സ്നേഹസ്പർശനമായി കൺമുൻപിൽ:A spark of love to open your eyes-263

 263.മനസമാധാനം ഇല്ല.

മനുഷ്യന് സന്തോഷിക്കാൻ വേണ്ട ഒരു കാര്യമാണ് മനസമാധാനം എന്ന് പറയുന്നത്.

നഷ്ടങ്ങളിൽ നിന്നും പാഠങ്ങൾ പഠിച്ചു പിന്നീട് എങ്ങനെ നേട്ടങ്ങൾ ഉണ്ടാക്കാൻ സാധിക്കും എന്ന് തിരിച്ചറിയുമ്പോൾ പതിയെ നഷ്ടം ആയ സമാധാനം തിരികെ വരും,അതിനായി നമ്മളുടെ ഭാഗത്തു നിന്നും കഠിനമായ പരിശ്രമം വേണ്ടിവരും.നമ്മൾക്ക് എന്തെങ്കിലും പ്രശ്‌നങ്ങൾ നേരിടുമ്പോൾ മനസമാധാനം നൽകാൻ ഒരുപക്ഷെ ഒത്തിരി ആളുകൾ നമ്മുടെ ചുറ്റിലും പരമാവധി ശ്രമിക്കുന്നുണ്ടാകാം.

നമ്മൾ വിചാരിച്ചത് നടന്നില്ലെങ്കിൽ ചിലപ്പോഴൊക്കെ നമ്മൾക്കുള്ള മനസമാധാനം നഷ്ടപ്പെടാറുണ്ട്.

മനസമാധാനം ജീവിതത്തിൽ നിറയാൻ എന്തെല്ലാം കാര്യങ്ങൾ ചെയ്യണം, എന്തെല്ലാം കാര്യങ്ങളിൽ ശ്രദ്ധ കേന്ദ്രികരിക്കണം എന്നതൊക്കെ വളരെ അധികം പ്രാധാന്യം ഉള്ള കാര്യമാണ്.നാളെകളെ കുറിച്ചുള്ള പ്രതീക്ഷകൾ നമ്മൾക്ക് മനസമാധാനം നൽകും.നമ്മുടെ ചുറ്റിലും സമാധാന അന്തരിക്ഷം നാം തന്നെ സൃഷ്ടിച്ചെടുക്കണം.ഭയം നമ്മുടേ ഉള്ളിലേക്ക് ഒരു പരിധിയിൽ കൂടുതൽ കടന്നു കഴിഞ്ഞാൽ മനസമാധാനം നഷ്ടം ആയേക്കാം.

നമ്മളുടെ ആഗ്രഹങ്ങൾ നടക്കാതെ ആകുമ്പോൾ, നമ്മളുടെ ആവശ്യങ്ങൾ നേടിയെടുക്കാൻ കഴിയാതെ പോകുമ്പോൾ മനസമാധാനം ഇല്ലാത്തവർ ആയി നമ്മൾ മാറിയേക്കാം.

എല്ലാവർക്കും ഇനിയുള്ള കാലം മനസമാധാനത്തിൽ കഴിയാൻ സാധിക്കട്ടെ.