സ്നേഹസ്പർശനമായി കൺമുൻപിൽ:A spark of love to open your eyes-254

254.പോരാടുക.

ജീവിതം ഒരു പോരാട്ടമാണ്.പ്രതിസന്ധികളെ, പരാജയങ്ങളെ എല്ലാം പോരാടിയെങ്കിൽ മാത്രമേ വിജയം നേടാൻ സാധിക്കുകയുള്ളു.മറ്റുള്ളവരുടെ വാക്കുകൾ മാത്രം കേൾക്കാതെ നമ്മുടെ കഴിവുകൾ മനസ്സിലാക്കി മുന്നോട്ട് പോകുവാൻ നമ്മൾക്കു കഴിയേണ്ടതുണ്ട്.പോരാടാനുള്ള മനസ്സാണ് ഒരു വിജയിക്ക് എപ്പോഴും ഉണ്ടാവേണ്ടത്.പോരാടുക എപ്പോഴും നല്ല കാര്യങ്ങൾക്ക് വേണ്ടിയാകണം.

ആവശ്യമില്ലാത്ത കാര്യങ്ങൾക്ക് പോരാടികൊണ്ട് നമ്മളുടെ വിലപ്പെട്ട സമയം നഷ്ടപ്പെടുത്തികളയരുത്.

ഏതു കാര്യത്തിലും പോരാടുക അത്ര എളുപ്പം അല്ല.പോരാടുന്നവർക്ക് വിജയിക്കും എന്നുള്ള പ്രതിക്ഷ എപ്പോഴും ഉണ്ടാവണം.

ഉറച്ച മനസ്സോടെ പോരാടാൻ നമ്മൾ ഓരോരുത്തരും തയ്യാറാവണം.എന്തിനുവേണ്ടിയാണ് പോരാടേണ്ടത് എന്നത് സംബന്ധിച്ച് ഉറച്ച ബോധ്യം നമ്മൾക്ക്

ഉണ്ടാവേണ്ടതുണ്ട്.

പോരാടാതെ പലപ്പോഴും നേട്ടങ്ങൾ സ്വന്തമാക്കാൻ സാധിച്ചെന്നു വരില്ല.ലോകത്തിന് മുന്നിൽ വിജയിച്ചവർ എല്ലാവരും തന്നെ അവരവരുടെ പരിമിതികളെ, പ്രതികൂല സാഹചര്യങ്ങളെ പോരാടികൊണ്ടു അതിജീവിച്ചവരാണ്.നല്ല മാറ്റങ്ങൾ കൊണ്ടുവരാൻ സാധിച്ചിട്ടുള്ളത് എന്നും സാഹചര്യങ്ങളോട് പോരാടുന്നവരുടെ

മുൻപിലാണ്.നിതി ലഭിക്കാൻ, സത്യം തെളിയിക്കാൻ, അങ്ങനെ ഒരുപാട് കാര്യങ്ങൾക്ക് പോരാടേ ണ്ടതായിട്ട് വന്നേക്കാം നമ്മൾ ഓരോരുത്തർക്കും.

ജീവിതം മുന്നോട്ട് പോകുവാൻ മുന്നിലുള്ള തടസ്സങ്ങളെ മാറ്റാൻ പോരാടാതെ സാധിക്കില്ലല്ലോ.

പ്രതിസന്ധികൾക്ക് മുൻപിൽ തല കുനിക്കാതെ, ധൈര്യപൂർവം പോരാടിയാൽ മാത്രമല്ലെ പ്രതിസന്ധിയെ അകറ്റാൻ സാധിക്കുകയുള്ളു.

ഈ നിമിഷം തൊട്ട് നമ്മളുടെ ജീവിതത്തിൽ ഉയർച്ചകൾ ഉണ്ടാവാൻ നമ്മൾ ഓരോരുത്തർക്കും നേരിന് വേണ്ടി, നന്മക്കുവേണ്ടി പോരാടാനുള്ള ശക്തി ലഭിക്കട്ടെ.