സ്നേഹസ്പർശനമായി കൺമുൻപിൽ:A spark of love to open your eyes-293

 293.ലഭിക്കുക.

നല്ല സാധനങ്ങൾ വെറുതെ ലഭിച്ചാൽ വേണ്ട എന്ന് പറയുന്നത് ആരാണ്.ആരും തന്നെ വേണ്ട എന്ന് പറയാൻ മിക്കവാറും സാധ്യതയില്ല അല്ലേ.

ഓരോരുത്തർക്കും ഓരോ കാര്യങ്ങളും സമയത്തിന് ലഭിക്കേണ്ടത് വളരെ പ്രധാനപ്പെട്ട കാര്യമാണ്.നമ്മൾ ഓരോ ദിവസവും മുന്നോട്ട് പോകുന്നത് വളരെയേറെ പ്രതീക്ഷയോടെയാണ്.

ജീവിതത്തിൽ നമ്മൾക്ക് സന്തോഷം കിട്ടാൻ ഒരുപാട് കാര്യങ്ങൾ ചെയ്യേണ്ടതുണ്ട്, നമ്മൾക്കുണ്ടാകുന്ന ദുഃഖത്തിന്റെ കാരണം കണ്ടെത്തി ശരിയായ വിധത്തിൽ പരിഹരിച്ചാൽ മാത്രമേ ഒരുപക്ഷെ ആ വ്യക്തിക്ക് ദുഃഖത്തിൽ നിന്നും മോചനം കിട്ടുകയുള്ളു.

നഷ്ടപ്പെട്ടത് തിരികെ കിട്ടുമ്പോൾ ഒത്തിരി സന്തോഷിക്കാറുണ്ട് നമ്മളിൽ പലരും. ഒരിക്കലും തിരിച്ചു കിട്ടില്ല എന്നുറപ്പ് ഉള്ളതിനെ കുറിച്ചോർക്കുമ്പോൾ സങ്കടം ഉണ്ടാവുക സ്വാഭാവികമാണ്.

നമ്മൾക്ക് ഭാവിയിൽ ലഭിക്കേണ്ട കാര്യങ്ങളെപ്പറ്റി സ്വപ്നം കാണുക, അതിനുവേണ്ടി കഠിനമായി പരിശ്രമിച്ചുകൊണ്ടിരിക്കുക.നമ്മുടെ പ്രവർത്തി കൾ മൂലം മറ്റുള്ളവരെ ഒരിക്കൽ പോലും വേദനിപ്പിക്കാതിരിക്കുക. ഉള്ളത് കൊണ്ട് സന്തോഷിക്കാൻ നമ്മളോരോരുത്തരും പഠിക്കേ ണ്ടത് വളരെ ആവശ്യമാണ്. നമ്മളെകൊണ്ട് കഴിയുന്ന നന്മകൾ ചെയ്യുക.ജീവിതത്തിൽ എല്ലാവർക്കും എപ്പോഴും ആന്മാർത്ഥമായ പരിശ്രമത്തിലൂടെ നേട്ടങ്ങൾ സ്വന്തമാക്കികൊണ്ട് സന്തോഷിക്കാൻ സാധിക്കട്ടെ.