ഉണർവിൻ പൊൻകിരണങ്ങൾ:The awakening golden rays-211

നേട്ടങ്ങൾ സ്വന്തമാക്കാൻ ആഗ്രഹിക്കാത്തവരായി ആരുമില്ല.

ഏതൊരു വ്യക്തിയുടെയും ജീവിതത്തിൽ നേട്ടങ്ങൾക്ക് പിന്നിലും കഷ്ടപ്പാടിന്റെ കഥയുണ്ട്.

നമ്മൾ ആഗ്രഹിച്ചതുപോലെ നേട്ടങ്ങൾ സ്വന്തമാക്കാൻ പലപ്പോഴും സാധിച്ചെന്നുവരില്ല, പക്ഷെ എങ്കിൽ നിരന്തരപരിശ്രമം ഉണ്ടെങ്കിൽ നമ്മൾ ആഗ്രഹിച്ച നേട്ടത്തേക്കാൾ ഉപരിയായ നേട്ടം ഒരുപക്ഷെ നമ്മളെ തേടിവന്നേക്കാം.

ഒരു ഭാഗത്തു നേട്ടങ്ങൾ ഉണ്ടാകുന്നതിനൊപ്പം മറുഭാഗത്തു നഷ്ടങ്ങളും ഒരുപക്ഷെ ഉണ്ടായെന്നു വരാം.

ജീവിതത്തിൽ ഉണ്ടാകുന്ന നേട്ടങ്ങളിൽ മതിമറക്കാതെ നിരന്തരം ശ്രമിച്ചെങ്കിൽ മാത്രമേ പുരോഗതി ഒരുപക്ഷെ കൈവരിക്കാൻ കഴിയുകയുള്ളു.

ഏതൊരു നേട്ടത്തിന് പിന്നിലും അധ്വാനം ആവശ്യമാണ്. പല സാഹചര്യത്തിലും നേട്ടങ്ങൾ സ്വന്തമാക്കാൻ കഴിയുമെന്ന് യാതൊരു ഉറപ്പും പറയാൻ സാധിച്ചെന്നു വരത്തില്ല.

നേട്ടങ്ങൾ സ്വന്തമാക്കുക എന്നത് മറ്റുള്ളവരേക്കാൾ അധികമായി നമ്മുടെ ആവശ്യമായിരിക്കണം.

നേട്ടങ്ങൾ സ്വന്തമാക്കാൻ കഴിവ് ഉണ്ടായിരുന്നിട്ടും പലരും സാഹചര്യം നിമിത്തം ശ്രമിക്കാതിരുന്നിട്ടുണ്ട്.

നമ്മൾ നേട്ടത്തിനായി പരിശ്രമിക്കുമ്പോൾ ഒരുപക്ഷെ നമ്മളോട് മറ്റുള്ളവർ നെഗറ്റീവ് പറയുകയും മോശമായി വിമർശിക്കുകയും പരിഹസിക്കുകയും ചെയ്തെന്നു വരാം, അവരുടെ പ്രവർത്തികളിൽ നമ്മൾ തളർന്നുകഴിഞ്ഞാൽ പറയുന്നവർക്ക് അല്ല നഷ്ടങ്ങൾ ഉണ്ടാവുക, നമ്മൾക്ക് തന്നെയാണ് എന്ന് മനസിലാക്കുക.

നേട്ടങ്ങൾക്ക് വേണ്ടി പരിശ്രമിക്കാൻ നമ്മളിൽ പലരും മടി വിചാരിക്കാറുണ്ട് പലപ്പോഴും. മറ്റുള്ളവർ എന്ത് പറയും, അവർക്കൊക്കെ എന്തു തോന്നും എന്ന് കരുതിയിരുന്നാൽ നേട്ടങ്ങൾ ഒരിക്കലും നമ്മൾക്ക് ഒരുപക്ഷെ സ്വന്തമാക്കാൻ സാധിച്ചെന്നു വരത്തില്ല.

നേട്ടങ്ങൾക്ക് വേണ്ടി പരിശ്രമിക്കുമ്പോൾ പലപ്പോഴും പരാജയപ്പെട്ടേക്കാം, അപ്പോഴൊക്കെ തളരാതെ വീണ്ടും തെറ്റുകൾ തിരുത്തി നേട്ടത്തിനുവേണ്ടി പരിശ്രമിക്കാൻ തയ്യാറാവുക.

നമ്മൾ നേടുന്ന ഓരോ ചെറിയ നേട്ടത്തിലും സന്തോഷിക്കാനും ആന്മവിശ്വാസം വർധിക്കാനും ഇടയാവട്ടെ.

നേരായ നേട്ടങ്ങൾക്ക് വേണ്ടി അഹോരാത്രം പരിശ്രമിക്കാൻ നമ്മൾ എല്ലാവർക്കും സാധിക്കട്ടെ.