ഉണർവിൻ പൊൻകിരണങ്ങൾ:The awakening golden rays-264

പല സാഹചര്യത്തിലും നമ്മളിൽ പലർക്കും പലതരത്തിലുള്ള ബുദ്ധിമുട്ട് നേരിടേണ്ടി വരാറുണ്ട്.

ബുദ്ധിമുട്ട് ആരുടെയും ജീവിതത്തിൽ എപ്പോൾ വേണമെങ്കിലും കടന്നുവരാം. പലരും അവരുടെ ജീവിതത്തിൽ നേരിട്ടുകൊണ്ടിരിക്കുന്ന ബുദ്ധിമുട്ടുകൾക്കു മുൻപിൽ തുടക്കസമയത്തു നല്ലതുപോലെ വേദന അനുഭവിച്ചെങ്കിലും പിന്നീട് അവർക്ക് അതെല്ലാം വളരെയധികം മുന്നോട്ടു ധൈര്യമായി സഞ്ചരിക്കാൻ കരുത്തു നൽകി.

നമ്മൾ നേരിട്ടുകൊണ്ടിരിക്കുന്ന ബുദ്ധിമുട്ടുകളെ തരണം ചെയ്യാൻ മനസ്സിനെ പാകപ്പെടുത്തുക, നല്ല അറിവുകൾ നേടുക. 

തൊഴിൽ ഇല്ലാത്തതിന്റെ ബുദ്ധിമുട്ട്, സാമ്പത്തികം ഇല്ലാത്തതിന്റെ ബുദ്ധിമുട്ട്, അങ്ങനെ തുടങ്ങി ഒട്ടനവധി ബുദ്ധിമുട്ടുകളാണ് ഓരോ മനുഷ്യരും അവരവരുടെ ജീവിതകാലത്തു നേരിടേണ്ടി വരുന്നത്.

ഒരാൾക്ക് ബുദ്ധിമുട്ട് ഉണ്ടാകുമ്പോൾ ആശ്വസിപ്പിക്കാനും ഉപദേശിക്കാനും എളുപ്പം ആയിരിക്കുമെങ്കിലും ബുദ്ധിമുട്ട് ഉണ്ടായ വ്യക്തിയുടെ വേദന, ആ വ്യക്തിക്ക് മാത്രമേ അറിയുള്ളു.

ബുദ്ധിമുട്ട് നേരിടാതെ പലതും നേടിയെടുക്കാൻ നമ്മളിൽ പലർക്കും ഒരുപക്ഷെ സാധിക്കില്ല.

നമ്മൾ ചെയ്യുന്ന ചില കാര്യങ്ങൾ ആദ്യമൊക്കെ നമ്മൾക്ക് ഒത്തിരി ആനന്ദവും സംതൃപ്തിയും നൽകിയേക്കാം അതിന്റെ ബുദ്ധിമുട്ട് നാളുകൾ കഴിഞ്ഞായിരിക്കും ഒരുപക്ഷെ പ്രകടമാകുക.

വഴിവിട്ട ആഘോഷങ്ങൾ നമ്മുടെ ജീവിതത്തിൽ ബുദ്ധിമുട്ടുകൾ ഒരുപക്ഷെ ക്ഷണിച്ചുവരുത്തും.

പാഴ്ചിലവുകൾ ഒഴിവാക്കിയാൽ തന്നെ ബുദ്ധിമുട്ടുകളിൽ കാര്യമായ കുറവുകൾ ഉണ്ടാകും.

വരവ് അറിഞ്ഞുമാത്രം ചിലവ് ചെയ്യുക, ഇല്ലെങ്കിൽ നിക്കിയിരിപ്പ് ഇല്ലാതെ ബുദ്ധിമുട്ട് ഒരുപക്ഷെ നേരിടേണ്ടി വന്നേക്കാം.

നമ്മൾ കാരണം മറ്റൊരാൾക്ക്‌ പരമാവധി ബുദ്ധിമുട്ട് ഉണ്ടാവാതെ നോക്കുക.

ബുദ്ധിമുട്ടുകളെ തരണം ചെയ്യാൻ ഒരുപാട് കടമ്പകൾ നമ്മൾ ഓരോരുത്തരും കടക്കേണ്ടതുണ്ട്.

ബുദ്ധിമുട്ടുകൾ ഇല്ലാതെ മുന്നോട്ടുപോകാനാണ് നമ്മൾ എല്ലാവരും എപ്പോഴും ആഗ്രഹിക്കുക.

ബുദ്ധിമുട്ടുകൾ മാറിപോകണം എങ്കിൽ ശരിയായ പരിഹാരം അന്വേഷിച്ചു കണ്ടെത്തണ്ടതുണ്ട്.

എന്തുകാര്യവും ആദ്യമായി പഠിച്ചെടുക്കാൻ അതിന്റെതായ ബുദ്ധിമുട്ട് ഉണ്ടാവും. നിരന്തര പരിശ്രമത്തിന്റെ ഫലമായി ബുദ്ധിമുട്ട് പതിയെ കുറഞ്ഞു വരും.

ഓരോരോ കണ്ടുപിടുത്തങ്ങളും മനുഷ്യരുടെ ബുദ്ധിമുട്ട് കുറക്കുന്നതിനായിട്ടാണ്.

ഇല്ല എന്ന് പറയേണ്ടിടത്ത്‌ ഇല്ല എന്ന് പറയാൻ മടി കാണിച്ചാൽ ഒരുപാട് ബുദ്ധിമുട്ട് ഭാവിയിൽ ഒരുപക്ഷെ നേരിടേണ്ടി വന്നേക്കാം.

പലരും അവരുടെ ബുദ്ധിമുട്ട് മറ്റുള്ളവരെ അറിയിക്കാറില്ല. നമ്മൾ അനുഭവിച്ച ബുദ്ധിമുട്ട് ഇനി ഒരാൾക്കും ഉണ്ടാകരുത് എന്ന് നമ്മളിൽ പലരും ആഗ്രഹിക്കാറുണ്ട്.

ബുദ്ധിമുട്ടുകൾ നമ്മൾക്ക് മുന്നിൽ കടന്നുവന്നാലാണ് അതെല്ലാം തിരുത്തി മുന്നേറാൻ സാധിക്കുക.

നാളെകളിൽ നമ്മുടെയൊക്കെ ജീവിതത്തിൽ കാര്യമായ ബുദ്ധിമുട്ട് ഉണ്ടാവാതിരിക്കാൻ ഇന്ന് നമ്മുടെ ഭാഗത്തുനിന്നുള്ള പരിശ്രമം ഉണ്ടാവേണ്ടതുണ്ട്.

എല്ലാ ബുദ്ധിമുട്ടുകളും ഒരുപക്ഷെ ഒരു മനുഷ്യന് തനിയെ നേരിടാൻ കഴിഞ്ഞെന്ന് വരില്ല, അതിനു ചുറ്റിലുമുള്ള നല്ലവരായ മനുഷ്യരുടെ സഹായം വളരെ അധികം ആവശ്യമാണ്.

എന്തുകാര്യത്തിനും മുന്നിട്ടിറങ്ങുമ്പോൾ അതുമൂലം ഉണ്ടാകുന്ന ബുദ്ധിമുട്ട് മനസ്സിലാക്കാൻ ശ്രമിച്ചുകൊണ്ടിരിക്കുക.

കാലം മാറുന്നത് അനുസരിച്ചു നമ്മൾ നേരിടുന്ന ബുദ്ധിമുട്ടുകൾക്ക് മാറ്റങ്ങൾ ഉണ്ടാകും.

എല്ലാവർക്കും അവരവരുടെ ജീവിതത്തിൽ ഉണ്ടാകുന്ന ബുദ്ധിമുട്ടുകളെ ധിരമായി നേരിടാൻ സാധിക്കട്ടെ.