സ്നേഹസ്പർശനമായി കൺമുൻപിൽ:A spark of love to open your eyes-288

 288.മുന്നോട്ടുള്ള ജീവിതം വഴിയടയുമ്പോൾ.

പലവിധ സാഹചര്യങ്ങൾ മൂലം മുന്നോട്ട് എന്ത് ചെയ്യണം എന്ന് നിശ്ചയം ഇല്ലാത്ത ഒത്തിരി ആളുകളുണ്ട്.അധ്വാനിക്കാനുള്ള മനസ്സ് ഉണ്ടായാൽ മാർഗ്ഗവും ഉണ്ടാവും എന്നാണല്ലോ. നമ്മൾ ഓരോരുത്തരും ജീവിക്കുന്ന ചുറ്റുപാടുകൾ വ്യത്യാസമാണ്, നമ്മൾ ഓരോരുത്തർക്കും ഉണ്ടായിട്ടുള്ള അനുഭവങ്ങളും വ്യത്യാസമാണ്.

നമ്മൾ ഒരിക്കൽ പോലും പ്രതീക്ഷിക്കാത്ത സഹായങ്ങൾ നമ്മുടെ ചുറ്റിലും ഉള്ളവരിൽ നിന്നും നമ്മൾക്ക് പലപ്പോഴും ലഭിക്കാറുണ്ട്.

നമ്മുടെ മുൻപിൽ ഇതുവരെയുള്ള ജീവിതത്തിൽ ഒത്തിരി തവണ പല വാതിലുകളും അടഞ്ഞു കാണും.എങ്കിലും പ്രതിക്ഷ കൈവെടിയാതെ ഇരിക്കുക.നമ്മൾക്ക് നേടിയെടുക്കേണ്ട ലക്ഷ്യങ്ങൾ ക്കായി അഹോരാത്രം കഷ്ടപ്പെടുക.നമ്മുടെ ഓരോരുത്തരുടെയും പരിശ്രമങ്ങൾക്കിടയിൽ ഒരു പക്ഷെ പല തവണ പരാജയപ്പെടേണ്ടി വന്നേക്കാം.എങ്കിലും തളരാതെ മുന്നോട്ട് പോകുക.

ജീവിതത്തോടുള്ള നമ്മുടെ കാഴ്ചപ്പാട് എങ്ങനെ എന്നതിന് അനുസരിച്ചിരിക്കും നമ്മുടെ ഓരോരുത്തരുടെയും മുന്നോട്ടുള്ള ജീവിതം. ഈ ലോകത്ത് ജീവിക്കുന്ന ഏതൊരു മനുഷ്യനും ഏതെങ്കിലും തരത്തിലുള്ള പ്രയാസങ്ങൾ നേരിടേണ്ടവരാണ്,നേരിട്ടു കൊണ്ടിരിക്കുന്ന വരാണ്. എല്ലാവർക്കും മുന്നോട്ടുള്ള ജീവിതം വഴിയടയുമ്പോൾ മറ്റൊരു വഴി തുറന്നു കിട്ടും എന്നൊരു പ്രതീക്ഷയിൽ മുന്നോട്ട് പോകുവാൻ കഴിയട്ടെ.