276.മറ്റുള്ളവർക്ക് വേണ്ടി നന്മ മാത്രം ചെയ്യുക.
ഈ ലോകത്തു നമ്മൾ എന്തെല്ലാം നന്മകളാണ് കണ്ടിട്ടുള്ളത്, അനുഭവിച്ചിട്ടുള്ളത്.നമ്മളിലൂടെ മറ്റുള്ളവരിലേക്ക് നന്മകൾ പകർന്നു കൊടുക്കേണ്ടത് വളരെ ആവശ്യമായ കാര്യമാണ്.നാളെ നമ്മൾ ഏതെല്ലാം അവസ്ഥകളിലൂടെ കടന്നുപോകേണ്ടി വരുമെന്ന് ആർക്കും തന്നെ നമ്മളോട് മുൻകൂട്ടി പറയാൻ കഴിയില്ലല്ലോ.ലോകത്തിൽ ഒരുപാട് മനുഷ്യരിൽ നന്മകൾ ഉള്ളത് കൊണ്ടാണ് സമാധാനവും സന്തോഷവും നിലനിൽക്കുന്നത്. നമ്മൾക്ക് ചെയ്യാൻ കഴിയുന്ന നന്മകൾ പരമാവധി ഈ ലോകത്തിനുവേണ്ടി ചെയ്യുക.
മറ്റുള്ളവരിൽ നിന്നും തിരികെ ഒന്നും പ്രതീക്ഷിക്കാതെ നന്മകൾ ചെയ്യാൻ ശ്രദ്ധിക്കുക. മറ്റുള്ളവർക്കും നമ്മളെപ്പോലെ നന്മകൾ ചെയ്യാൻ നമ്മൾ ഓരോരുത്തരുടെയും നന്മ പ്രവർത്തികൾ പ്രചോദനം ആകട്ടെ. നമ്മുടെ ഓരോരുത്തരുടെയും ഭാഗത്തുനിന്നും ലോകത്തിനു ഒരുപാട് നന്മകൾ ആവശ്യമുണ്ട്. മനുഷ്യർക്ക് മുന്നോട്ട് പോകാൻ മറ്റൊരു മനുഷ്യന്റെ സഹായം ആവശ്യമാണ്.
ഇന്ന് നമ്മൾ അനുഭവിക്കുന്ന സുഖസൗകര്യങ്ങൾ ഒരുപാട് മനുഷ്യരുടെ അധ്വാനമാണ്. ഇന്നിപ്പോൾ നമ്മൾ സന്തോഷത്തിലും സമാധാനത്തിലും ജീവിക്കുന്നുണ്ടെങ്കിൽ അതിനു ഒരുപാട് മനുഷ്യരോട് നന്ദി പറയേണ്ടതുണ്ട്. നന്മകൾ ചെയ്യാൻ നമ്മൾ ഓരോരുത്തരും സ്വയം തീരുമാനിക്കണം.
നമ്മൾ ചെയ്യുന്ന ഓരോ നന്മ പ്രവർത്തികളും മറ്റുള്ളവർക്കും തങ്ങളുടെ ചുറ്റിലുമുള്ള മനുഷ്യർക്കായി നന്മകൾ ചെയ്യുന്നതിന് എന്നുമെന്നും പ്രചോദനം ആയിതീരട്ടെ. ലോകത്തിൽ നിന്ന് നന്മകൾ നഷ്ടമായാൽ നമ്മുടെയൊക്കെ മുന്നോട്ടുള്ള ജീവിതം ഒരുപക്ഷെ ദുഃഖദുരിതം ആയിതിർന്നേക്കാം.
നമ്മൾക്ക് ലഭിച്ച സൗഭാഗ്യങ്ങൾ, കഴിവുകൾ ഇതൊന്നും നമ്മൾ മുൻകൂട്ടി തീരുമാനിച്ചത് അല്ലല്ലോ. നമ്മൾക്ക് കിട്ടിയ നന്മകളിൽ ഒരിക്കലും അഹങ്കരിക്കാതിരിക്കുക. നമ്മളുടെ കഴിവും സമയവും നല്ല കാര്യങ്ങൾക്കുവേണ്ടി മാത്രം വിനിയോഗിക്കുക. ലോകത്തിൽ നന്മകൾ എന്നും നിലനിൽക്കാൻ നമ്മുടെ ഭാഗത്തുനിന്നുള്ള പരിശ്രമം എല്ലായ്പോഴും ഉണ്ടാകട്ടെ നമ്മുടെ ചുറ്റിലുമുള്ള മനുഷ്യരെ മനുഷ്യരായി കണ്ടു അവർക്ക് വേണ്ടി നമ്മളെകൊണ്ട് പറ്റുന്ന രീതിയിൽ അവരിൽ നിന്നും യാതൊന്നും തിരികെ പ്രതീക്ഷിക്കാതെ നന്മകൾ ചെയ്യാൻ നമ്മൾ എല്ലാവർക്കും ഇനിയുള്ള കാലം സാധിക്കട്ടെ.
Read More
