സ്നേഹസ്പർശനമായി കൺമുൻപിൽ:A spark of love to open your eyes-328

 നമ്മൾ എല്ലാവർക്കും ഒത്തിരി അധികം സങ്കടം ഉള്ളിന്റെ ഉള്ളിൽ ഒരുപക്ഷെ എപ്പോഴെങ്കിലും ഉണ്ടായേക്കാം.ചില ആളുകൾ ഉള്ളിൽ എത്ര അധികം സങ്കടം ഉണ്ടെങ്കിൽ പോലും അതൊന്നും പുറമെ കാണിക്കാറില്ല.സങ്കടങ്ങളെ ഒഴിവാക്കാൻ ശ്രമിക്കുക എന്നുപറയുന്നത് എല്ലാവർക്കും അത്ര എളുപ്പമുള്ള കാര്യം അല്ല.പലപ്പോഴും സങ്കടത്തിനു കാരണം ആകുന്നത് നമ്മുടെ അലസത ആയിരിക്കാം.നമ്മുടെ ഉള്ളിലെ സങ്കടങ്ങളെ ചെറുത്തു തോൽപ്പിക്കാൻ നമ്മൾ ഇനിയും ഒരുപാട് പരിശ്രമിക്കേ ണ്ടിയിരിക്കുന്നു.

നമ്മുടെ ജീവിതത്തിൽ നമ്മൾ ആഗ്രഹിക്കുന്നതിനു വിപരീതമായി സംഭവിക്കുന്നതെല്ലാം നമ്മൾക്ക് സങ്കടത്തിനു കാരണമാണ്. ചില ആളുകളുടെ ജീവിതത്തിൽ സങ്കടങ്ങൾ ഉണ്ടാകുമ്പോൾ അവർ അതിനുള്ള പരിഹാരം കണ്ടെത്താനും അതിലുടെ അതേ സങ്കടത്തിലൂടെ കടന്നുപോകുന്ന മറ്റുള്ളവരെ സഹായിക്കാനും ശ്രമിക്കുന്നു. ഇന്നിപ്പോൾ പല കണ്ടുപിടുത്തങ്ങളും സംരഭങ്ങളും പലരുടെയും സങ്കടത്തിൽ നിന്നും ഉൾകൊണ്ട പാഠത്തിൽ നിന്നുമാണ് രൂപംകൊണ്ടത്.ഏതൊരു മനുഷ്യനും ആഗ്രഹിക്കുന്നത് സന്തോഷം നിറഞ്ഞ ജീവിതമാണ്.

 

നമ്മുടെയൊക്കെ ജീവിതത്തിൽ സങ്കടത്തിന് കാരണങ്ങൾ നിരവധി ഉണ്ടാവാം. സങ്കട പ്പെട്ടതുകൊണ്ട് എന്തെങ്കിലും നേട്ടം നമ്മുടെയൊക്കെ ജീവിതത്തിൽ ഉണ്ടാകുന്നുണ്ടോയെന്ന് നമ്മൾ ചിന്തിക്കുക.ഏതൊരു മനുഷ്യനും ഏറ്റവും കൂടുതൽ ഒരുപക്ഷെ സങ്കടപ്പെടുക സ്നേഹം നഷ്ടപ്പെടുമ്പോഴായിരിക്കും.തന്നെ ആരും സ്നേഹിക്കാൻ ഇല്ലായെന്നുള്ള സങ്കടത്തിൽ ജീവിക്കുന്നവരും ഒരുപാട് പേരുണ്ടാവും നമ്മുടെയൊക്കെ കുട്ടത്തിൽ. സങ്കടങ്ങളെ ഇല്ലാതെ യാക്കാൻ വിശ്വാസ്തരായവരോടുള്ള തുറന്നു പറച്ചിൽ ഒരു പരിധി വരെയെങ്കിലും സഹായിച്ചേക്കും.ജീവിതത്തിൽ ഇന്നുവരെ ഒന്നും ആയിതിരാൻ കഴിയാതെ പോയതിൽ സങ്കടപ്പെടുന്നവരുണ്ട്.

 

ഒറ്റപ്പെട്ട അവസ്ഥയിൽ ജീവിക്കേണ്ടി വരുന്നവർക്ക് സങ്കടം ഉണ്ടാവാറുണ്ട്.എത്ര ശ്രമിച്ചിട്ടും സങ്കടത്തിനു യാതൊരു കുറവുമില്ല എന്ന് പരാതി പറയുന്നവരും ഉണ്ട്.

ഓരോ സങ്കടവും നമ്മളിൽ നിന്നും അകലണമെങ്കിൽ നിശ്ചിത സമയവും കാലവും ആവശ്യമാണല്ലോ. ജീവിതത്തിൽ എത്രയൊക്കെ സങ്കടം ഉണ്ടെങ്കിലും അതിനെയെല്ലാം ധിരതയോടെ നേരിടാൻ പഠിക്കുക.

നമ്മളുടെ ചുറ്റിലും ഉള്ളതെല്ലാം മാറ്റങ്ങൾക്ക് വിധേയമാണെന്ന് മനസ്സിലാക്കാൻ ശ്രമിക്കുക. സങ്കടങ്ങളെ ഉപേക്ഷിച്ചുകൊണ്ട്, നമ്മുടെ സങ്കടങ്ങൾക്ക് നേരായ വിധത്തിൽ പരിഹാരം കണ്ടെത്താൻ നിരന്തരം ശ്രമിക്കാൻ നമ്മൾ എല്ലാവർക്കും സാധിക്കട്ടെ.