ഉണർവിൻ പൊൻകിരണങ്ങൾ:The awakening golden rays-341

നമ്മൾ ചെയ്യുന്ന ഓരോ കാര്യത്തിലും സത്യസന്ധത പാലിക്കേണ്ടതുണ്ട്.

സത്യസന്ധത നമ്മുടെ ജീവിതത്തിൽ നിന്നും കൈമോശം വന്നുപോകാൻ ഇടവരരുത്.

സത്യസന്ധതയോടെയുള്ള പ്രവർത്തി നമ്മളിൽ ആന്മസംതൃപ്തി നിറയ്ക്കും.

സത്യസന്ധമല്ലാത്ത പ്രവർത്തി ആരുടെ ഭാഗത്തുനിന്നായാലും ആർക്കും ഒരുപക്ഷെ ഇഷ്ടപ്പെടണം എന്നില്ലല്ലോ.

സത്യസന്ധത നമ്മുടെയൊക്കെ ജീവിതത്തിൽ പാലിക്കേണ്ടതിന്റെ ആവശ്യകത നമ്മൾ ഓരോരുത്തരും ഇനിയെങ്കിലും മനസ്സിലാക്കേണ്ടിയിരിക്കുന്നു.

ചില സമയങ്ങളിൽ സത്യസന്ധതക്ക് യാതൊരു വിലയുമില്ലായെന്നൊക്കെ തോന്നിയേക്കാം, പലരും നമ്മളോട് പറഞ്ഞേക്കാം.

സത്യസന്ധതയോടെയുള്ള പ്രവർത്തികൾ മാത്രമേ കാലം എത്ര കഴിഞ്ഞാലും വിജയിക്കുകയുള്ളു, നില നിൽക്കുകയുള്ളു.

സത്യസന്ധത എന്ന് നമ്മളിൽ നിന്നും അകലാൻ തുടങ്ങുന്നുവോ അന്ന് തൊട്ട് നമ്മൾ വിജയത്തിൽ നിന്നും അകന്നുകൊണ്ടിരിക്കുകയാണ്.

സത്യസന്ധമല്ലാത്ത പ്രവർത്തികൾ ഏത് നിമിഷവും തകർന്നടിയാം.

നമ്മളിൽ നിന്നും സത്യസന്ധമായ പ്രവർത്തികൾ ഉണ്ടെങ്കിൽ മാത്രമേ മറ്റുള്ളവരിൽ നിന്നും ഒരുപക്ഷെ നമ്മൾക്ക് തിരിച്ചും സത്യസന്ധമായ പ്രവർത്തികൾ ലഭിക്കുകയുള്ളു.

സത്യസന്ധമല്ലാത്ത പ്രവർത്തികൾ ആരുടെ ഭാഗത്തു നിന്നുണ്ടായാലും അതിന്റെ പരിണിതഫലം അനുഭവിക്കേണ്ടി വരുന്നവർക്ക് ഒരുപക്ഷെ വളരെയേറെ വിഷമം ഉളവാക്കുന്ന കാര്യമാണ്.

താത്കാലിക നേട്ടത്തിന് വേണ്ടി സത്യസന്ധത കൈവെടിഞ്ഞാൽ ഒരുപക്ഷെ പിന്നീട് അതോർത്തു വളരെയേറെ വിഷമം അനുഭവിക്കേണ്ടി വന്നേക്കാം.

സത്യസന്ധത ആർക്കും ജന്മനാ കിട്ടുന്നത് അല്ലല്ലോ. മറ്റുള്ളവരിൽ നിന്നും കണ്ടും കേട്ടും അനുഭവിച്ചറിഞ്ഞും പഠിക്കുന്നതാണല്ലോ.

സത്യസന്ധമായ പ്രവർത്തികൾ ഒരുപക്ഷെ നാളെകളിൽ ആയിരിക്കും യഥാർത്ഥ ഫലം തരിക.

സ്വാർത്ഥ ലാഭത്തിന് വേണ്ടി സത്യസന്ധതയെ നമ്മുടെയൊക്കെ ജീവിതത്തിൽ നിന്നും ഒരു കാരണവശാലും ഒഴിവാക്കാതിരിക്കുക.

സത്യസന്ധമായ പ്രവർത്തിയും സത്യസന്ധമല്ലാത്ത പ്രവർത്തിയും തമ്മിൽ തിരിച്ചറിയാൻ വളരെയേറെ പ്രയാസമൊന്നും പലപ്പോഴും ഒരുപക്ഷെ ഉണ്ടാവാറില്ല. സത്യസന്ധമല്ലാത്ത പ്രവർത്തികൾക്ക് അധികം ആയുസ്സ് ഉണ്ടാകില്ല.

സത്യസന്ധമല്ലാത്ത പ്രവർത്തികൾ ഒഴിവാക്കികൊണ്ട് സത്യസന്ധമായി പ്രവർത്തിക്കാൻ നമ്മൾ ഓരോരുത്തർക്കും സാധിക്കട്ടെ.