ഉണർവിൻ പൊൻകിരണങ്ങൾ:The awakening golden rays-278

നമ്മൾക്ക് വേണ്ടപ്പെട്ട പലതും നഷ്ടപ്പെടുമ്പോൾ മുൻപോട്ട് പോകാൻ  നമ്മളിൽ പലർക്കും പല സാഹചര്യത്തിലും ഒന്നുമില്ലാത്ത അവസ്ഥ ഒരുപക്ഷെ വന്നേക്കാം .

സാമ്പത്തികമായി ഒന്നും ഇല്ലാതിരുന്നിട്ടും ആന്മവിശ്വാസത്തിൽ മാത്രം മുന്നോട്ട് പോയിട്ടുള്ള എത്ര വ്യക്തികളാണ് നമ്മുടെ കൺമുൻപിലുള്ളത്.

ജീവിതത്തിൽ ഒന്നും ഇല്ലാത്ത അവസ്ഥകളിൽ നമ്മൾ ഒരുപക്ഷെ പലപ്പോഴും എത്തിപ്പെടാറുണ്ട്.

ജീവിതം പലപ്പോഴും നമ്മൾ ആഗ്രഹിക്കുന്നതുപോലെ തന്നെ മുന്നോട്ട് പോകണം എന്നില്ലല്ലോ.

അതിസമ്പന്നതയിൽ ജീവിച്ച വ്യക്തികൾക്ക് സാമ്പത്തിക തകർച്ചകൾ നേരിട്ടു ഒടുവിൽ ഒന്നും ഇല്ലാത്ത അവസ്ഥകൾ നേരിടേണ്ടി വന്നിട്ടുണ്ട്.

ഈ ലോകത്തിൽ നമ്മൾ നേടിയതൊക്കെയും ഇവിടെ തന്നെ ഉപേക്ഷിച്ചു പോകേണ്ടവരാണ് നമ്മൾ.

നിലവിലെ സാഹചര്യത്തിൽ മുന്നോട്ട് പോകാൻ പറ്റാതെ ആകുമ്പോൾ നമ്മൾ പല വഴികൾ തേടും. നമ്മുടെ ഏറ്റവും വലിയ ആവശ്യം എന്ന് പറയുന്നത് ശരീരത്തിന്റെ വിശപ്പടക്കുക എന്നതാണല്ലോ.

മുന്നോട്ട് പോകാനുള്ള നേരായ വഴി കാണാൻ നമ്മൾ ആന്മാർഥമായി ശ്രമിക്കേണ്ടിയിരിക്കുന്നു, അതിന് നമ്മൾക്ക് ദൃഢമായ ആന്മവിശ്വാസം ഉണ്ടാകേണ്ടതുണ്ട്.

മുന്നോട്ട് പോകാൻ ഒത്തിരി തടസ്സം ഉണ്ടായിട്ടും അതൊന്നും വകവെക്കാതെ പലരും മുന്നോട്ടു പോകാൻ ശ്രമിച്ചതുകൊണ്ടാണ് പല നേട്ടങ്ങളും അവരിൽ പലർക്കും നേടാൻ സാധിച്ചിട്ടുള്ളത്.

ഇന്ന് നമ്മൾ ഓരോരുത്തരും മുന്നോട്ട് പോയികൊണ്ടിരിക്കുന്നത് ഒരുപക്ഷെ ആവശ്യത്തിന് പണവും സ്നേഹവും സഹായവും പരിചരണങ്ങളും കിട്ടുന്നത് കൊണ്ടായിരിക്കാം.ഇതെല്ലാം നഷ്ടപ്പെടുമ്പോൾ മനുഷ്യർക്ക് ഒറ്റപ്പെടൽ അനുഭവപ്പെടാൻ ഒരുപക്ഷെ സാധ്യതയുണ്ട്.

മുന്നോട്ട് പോകാൻ ഒന്നുമില്ലാത്ത അവസ്ഥകൾ ഒത്തിരി ആളുകളുടെ ജീവിതത്തിൽ ഉണ്ടായിട്ടുണ്ട്, അവരൊക്കെ അതിനെ ധിരമായി നേരിട്ട് മുന്നോട്ട് പോയി.

ഇന്നിന്റെ മോശമായ അവസ്ഥകൾക്ക് മാറ്റങ്ങൾ സംഭവിക്കും, ഈ സമയവും കടന്നുപോകും എന്ന് പ്രത്യാശിക്കാം.

നമ്മൾക്ക് മുന്നോട്ട് പോകാൻ വേണ്ടത് എന്തെല്ലാമാണ് എന്ന് തിരിച്ചറിയുക.

നേട്ടത്തിനായി നിരന്തരം ശ്രമിക്കുക. നമ്മൾക്ക് പകരം ആകാൻ ഈ ലോകത്തിൽ മറ്റാർക്കും കഴിയില്ല എന്ന് തിരിച്ചറിയുക.നമ്മളിൽ ഒരുപാട് കുറവുകൾ ഉണ്ടായെന്നു വരാം നിരന്തരശ്രമം വഴിയായി നമ്മളിലെ പോരായ്മകൾ നികത്താൻ ശ്രമിച്ചുകൊണ്ടിരിക്കുക.

ഈ ലോകത്തുള്ള ഓരോ മനുഷ്യരും വ്യത്യാസ്തരാണ്, ലോകത്തിൽ നന്മകൾ നിലനിൽക്കുന്നിടത്തോളം കാലം നമ്മൾ ഓരോരുത്തർക്കും മുന്നോട്ടുള്ള നേരായ വഴികൾ ഒത്തിരി ഉണ്ടാകും.

നമ്മൾ എല്ലാവർക്കും നിരാശയിൽ നിന്നും പ്രത്യാശയോടെ മുന്നോട്ട് പോകുവാൻ ഓരോ നിമിഷവും സാധിക്കട്ടെ.