ഉണർവിൻ പൊൻകിരണങ്ങൾ:The awakening golden rays-222

ഏതൊരു മനുഷ്യനും ഈ ഭൂമിയിൽ പിറന്നു വീണതുമുതൽ പരിചരണം ആവശ്യമാണ്. ജീവിതത്തിന്റെ പല കാലഘട്ടത്തിലും പരിചരണം ആവശ്യമാണ്.

ഏതൊരു സാഹചര്യത്തിലും പുരോഗതി പ്രാപിക്കാൻ വേണ്ടത് നല്ലതുപോലെയുള്ള പരിചരണമാണ്.

ഈ ഭൂമിയിൽ പിറന്നു വീഴുന്ന എല്ലാവർക്കും ആവശ്യമായ പരിചരണമൊന്നും ഒരുപക്ഷെ കിട്ടിയെന്ന് വരില്ല.

ജീവിതസാഹചര്യം മോശമാണെങ്കിൽ പലപ്പോഴും നല്ല പരിചരണം കിട്ടാനുള്ള സാധ്യത ഇല്ലല്ലോ.

എല്ലാവരാലും ഉപേക്ഷിക്കപ്പെട്ട വ്യക്തികൾക്ക് പരിചരണം കൃത്യമായി കൊടുക്കേണ്ടതുണ്ട്.

എത്രയോ സ്ഥാപനങ്ങളാണ് ഇന്നിപ്പോൾ കുഞ്ഞുങ്ങളെ,പ്രായമായവരെ, അസുഖബാധിതരെ നോക്കുവാൻ വേണ്ടിയുള്ളത്.

ശരിയായ പരിചരണത്തിലൂടെ രോഗത്തിൽ നിന്നും മോചനം നേടികൊണ്ടു പഴയ ജീവിതത്തിലേക്ക് കടന്നുവരുന്ന വ്യക്തികൾക്ക് തുടർന്നും പരിചരണം ആവശ്യമാണ്.

മറ്റുള്ളവരെ പരിചരിക്കുന്നത് ഒരിക്കലും കുറവ് ആയിട്ടു കാണാതെ നന്മ ആയിട്ടു കാണാൻ ശ്രമിക്കുക. ഇന്ന് നമ്മൾ ചെറുപ്പമാണെങ്കിൽ നാളെകളിൽ നമ്മൾ എല്ലാവരും പ്രായമാകുന്നവരാണെന്ന് തിരിച്ചറിയുക.

നമ്മൾ, നമ്മളുടെ ആരോഗ്യത്തെ വേണ്ടതുപോലെ പരിചരിക്കുക, ശരീരത്തിനു ദോഷമായതു ഉപേക്ഷിക്കുക.

ശരിയായ പരിചരണത്തിലൂടെ നമ്മുടെ ചുറ്റിലുമുള്ളവർക്ക് വളർച്ചകൾ നേടാനുള്ള സഹായം നൽകികൊണ്ട് നന്മകൾ ചെയ്യാൻ എല്ലാവർക്കും കഴിയട്ടെ.