ഉണർവിൻ പൊൻകിരണങ്ങൾ:The awakening golden rays-342

നമ്മളിൽ പലർക്കും ഒരുപക്ഷെ ജീവിതത്തിലെ സാഹചര്യങ്ങൾ നിമിത്തം സന്തോഷം കണ്ടെത്താൻ സാധിക്കാറില്ല.

പരിമിതികൾ എത്ര ഉണ്ടെങ്കിൽ പോലും അതൊന്നും സന്തോഷിക്കുന്നതിനു ഒരിക്കലും തടസ്സമല്ലല്ലോ.

നമ്മൾക്ക് സന്തോഷം ലഭിക്കണം എങ്കിൽ സന്തോഷത്തിനായി ആത്മാർഥമായി ആഗ്രഹിക്കുകയും പ്രവർത്തിക്കുകയും ചെയ്യേണ്ടതുണ്ട്.

ആകുലതകൾ നിറഞ്ഞ നിമിഷങ്ങളിൽ പലപ്പോഴും സന്തോഷം കണ്ടെത്താൻ നമ്മളിൽ ആർക്കും തന്നെ ഒരുപക്ഷെ കഴിയത്തില്ല.

ഏതൊരു സന്തോഷം ആയാൽ പോലും അതിന് നിശ്ചിതസമയമുണ്ട്.എല്ലാ സന്തോഷവും ഏറെകാലം നമ്മൾക്ക് അനുഭവിക്കാൻ സാധിക്കണമെന്നില്ല.

നമ്മുടെ എല്ലാ സന്തോഷവും നമ്മളോടൊപ്പം എന്നും കൂടെയുണ്ടാകണമെന്ന് യാതൊരു നിർബന്ധവും ഇല്ലല്ലോ.

സന്തോഷം മാറി പകരം ദുഃഖം കടന്നുവരാനും, ദുഃഖം മാറി പകരം സന്തോഷം കടന്നു വരാനും നമ്മൾ ആർക്കും തന്നെ അധികസമയം വേണമെന്നില്ല.

പലപ്പോഴും നമ്മൾ നേരിടുന്ന ദുഃഖങ്ങളെ ശരിയായ വിധത്തിൽ കൈകാര്യം ചെയ്തെങ്കിൽ മാത്രമേ സന്തോഷിക്കാൻ സാധിക്കുകയുള്ളു.

നമ്മൾ ഓരോരുത്തർക്കും സന്തോഷിക്കാനായിട്ട് ജീവിതത്തിൽ എന്തെങ്കിലും നേട്ടങ്ങൾ ഉണ്ടാകേണ്ടതുണ്ട്.

സങ്കടം വന്നാൽ കരയും സന്തോഷം വന്നാൽ ചിരിക്കും. സന്തോഷം വന്നാൽ സന്തോഷം കൊണ്ടു കരയുന്നവരും ഉണ്ടായേക്കാം.

ഇന്നിന്റെ ദുഃഖങ്ങളാണ് നാളെകളിൽ നമ്മൾ ഓരോരുത്തർക്കും സന്തോഷിക്കാൻ ആത്മാർത്ഥമായ പരിശ്രമത്തിനായി പ്രചോദനം നൽകുന്നത്.

സന്തോഷം ആയാലും ദുഃഖം ആയാലും ഒരു പരിധിവിട്ടുപോകാതെ ശ്രദ്ധിക്കേണ്ടതുണ്ട്.

ദുഃഖം അധികമായാൽ നിരാശകൾ കടന്നുകൂടി നമ്മുടെ മുന്നോട്ടുള്ള ജീവിതത്തെ സാരമായി തന്നെ ഒരുപക്ഷെ ബാധിച്ചേക്കാം.

നമ്മൾക്ക് ചുറ്റിലും സന്തോഷിക്കാൻ ധാരാളം കാരണങ്ങൾ ഉണ്ടെങ്കിൽ കൂടിയും നമ്മളിൽ പലരും ദുഃഖത്തെ അതിജീവിക്കാൻ ശ്രമിക്കാതിരിക്കുകയായിരിക്കും പലപ്പോഴും ഒരുപക്ഷെ ചെയ്യുക.ദുഃഖത്തിന്റെ കാഠിന്യം കാരണം പലപ്പോഴും സന്തോഷത്തിനുള്ള വഴികൾ ഒരുപക്ഷെ നമ്മുടെ മുന്നിൽ തെളിയാതെ വന്നേക്കാം.

നഷ്ടപ്പെടലുകളാണ് പലപ്പോഴും എല്ലാവർക്കും ദുഃഖത്തിന് കാരണം ആയിതിരുക. നേട്ടങ്ങളാണ് പലപ്പോഴും എല്ലാവർക്കും സന്തോഷത്തിനു കാരണം ആയിതിരുക.

എല്ലാവരുടെയും ജീവിതത്തിൽ ദുഃഖത്തിന്റെയും സന്തോഷത്തിന്റെയും ധാരാളം അവസരങ്ങൾ നാളിതുവരെയായിട്ട് കടന്നു വന്നിട്ടുണ്ടാവും ഒരുപക്ഷെ.

നമ്മളിലെ ദുഃഖങ്ങളെ നിയന്ത്രിച്ചുകൊണ്ട് സന്തോഷത്തിനുവേണ്ടി ആത്മാർത്ഥതയോടെ പ്രവർത്തിക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.

നമ്മൾ എന്തുകാര്യവും ചെയ്താലും അതെല്ലാം ഒരുപക്ഷെ എളുപ്പം വിജയം നേടണമെന്നില്ല, മറ്റുള്ളവരിൽ നിന്നും വേണ്ടത്ര പിന്തുണ ഒരുപക്ഷെ എല്ലായ്പോഴും കിട്ടണമെന്നുമില്ല, അതോർത്തു ഒരിക്കലും സങ്കടപ്പെടാനോ തളരാനോ പാടില്ല.

നമ്മൾക്ക് സന്തോഷം വേണമെങ്കിൽ നമ്മൾ തന്നെ വിചാരിക്കേണ്ടതുണ്ട്, പ്രവർത്തിക്കേണ്ടതുണ്ട്.

മറ്റുള്ളവരിൽ നിന്നും കളിയാക്കലുകളും വിമർശനങ്ങളും കുറ്റപ്പെടുത്തലുകളും കേൾക്കേണ്ടി വരുമ്പോൾ അതെല്ലാം ഓർത്തു വേണമെങ്കിൽ നമ്മൾക്ക് ദുഃഖിച്ചിരിക്കാം അതല്ല എങ്കിൽ അവയെ അവഗണിച്ചുകൊണ്ട് മുന്നോട്ട് നേട്ടത്തിനായി നമ്മൾ ഓരോരുത്തർക്കും ശ്രമിക്കാം, എല്ലാം നമ്മളുടെ ഓരോരുത്തരുടെയും തീരുമാനമാണ്.

സ്വന്തം ജീവിതത്തിൽ ദുഃഖിക്കാൻ വളരെയേറെ കാരണങ്ങൾ ഉണ്ടായിട്ടും അതെല്ലാം സന്തോഷത്തോടെ സ്വീകരിച്ച ഒത്തിരി വ്യക്തികൾ ഈ ലോകത്തുണ്ട്.അവർ നേരിട്ട വേദനകൾ അവർക്ക് നൽകിയ കരുത്ത്‌ വളരെയധികമാണ്.

നമ്മളിൽ പലർക്കും നിസ്സാരകാരണം മതി ഒരുപക്ഷെ തളർന്നിരിക്കാൻ.നമ്മൾ ഓരോരുത്തരും നിഷ്ക്രിയരായാൽ ദുഃഖത്തിന്റെ അളവ് കൂടുക അല്ലാതെ ഒരിക്കലും കുറയുകയില്ലല്ലോ.

ദുഃഖം ഉണ്ടാവുമ്പോൾ അതെല്ലാം ഇല്ലാതെയാക്കാൻ നമ്മൾ ഒരിക്കലും തെറ്റായ വഴികളെ ആശ്രയിക്കരുത്. തെറ്റായ വഴികൾ ഒരിക്കലും ജീവിതത്തിൽ നമ്മൾ ആർക്കും തന്നെ സന്തോഷം കൊണ്ടുവന്നുതരില്ല.

ഒരാൾക്ക് ഉണ്ടാകുന്ന സന്തോഷം മറ്റുള്ളവർക്ക് ദുഃഖത്തിന് കാരണം ആയേക്കാം, അതുപോലെ ഒരാൾക്ക് ഉണ്ടാകുന്ന ദുഃഖം മറ്റുള്ളവർക്ക് സന്തോഷത്തിനു കാരണമായേക്കാം.

മറ്റുള്ളവരുടെ ജീവിതത്തിൽ സന്തോഷം നൽകാൻ നമ്മളുടെ ഭാഗത്തുനിന്നുള്ള നേരായ പ്രവർത്തനങ്ങൾകൊണ്ടാകണം.

നമ്മുടെ ഭാഗത്തുനിന്നുള്ള ശ്രദ്ധക്കുറവുകൊണ്ട് മറ്റുള്ളവർക്ക് ദുഃഖത്തിന് കാരണമാകാതിരിക്കാൻ വളരെയേറെ ശ്രദ്ധിക്കേണ്ടതുണ്ട്.

എല്ലാ കാര്യത്തിലും എല്ലാവർക്കും നേട്ടങ്ങൾ സ്വന്തമാക്കാൻ കഴിഞ്ഞെന്ന് വരില്ല, അന്നേരമെല്ലാം സ്വഭാവികമായി ദുഃഖം കടന്നുവന്നേക്കാം, അതെല്ലാം ഓർത്തോർത്തു വിഷമിച്ചിരിക്കാതെ മുന്നോട്ടു ശ്രമിച്ചെങ്കിൽ മാത്രമേ മുന്നോട്ട് സന്തോഷം കണ്ടെത്താൻ കഴിയുകയുള്ളു.

എല്ലാവർക്കും അവരവരുടെ, ചുറ്റിലുമുള്ളവരുടെ ജീവിതത്തിൽ സന്തോഷം കണ്ടെത്താൻ നേരായ വഴികൾ കണ്ടെത്തി മുന്നോട്ടു സഞ്ചാരിക്കാൻ എല്ലായ്പോഴും സാധിക്കട്ടെ.