സ്നേഹസ്പർശനമായി കൺമുൻപിൽ:A spark of love to open your eyes-266

 266.മനസ്സിൽ പതിയുക.

നമ്മളുടെ ഓരോരുത്തരുടെയും മനസ്സിൽ മറ്റുള്ളവരെക്കുറിച്ച് ഒരു ചിത്രം പതിയാറുണ്ട്.

ചിലരൊക്കെ നിമിഷംനേരം കൊണ്ടായിരിക്കും അവരുടെ സ്വഭാവം തന്നെ മാറ്റുന്നത്. സാമൂഹ്യപ്രതിബദ്ധത ഉള്ള ഒത്തിരി ആളുകൾ ഇപ്പോഴും ഉണ്ടെന്നതിൽ വളരെ അധികം അഭിമാനമുണ്ട്. സത്യത്തിനും നീതിക്കും വേണ്ടി ജീവിക്കുക. ജീവിതത്തിൽ ഒരിക്കൽ പോലും ആഗ്രഹിക്കാത്ത കാര്യങ്ങൾ സ്വന്തം ജീവിതത്തിൽ സംഭവിക്കുമ്പോൾ അവരുടെ മനസ്സിൽ ഒരുപാട് വേദനകളാണ് ഉണ്ടാവുന്നത്.

ചിലർക്കൊക്കെ ചെറുപ്പത്തിൽ ഉണ്ടായിട്ടുള്ള വേദനകൾ, പിൽകാലത്ത്‌ പലതരത്തിലുള്ള ബുദ്ധിമുട്ടുകൾക്ക് കാരണമായിട്ടുണ്ട്. മനുഷ്യത്വം നഷ്ടപ്പെടാത്ത ഒത്തിരി വ്യക്തികളുടെ ജീവിതം പല മാധ്യമങ്ങളിലൂടെയും അറിയാൻ കഴിഞ്ഞിട്ടുണ്ട്. മറ്റുള്ളവർ നമ്മളെ എങ്ങനെ വേണമെങ്കിലും വിലയിരുത്തികൊള്ളട്ടെ, നമ്മളുടെ ശരികളിൽ, ഉറച്ച നിലപാടിൽ മുന്നോട്ട് പോകുവാൻ ഇടയാകട്ടെ. മറ്റുള്ളവരെ പറ്റിയുള്ള മോശമായ കാര്യങ്ങൾ മാറ്റികൊണ്ട് ആ വ്യക്തി ചെയ്തിട്ടുള്ള എന്തെങ്കിലും നല്ലൊരു കാര്യം മനസ്സിലേക്ക് കൊണ്ട് വരാൻ ശ്രമിക്കാം.പതിയെ ചുറ്റിലും ഉള്ളവരിൽ നിന്നും നല്ല കാര്യങ്ങൾ മാത്രം മനസ്സിൽ പതിപ്പിക്കാൻ എല്ലാവർക്കും കഴിയട്ടെ.