ഉണർവിൻ പൊൻകിരണങ്ങൾ:The awakening golden rays-358

നമ്മുടെ നിത്യജീവിതത്തിൽ ഒരുപാട് നഷ്ടങ്ങൾ അനുഭവിക്കുമ്പോഴാണ് പലപ്പോഴും ഓരോ കാര്യവും എത്രത്തോളം സൂക്ഷിച്ചു പരിപാലിക്കേണ്ടതാണെന്നു തിരിച്ചറിയാൻ സാധിക്കുന്നത്.

എത്ര ചെറിയ കാര്യം ആയിക്കോട്ടെ അതിനെയെല്ലാം വേണ്ട രീതിയിൽ പരിഗണന കൊടുത്തില്ല എങ്കിൽ നമ്മളിൽ നിന്നും എന്നന്നേക്കുമായി നഷ്ടം ആയേക്കാം.

ഒരുപാട് ആളുകൾ അവരുടെ സങ്കടത്തിന് പ്രധാനമായ കാരണം ആയിട്ട് പറയുന്നത് പല കാര്യത്തിലും സൂക്ഷിച്ചു പരിപാലിക്കാൻ കഴിഞ്ഞില്ല എന്നതിനെപറ്റിയാണ്.

വില നൽകേണ്ടതിന് വില നൽകിയില്ല എങ്കിൽ ഒരുപാട് നഷ്ടം പിന്നിട് എപ്പോഴെങ്കിലും ഉണ്ടായേക്കാം.

നമ്മളിൽ പലരും ഒരുപക്ഷെ ഭക്ഷണം പാഴാക്കിയുണ്ടാകാം, അന്ന് നമ്മൾ പാഴാക്കിയ നല്ല ഭക്ഷണം ഒരുപക്ഷെ അർഹിക്കുന്നവർക്ക് നൽകിയിരുന്നുവെങ്കിൽ അതുകൊണ്ട് എന്തെങ്കിലും പ്രയോജനം ആർക്കെങ്കിലും ഉണ്ടാകുമായിരുന്നു.പട്ടിണി അനുഭവിക്കുന്നവർക്ക് അറിയാം അതിന്റെ ബുദ്ധിമുട്ട് എത്രത്തോളം ആണെന്ന്.

ഇന്ന് നമ്മുടെ ജീവിതത്തിൽ ഉണ്ടായിട്ടുള്ള നഷ്ടം, നമ്മൾക്ക് നാളെകളിൽ ശരിയായ വിധത്തിൽ മുന്നോട്ട് പോകാൻ വേണ്ട തിരിച്ചറിവ് നൽകട്ടെ.

നമ്മൾ ഉപയോഗിക്കുന്ന എന്തു കാര്യവും സൂക്ഷിച്ചു പരിപാലിക്കേണ്ടതുണ്ട്, ഇല്ലെങ്കിൽ നാളെകളിൽ നമ്മൾ അതുമൂലം ഉണ്ടാവുന്ന നഷ്ടങ്ങളെ ഒരുപക്ഷെ നേരിടേണ്ടി വന്നേക്കാം.

നമ്മുടെ ജീവിതത്തിൽ ഉണ്ടായ നഷ്ടം എല്ലാം തന്നെ നമ്മൾ എത്ര വിചാരിച്ചാലും ഒരുപക്ഷെ നികത്താൻ സാധിച്ചെന്ന് വരില്ല.

നഷ്ടം നമ്മൾക്ക് നേരിടേണ്ടി വരുമ്പോൾ സങ്കടം ഉണ്ടാവും എന്നത് സ്വാഭാവികമാണ്, ആ നിമിഷം ദുഖിച്ചു തളർന്നിരിക്കാതെ മുന്നോട്ടുള്ള വഴി കണ്ടെത്താൻ ശ്രമിക്കേണ്ടതുണ്ട്.

 

നാളിതുവരെയായി നമ്മൾക്കുണ്ടായ നഷ്ടം മനസ്സിലാക്കി, ഭാവിയിൽ കൂടുതൽ നഷ്ടം ഉണ്ടാവാതിരിക്കാൻ വേണ്ട മുൻകരുതൽ മുന്നോട്ടു സ്വീകരിക്കാൻ നമ്മൾ ഓരോരുത്തരും ആത്മാർഥമായി ശ്രമിക്കേണ്ടതുണ്ട്.

നഷ്ടങ്ങൾ നമ്മളെ ചിലപ്പോഴൊക്കെ വളരെയേറെ വേദനിപ്പിച്ചേക്കാം. നഷ്ടം എങ്ങനെ ഇനിയുള്ള കാലം കൊണ്ടു മാറ്റിയെടുക്കാൻ കഴിയും എന്നാണ് ആലോചിക്കേണ്ടത്.നെഗറ്റീവ് ചിന്തകളെ ഒഴിവാക്കികൊണ്ട്, നമ്മളെകൊണ്ടു നേട്ടങ്ങൾ കൈവരിക്കാൻ കഴിയുമെന്നുള്ള ഉറച്ച വിശ്വാസത്തിൽ മുന്നോട്ടു പോകുവാൻ സാധിക്കട്ടെ.

സങ്കടങ്ങളുടെയും നഷ്ടങ്ങളുടെയും കാലത്തിനു അപ്പുറം സന്തോഷത്തിന്റെയും നേട്ടങ്ങളുടെയും അവസരം നമ്മൾക്കുണ്ടെന്ന് ഉറച്ചു വിശ്വാസിച്ചുകൊണ്ട് മുന്നോട്ടു പോകുവാൻ കഴിയട്ടെ.

മറ്റുള്ളവരെ വഞ്ചിച്ചും കബളിപ്പിച്ചും നേടുന്നതെല്ലാം ഒരിക്കൽ നഷ്ടപ്പെടുക തന്നെ ചെയ്യും. നമ്മളുടെ പ്രവർത്തികൾ കാരണം ഒരാളുടെയും കണ്ണുകൾ നനയാതിരിക്കട്ടെ.

നമ്മൾ ഈ ലോകത്തിലേക്ക് ചുറ്റുമൊന്ന് കണ്ണോടിച്ചു നോക്കിയാൽ ലോകത്തിൽ ഉള്ള ഓരോ മനുഷ്യരിലും നഷ്ടം സംഭവിച്ചിട്ടുള്ളത് കാണാൻ കഴിയും.

നമ്മൾക്ക് കിട്ടിക്കൊണ്ടിരിക്കുന്ന ഈ സമയം തന്നെ നമ്മൾക്ക് തൊട്ടടുത്ത സെക്കൻഡിൽ നഷ്ടപ്പെടുകയാണ്, ഒന്ന് നഷ്ടപ്പെട്ടെങ്കിലെ മറ്റൊന്ന് നേടാൻ കഴിയു.

നമ്മുടെ വളർച്ചയുടെ ഭാഗമായിട്ട് നമ്മൾക്ക് നഷ്ടം ഉണ്ടാവേണ്ടതുണ്ട്.കുഞ്ഞു ആയിരുന്നപ്പോൾ ഉണ്ടായിരുന്നപ്പോൾ ഉള്ള പല്ല് അല്ല, വലിയ പ്രായം ആയപ്പോൾ നമ്മൾക്കു ഉണ്ടായത്, വളരെ മുതിർന്ന പ്രായം ആകുമ്പോൾ പല്ലുകൾ നഷ്ടപ്പെടാൻ തുടങ്ങും അതു അങ്ങനെ സമയം ആകുമ്പോൾ സംഭവിക്കേണ്ടതാണ്.

ശരീരത്തിൽ നിന്നും ഓരോ അവയവങ്ങളുടെ ശരിയായ പ്രവർത്തനഫലമായി ഓരോന്നും നഷ്ടപ്പെടേണ്ടതുണ്ട്, എങ്കിലേ മുന്നോട്ട് സുഗമമായി ശാരീരിക പ്രവർത്തനം തുടരാൻ സാധിക്കുള്ളു.

നമ്മൾക്ക് ഉണ്ടാകുന്ന നഷ്ടം ചിലപ്പോഴൊക്കെ നമ്മൾക്ക് നിയന്ത്രിച്ചു നിർത്താൻ സാധിച്ചെന്നു വരില്ല. പ്രകൃതി ദുരന്തം വഴി ഉണ്ടാകുന്ന നഷ്ടം ആർക്കും തടഞ്ഞു നിർത്താൻ സാധിക്കില്ലല്ലോ.

ലോകം നമ്മളെ പഠിപ്പിക്കുന്ന വലിയൊരു പാഠം ഈ ലോകത്തിൽ ഒന്നും എക്കാലവും നിലനിൽക്കില്ല എന്ന സത്യമാണ്. നമ്മൾ ഈ ഭൂമിയിൽ ജീവിച്ചിരിക്കും എന്ന് ആർക്കും ഉറപ്പു പറയാൻ സാധിക്കില്ലല്ലോ. ഈ ലോകത്തിൽ ഒരിക്കൽ സംഭവിക്കും എന്നു ഉറപ്പുള്ളത് നമ്മൾ ഈ ലോകത്തിൽ നിന്നും ഒരുനാൾ വിട പറയും എന്ന കാര്യത്തിലാണ്.നമ്മൾ സ്വന്തം എന്ന് കരുതിയതെല്ലാം നമ്മൾക്ക് എന്നന്നേക്കുമായി നഷ്ടം ആകുന്ന നിമിഷം.

മരണം ഒരു സത്യമാണ്, നമ്മൾ ഓരോ ദിവസവും കടന്നു പോകുമ്പോൾ ആ ദിവസത്തിലേക്ക് കൂടുതൽ അടുത്തുകൊണ്ടിരിക്കുകയാണ്.

 ജീവിതം എത്രയേറെ വിലപ്പെട്ടതാണെന്ന് നമ്മൾ ഇനിയെങ്കിലും മനസിലാക്കുക.

നമ്മൾ ഇന്നിവിടെ വരെ എത്തിയെങ്കിൽ നമ്മൾക്കുവേണ്ടി അധ്വാനിച്ച ഒത്തിരിയേറെ മനുഷ്യരുണ്ടെന്ന് മറക്കരുത്.അവരുടെയൊക്കെ വിലപ്പെട്ട സമയം നമ്മൾക്കുവേണ്ടി മാറ്റിവെച്ചു, അവർ ഒരിക്കലും അതൊന്നും നഷ്ടം ആണെന്ന് കരുതിയല്ല ചെയ്യുന്നത്.

നമ്മൾ ചെയ്യുന്ന എന്തുകാര്യവും നാളെ നഷ്ടപ്പെടില്ല എന്ന് ആർക്ക് ഉറപ്പ് പറയാൻ കഴിയും.

പണം,മാനം,ആരോഗ്യം എന്നിങ്ങനെ പലതും പല അവസരങ്ങളിലായി നമ്മുടെ ജീവിതത്തിൽ നഷ്ടം ആയെന്ന് വരാം.

കള്ളപ്രചരണം നടത്തികൊണ്ടു പലരുടെയും ജീവിതത്തിൽ മാനക്കേട് വരുത്തിയ ഒരുപാട് സംഭവങ്ങൾ ഈ ലോകത്തുണ്ടായിട്ടുണ്ട്, സത്യം തെളിയുന്നതുവരെ അവർ അനുഭവിച്ച വേദനകൾ എത്ര ഭയാനകം ആയിരിക്കാം.

നമ്മളെക്കാൾ നഷ്ടം ജീവിതത്തിൽ അനുഭവിക്കുന്ന ഒത്തിരിയേറെ മനുഷ്യരെ നമ്മുടെ ചുറ്റുപാടും നോക്കിയാൽ കാണാൻ കഴിയും.

ഓരോ ആളുകൾക്കും അവരവരുടേതായ നഷ്ടം ഉണ്ട്.അവരവരുടെ ജീവിതത്തിൽ ഉണ്ടാകുന്ന പല നഷ്ടങ്ങളും അവരവർക്ക് അല്ലാതെ മറ്റൊരാളുമായി പങ്കിടാൻ സാധിച്ചെന്നു വരില്ല.

നഷ്ടങ്ങൾ മറക്കാൻ, ദുഃഖങ്ങൾ മാറാൻ നമ്മൾ മുന്നോട്ടു സ്വീകരിക്കേണ്ടത് ശരിയായ മാർഗങ്ങൾ ആയിരിക്കണം, തെറ്റായ മാർഗങ്ങൾ നമ്മുടെ ജീവിതത്തെ കൂടുതൽ പരിതാപകരമായ അവസ്ഥയിൽ കൊണ്ടെത്തിച്ചേക്കാം.

പലരെയും സഹായിച്ചത് വഴി ഒത്തിരി നഷ്ടം അനുഭവിക്കേണ്ടി വന്ന മനുഷ്യരുണ്ട്.തിരിച്ചു കിട്ടും എന്നുള്ള പ്രതീക്ഷയിൽ നൽകിയ സഹായം, പിന്നിട് തിരികെ ചോദിക്കുമ്പോൾ ധിക്കാരവും മറ്റുമായി നൽകാതെ വളരെയേറെ സങ്കടത്തിൽ ആയ മനുഷ്യരുണ്ട്. 

അവർക്ക് ഉണ്ടായ അനുഭവം അവരെ പിന്നിട് ധിരമായ തീരുമാനം എടുക്കാൻ കാരണമായി, അവർ മുന്നിട്ടിറങ്ങിയാൽ മാത്രമേ അവർക്ക് ഉണ്ടായ നഷ്ടം തിരികെ എടുക്കാൻ സാധിക്കുകയുള്ളു.

ഒത്തിരി ആളുകൾ നഷ്ടം ആയത് ചെറുതല്ലെ സാരമില്ല എന്ന രീതിയിൽ തള്ളിക്കളയും, മറ്റു ചിലർ ചെറുതായാലും നഷ്ടം ആക്കാതെ പരമാവധി നോക്കും.

നഷ്ടം ഉണ്ടായത്, നഷ്ടത്തിന് കാരണക്കാരായവരിൽ നിന്നും ഈടാക്കാൻ ഒരുപക്ഷെ വലിയൊരു കാലയളവ് നിയമപോരാട്ടം തന്നെ വേണ്ടി വന്നേക്കാം.

നമ്മൾ ചെയ്യുന്ന ഓരോ കാര്യവും സൂക്ഷിച്ചു പരിപാലിക്കേണ്ടതുണ്ട്. എല്ലാവർക്കും നഷ്ടം സംഭവിക്കാതിരിക്കാൻ ചെയ്യുന്ന ഓരോ കാര്യത്തിലും വേണ്ടത്ര ശ്രദ്ധ നൽകാൻ സാധിക്കട്ടെ.