മനം നിറക്കാൻ മധുമന്ത്രങ്ങൾ:mantras to fill the mind-19

ഓരോരോ അവസ്ഥകൾ നമ്മുടെയൊക്കെ ജീവിതത്തിൽ കടന്നു വന്നേക്കാം.ഓരോ മനുഷ്യനും ഓരോരോ സാഹചര്യത്തിലൂടെയാണ് വളർന്നു വരുന്നത്.ഒരു പക്ഷെ ദാരിദ്രത്തിന്റെ നടുവിൽ വളർന്നവരുണ്ടാകാം അനാഥരായി വളർന്നവരുണ്ടാകാം ,ഒറ്റപ്പെട്ടു വളർന്നു വന്നവരുണ്ടാകാം.ഏതെല്ലാം സാഹചര്യങ്ങളിലൂടെയാണ് നാം വളർന്നു വന്നതെങ്കിലും നമ്മുടെ ഇന്നത്തെ അവസ്ഥക്ക് കാരണം ഇന്നലകളിലെ നമ്മുടെ ഓരോ അവസ്ഥകളെ നാം എങ്ങനെ സ്വീകരിച്ചു എന്നതിന്റെ അടിസ്ഥാനത്തിലാണ്.

ഇപ്പോഴുള്ള എല്ലാ ദുരവസ്ഥകളും മാറാൻ നമ്മൾ തന്നെ തീരുമാനം എടുക്കണം ഇല്ലായെങ്കിൽ നമ്മുടെ എത്ര നല്ല അവസ്ഥയാണ് ഇപ്പോഴുള്ളതെങ്കിലും നാളെ നമ്മുടെ അവസ്ഥകൾ എല്ലാം മാറിപ്പോകും.

ഒരു നേരം ഭക്ഷണം കഴിക്കാൻ സാഹചര്യം ഇല്ലാത്ത എത്രയോ ആളുകൾ നമ്മുടെ ചുറ്റിലുമുണ്ട് അവരെ ഓർക്കുമ്പോൾ നമ്മൾ അവരിൽ ഒരാൾ ആയിരുന്നെങ്കിൽ എന്താകുമായിരുന്നു നമ്മുടെ അവസ്ഥ എന്ന് ആലോചിച്ചുനോക്കിയിട്ടുണ്ടോ?.

ഇനിയെങ്കിലും നമ്മൾ കഴിക്കുന്ന ഭക്ഷണ പദാർത്ഥങ്ങൾ പാഴാക്കരുത്.ഓരോ ഭക്ഷണത്തിനും അതിന്റെതായ വിലയുണ്ട്.കണ്ണുള്ളപ്പോൾ കണ്ണിന്റെ വില അറിയില്ല എന്ന് പറയുന്നതുപോലെ.ഇന്ന് നമ്മൾക്ക് എല്ലാവിധ സുഖ സൗകര്യങ്ങളും ലഭ്യമാണ് നാളെ അതൊക്കെ ലഭിക്കും, ലഭിക്കണം എന്ന് വാശിപിടിച്ചാലും ഒരുപക്ഷെ കിട്ടണമെന്നില്ല.

ഇന്ന് തന്നെ നമ്മുടെ ഓരോരുത്തരുടെയും പ്രവർത്തനങ്ങൾ നമ്മുടെ അവസ്ഥകൾക്കു മാറ്റം ഉണ്ടാകുന്നതു ആകട്ടെ.ഏവർക്കും നല്ല അവസ്ഥകൾ കൈവരട്ടെ.