ഉണർവിൻ പൊൻകിരണങ്ങൾ:The awakening golden rays-232

നമ്മൾക്ക് പല മേഖലയിലും എത്തിപ്പെടാൻ ഒത്തിരി ആളുകളുടെ പിന്തുണ വളരെ അധികം ആവശ്യമാണ്.

പലരുടെയും ജീവിതം നിരാശയിൽ ആകുന്നതിനു കാരണം ആവശ്യമായ പിന്തുണ വേണ്ടപ്പെട്ടവരിൽ നിന്നും ആവശ്യസമയത്തു കിട്ടാത്തത് കൊണ്ടാണ്.

പല തരത്തിലുള്ള വേദന ഉളവാക്കുന്ന അനുഭവത്തിലൂടെ കടന്നുപോകുമ്പോഴും വേണ്ടത്ര പിന്തുണ ലഭിക്കുന്നത് വളരെ വലിയൊരു ആശ്വാസമാണ്.

പിന്തുണ കിട്ടാത്തിടത്തു തുടരാൻ പലർക്കും താല്പര്യം ഉണ്ടാവണമെന്നില്ല.

പല സാഹചര്യത്തിലും നമ്മളെ പിന്തുണക്കാൻ ആരുമില്ലെങ്കിലും ധൈര്യമായി മുന്നോട്ടു പോകുവാൻ ആന്മവിശ്വാസം നമ്മൾക്കു ഉണ്ടാകേണ്ടതുണ്ട്.

ജീവൻ നിലനിർത്താൻ ഭക്ഷണത്തിന്റെ പിന്തുണ വളരെ ആവശ്യമാണ്.

പ്രകൃതിയുടെ പിന്തുണ ഇല്ലെങ്കിൽ ഭൂമിയിൽ മനുഷ്യവാസം സാധ്യമല്ലല്ലോ.

നമ്മൾക്കു പല കാര്യത്തിലും തുടക്കത്തിൽ തന്നെ വേണ്ട രീതിയിൽ പിന്തുണ കിട്ടിയെന്ന് വരില്ല, അപ്പോഴെല്ലാം തളരാതെ മുന്നോട്ടു സഞ്ചരിക്കുക, ഒരുപക്ഷെ ഒരിക്കൽ പിന്തുണ നമ്മളെ തേടി വരും.

എന്തു കാര്യത്തിന് പിന്നിലും പ്രത്യക്ഷമായും പരോക്ഷമായും പിന്തുണ ഉണ്ടാവാറുണ്ട്.

പിന്തുണ നഷ്ടപ്പെട്ടാൽ പലപ്പോഴും മുന്നോട്ടു സഞ്ചരിക്കുക പ്രയാസകരമാണ്.

എന്തുകാര്യത്തിലും വിജയം നേടാൻ പിന്തുണ ആവശ്യമാണ്.

നമ്മൾക്കു ആവശ്യമായ സമയത്തോ ആഗ്രഹിക്കുമ്പോഴോ വേണ്ട രീതിയിൽ പിന്തുണ കിട്ടിയെന്ന് വരില്ല.

വേണ്ട രീതിയിൽ പിന്തുണ കിട്ടിയില്ലെങ്കിലും മുന്നോട്ടു സഞ്ചരിക്കുക. ഒരു വഴി അടഞ്ഞാൽ മറ്റു വഴികൾ തേടുക.

പല സാഹചര്യത്തിലും നമ്മൾക്ക് പിന്തുണ നൽകാൻ നമ്മൾ മാത്രമേ കാണുകയുള്ളു.

വേണ്ടത്ര പിന്തുണ കിട്ടാത്തതിന്റെ പേരിൽ വിഷമിക്കാതെ ധൈര്യമായി മുന്നോട്ടു പോകുവാൻ നമ്മൾ എല്ലാവർക്കും സാധിക്കട്ടെ.