ഉൾകൊള്ളാൻ ഉൾകാഴ്ചകൾ:The Art of innerspring insight-95

 ഏകാന്തത നമ്മളിൽ പലർക്കും ചിലപ്പോഴെങ്കിലും അവരവരുടെ ജീവിതത്തിൽ നേരിടേണ്ടി വന്നേക്കാം. ചില നിമിഷങ്ങളിൽ നമ്മളിൽ പലരും ഏകാന്തത വളരെയേറെ ആഗ്രഹിക്കുന്നുണ്ടാവാം.ഏകാന്തതയിൽ നിന്നുകൊണ്ട് പലപ്പോഴും ചിലർക്കെങ്കിലും ഒത്തിരി കാര്യങ്ങൾ ചെയ്യാൻ കഴിയും.

ഏകാന്തതക്കു ഗുണവും ദോഷവും ഓരോരുത്തരുടെയും സാഹചര്യം അനുസരിച്ചു ഉണ്ടായേക്കാം.നമ്മൾക്കുണ്ടാവുന്ന ഏകാന്തതയെ ശരിയായ വിധത്തിൽ ഉൾകൊള്ളാൻ കഴിയേണ്ടതുണ്ട്.

ഒരു പരിധിവിട്ടുള്ള ഏകാന്തത ഒരുപക്ഷെ നമ്മിൽ പലരെയും വളരെയേറെ വിഷമിപ്പിച്ചേക്കാം.പല കാരണങ്ങൾക്കൊണ്ടും ഒരാൾക്ക് ഏകാന്തത അനുഭവപ്പെട്ടേക്കാം.ഏകാന്തയെ എളുപ്പം അതിജീവിക്കാൻ എല്ലാവർക്കും എല്ലായ്‌പോഴും കഴിയണമെന്നില്ല.

ഓരോ മനുഷ്യനും സമൂഹത്തിൽ ജീവിക്കേണ്ടവരാണ്, മുന്നോട്ടു ജീവിതം നയിക്കാൻ പല കാര്യത്തിലും സമൂഹവുമായി ഇടപെടൽ നടത്തേണ്ടി വരും, സമൂഹവുമായി കൂടുതൽ അടുത്തിടപെടാൻ ഏകാന്തതയെ ഉപേക്ഷിക്കേണ്ടതായിട്ടുണ്ട്.

 

തോൽവികൾ ആയിരുന്നിരിക്കാം, മറ്റുള്ളവരുടെ മുൻപിൽ അപമാനിക്കപ്പെട്ടതായിരിക്കാം, വേണ്ടപ്പെട്ടവർ നമ്മളിൽ നിന്നും അകന്നുപോയതാവാം, മറ്റുള്ളവർ നമ്മളെ ഒറ്റപ്പെടുത്തിയതാകാം അങ്ങനെ പല കാരണങ്ങളും നമ്മളിൽ പലർക്കും ഏകാന്തതയെ ഇഷ്ടപ്പെടാൻ ഒരുപക്ഷെ കാരണമായിട്ടുണ്ടെങ്കിലും നമ്മൾ അതിനെയെല്ലാം അതിജീവിച്ചുകൊണ്ട് മുന്നോട്ടുവരേണ്ടതുണ്ട്.

ഏകാന്തതയെ ഇഷ്ടപ്പെട്ടുകൊണ്ട് സമൂഹത്തിൽ നിന്നും, ചുറ്റിലുമുള്ള ബന്ധങ്ങളിൽ നിന്നൊക്കെ അകന്നു കഴിഞ്ഞാൽ  നമ്മുടെ മാനസിക, ശാരീരിക വളർച്ചയെ തന്നെ ഒരുപക്ഷെ ദോഷകരമായി ബാധിച്ചേക്കാം.

ഏകാന്തത നമ്മുടെ ജീവിതത്തിൽ ഉണ്ടാകുന്നതിൽ സങ്കടപ്പെടാതെ, എങ്ങനെ അതിൽ നിന്നും ശരിയായ വിധത്തിൽ മോചനം നേടാൻ സാധിക്കുമെന്നാണ് ചിന്തിക്കേണ്ടത്.നമ്മളുടെ കഴിവുകളെ പുറത്തുകൊണ്ട് വരാൻ ഒരുപരിധിവരെ ഏകാന്തത നമ്മളെ സഹായിച്ചേക്കാം.

പരിധി വിട്ടുള്ള ഏകാന്തതകളെ അതിജീവിക്കാൻ നമ്മളുടെ, നമ്മളുടെ ചുറ്റിലുമുള്ള നല്ലവരായ മനുഷ്യരുടെ ഭാഗത്തുനിന്നുള്ള ആത്മാർത്ഥമായ പരിശ്രമം പലപ്പോഴും ആവശ്യമായി വന്നേക്കാം.എല്ലാവർക്കും അവരവർക്ക് അനുഭവപ്പെടുന്ന ഏകാന്തതയിൽ നിന്നും വളരെ വേഗത്തിൽ മോചനം നേടാൻ സാധിക്കട്ടെ.