ഉണർവിൻ പൊൻകിരണങ്ങൾ:The awakening golden rays-263

നമ്മളിൽ പലർക്കും സന്തോഷിക്കാൻ സാധിക്കാത്തതിനുള്ള പ്രധാന കാരണം ബാധ്യത ഉള്ളതുകൊണ്ടാണ്.

കടബാധ്യത പലർക്കും ഉണ്ടാവാം. ബാധ്യത തിരുന്നതുവരെ നമ്മൾ ആർക്കും സ്വാതന്ത്ര്യം നേടാൻ സാധിക്കണമെന്നില്ലല്ലോ.

ബാധ്യത തീർക്കാൻ ഒത്തിരി പരിശ്രമിക്കേണ്ടതായിട്ടുണ്ട്.

നമ്മൾ തെറ്റ് ചെയ്താൽ ശിക്ഷ അനുഭവിക്കേണ്ട ബാധ്യത നമ്മൾക്കുണ്ടാകുമല്ലോ.

ഇനിയൊരു പ്രകൃതിദുരന്തം നമ്മളെ അല്ലെങ്കിൽ വരും തലമുറയെ ബാധിക്കാതിരിക്കണമെങ്കിൽ പ്രകൃതിയെ വേണ്ടതുപോലെ സംരക്ഷിക്കേണ്ടതുണ്ട്.

പല കാര്യങ്ങളും ഏറ്റെടുക്കുമ്പോൾ ഭാവിയിൽ ഒരുപാട് ബാധ്യത വരാനുള്ള സാധ്യത കൂടിയുണ്ടേന്നത് മറക്കാതിരിക്കുക.

വാഹനം വാങ്ങിക്കുമ്പോൾ അതു ഉപയോഗിക്കുന്നതിന് ഇന്ധനചിലവിനു പുറമെ, ഇടയ്ക്ക് സർവീസ് ചെയ്യാനും വർഷത്തിൽ ഇൻഷുറൻസ്, ടാക്സ്‌ മുതലായവ കൂടി കണക്കിലെടുക്കേണ്ടതുണ്ട്.

നമ്മുടെ ജീവിതത്തിൽ മറ്റുള്ളവർക്ക് വരുന്ന രീതിയിൽ ബാധ്യത ഉണ്ടാവാതിരിക്കാൻ നമ്മൾ നല്ലതുപോലെ പരിശ്രമിക്കേണ്ടതുണ്ട്.

തങ്ങൾ പഠിപ്പിക്കുന്ന കുട്ടികൾക്കിടയിൽ പഠനത്തിൽ മിടുക്ക് ഇല്ലാത്തവർ ഉണ്ടായേക്കാം, അതൊരിക്കലും അധ്യാപകർ ബാധ്യത ആയി കാണാതെ അവരുടേതായ പരിമിതികളിൽ നിന്നുകൊണ്ട് അവർക്ക് വേണ്ട അറിവ് പകർന്നു കൊടുക്കുക.

അവരവർക്കുണ്ടാകുന്ന ബാധ്യതകളെ ശരിയായ വിധത്തിൽ കൈകാര്യം ചെയ്യാൻ കഴിയട്ടെ.

മക്കളെ വളർത്തുന്നതും മാതാപിതാക്കളെ സംരക്ഷിക്കുന്നതും ബാധ്യത ആയി കാണാതെ കടമകൾ ആയിട്ടു മുന്നോട്ടു പ്രവർത്തിക്കാൻ നമ്മൾ ഓരോരുത്തർക്കും സാധിക്കട്ടെ.