രമേ സംഭവിക്കാവു എന്നില്ല എങ്കിൽ പോലും നമ്മൾ ഇപ്പോഴും നമ്മൾ ചെയ്യുന്ന പ്രവർത്തികളിൽ അതീവ ശ്രദ്ധ ചെലുത്തുക.നമ്മൾ ചെയ്തുകൊണ്ടിരിക്കുന്ന തെറ്റായ പ്രവർത്തികൾ നിറുത്തിയാൽ തന്നെ ഒരു വിധം പ്രശ്‍നങ്ങളും നമ്മളിൽ നിന്നും അകന്നു പൊയ്ക്കൊള്ളും.

എല്ലാവർക്കും നല്ലതു മാത്രം സംഭവിക്കട്ടെ,ഇത് വരെ ഉണ്ടായിരിക്കുന്ന എല്ലാ പ്രശ്‍നങ്ങളെയും കാരണങ്ങൾ കണ്ടെത്തി സ്വയം തിരുത്തി ജീവിതത്തിൽ മുന്നേറുവാനും മറ്റുള്ളവർക്ക് മാതൃകയായി ജീവിക്കുവാനും കഴിയട്ടെ.

നമ്മളെ കൊണ്ട് മാത്രം പരിഹരിക്കാൻ കഴിയാത്ത പ്രശ്‍നങ്ങളെ നമ്മളുടെ വേണ്ടപ്പെട്ടവരോട് പറയുക, വേണ്ടപ്പെട്ട വിഷയത്തിൽ കൂടുതൽ അറിവുള്ളവരോട് ഷെയർ ചെയ്യുക.എല്ലാവർക്കും ജീവിതത്തിൽ നന്മകൾ ഉണ്ടാകട്ടെ.