സ്നേഹസ്പർശനമായി കൺമുൻപിൽ:A spark of love to open your eyes-296

 296.വളർച്ച കൈവരിക്കുക.

നമ്മൾ ഓരോരുത്തരും നിത്യേന ഓരോ കാര്യത്തിലും വളർച്ച കൈവരിക്കാൻ ശ്രമിക്കുന്നവരാണ്. നമ്മളുടെ ഓരോരുത്തരുടെയും ശാരീരിക വളർച്ചയോടൊപ്പം വളരെ അധികം പ്രാധാന്യത്തോടെ നോക്കേണ്ടതാണ് മാനസികമായ വളർച്ചയും. വളർച്ച നേടേണ്ടത് എല്ലാ മനുഷ്യരുടെയും ആവശ്യമാണ്.

സമൂഹത്തിൽ ജീവിക്കുന്ന ഓരോ വ്യക്തിയുടെയും ജീവിതം വളർച്ച നേടേണ്ടതുണ്ട്.

എല്ലാവരും എല്ലാ കാര്യത്തിലും എല്ലാം തികഞ്ഞവർ അല്ലല്ലോ.അറിവുകൾ കുറഞ്ഞവരുണ്ടാകാം, അനുഭവങ്ങൾ കുറഞ്ഞവർ ഉണ്ടാകാം.

വളർച്ച ഉണ്ടാവണം എങ്കിൽ നമ്മുടെ ഉള്ളിൽ വളർച്ചക്ക് വേണ്ടിയുള്ള അതിയായ ആഗ്രഹങ്ങൾ ഉണ്ടാവണം.വെറുതെ ഇരുന്നാൽ ആരും തനിയെ വളർച്ച നേടുകയില്ലല്ലോ.നമ്മൾ വളരാൻ നമ്മൾ തന്നെ ആഗ്രഹിച്ചേ മതിയാകുള്ളൂ.ജീവിതത്തിൽ ആവശ്യമായ സന്തോഷം കണ്ടെത്താൻ നമ്മൾ ഓരോരുത്തരും ഇനിയുമെറെ വളർച്ച നേടേണ്ടതുണ്ട്.ശരിയായ അറിവുകൾ നമ്മളെ വളർച്ചക്ക് വളരെ അധികം സഹായിക്കും.

വളർച്ച തടസ്സപ്പെടാൻ പല കാരണങ്ങളും നമ്മുടെ കൺമുൻപിൽ പ്രത്യക്ഷപ്പെട്ടേക്കാം. വളർച്ചയെ ഇല്ലാതെയാക്കുന്ന കാര്യങ്ങളിൽ നിന്നും വിട്ടു നിൽക്കാൻ അതിയായ ശ്രദ്ധ നമ്മൾ ഓരോരുത്തരും കൊടുക്കേണ്ടതുണ്ട്.എല്ലാവർക്കും അവരവരുടെ ജീവിതത്തിൽ കൂടുതൽ വളർച്ച നേടാൻ വേണ്ട പരിശ്രമങ്ങൾ ഇനിയുള്ള കാലം ഉണ്ടാവട്ടെ.