ഉണർവിൻ പൊൻകിരണങ്ങൾ:The awakening golden rays-228

നമ്മളിൽ പലരും പലപ്പോഴും മറ്റുള്ളവരോട് പറയാനുള്ളത് പറയാറില്ല.

ഓരോ കാര്യവും കൃത്യമായി സമയത്തു തന്നെ പറയേണ്ടതുണ്ട്.

മറ്റുള്ളവർ നല്ലത് ചെയ്താൽ അവരോട് നല്ലതാണെന്നു പറയാൻ പലപ്പോഴും നമ്മളിൽ പലരും ഒരുപക്ഷെ വിമുഖത കാണിക്കുന്നു.

വിഷമങ്ങൾ ഉണ്ടാവുമ്പോൾ ആരോടും പങ്കുവെക്കാതെ ഉള്ളിൽ വെച്ചു നടക്കുന്നവരാണ് നമ്മളിൽ പലരും.

ആരോടായാലും പറയാനുള്ളത് പറയുക എന്നത് സാഹചര്യം നോക്കി ആവണം.

നമ്മുടെ ചുറ്റിലും എന്തെല്ലാം അനാവശ്യങ്ങളാണ് ചിലപ്പോഴെങ്കിലും ഒരുപക്ഷെ പലരിൽ നിന്നായി കേൾക്കേണ്ടി വരുന്നത്.

ഒരു കാര്യത്തെപ്പറ്റി പറയുമ്പോൾ പരമാവധി മുഴുവനായി പറയാൻ ശ്രമിക്കുക, എങ്കിലാണ് കേൾക്കുന്ന വ്യക്തിക്ക് കാര്യം മനസ്സിലാവുള്ളു.

പറയാനുള്ളത് പറയുമ്പോൾ മറ്റുള്ളവരെ വിഷമിപ്പിക്കാതെ കാര്യം അവതരിപ്പിക്കാൻ കഴിയണം.

എല്ലാവർക്കും എല്ലാ കാര്യങ്ങളും ഒറ്റയടിക്ക് മനസ്സിലാവണം എന്നില്ലല്ലോ.

ഓരോ കാര്യവും അതിന്റെതായ സമയത്തു പറയേണ്ടതുണ്ട്.

പലരും തങ്ങളുടെ കഴിഞ്ഞകാലത്തിൽ തങ്ങൾക്കുവേണ്ട മാർഗനിർദേശം പറഞ്ഞു തരാൻ ആരും തന്നെ ഉണ്ടായില്ല എന്ന് പരിഭവം പറയാറുണ്ട്.

ചിലരൊക്കെ നമ്മളോട് നല്ല കാര്യങ്ങൾ നമ്മുടെ നല്ലതിനുവേണ്ടി പറഞ്ഞു തന്നാൽ പോലും അവർ പറയുന്നത് അതേപോലെ ഉൾകൊള്ളാൻ എപ്പോഴും നമ്മളിൽ പലർക്കും സാധിക്കാറില്ല.

മറ്റുള്ളവർക്ക് ഉപകാരപ്രദമായ നല്ല കാര്യങ്ങൾ പറയാൻ ശ്രമിക്കുക.

എല്ലാവർക്കും പോസിറ്റീവ് ആയിട്ടുള്ള കാര്യങ്ങൾ പരസ്പരം പറയാൻ ഇനിയുള്ള കാലം സാധിക്കട്ടെ.